Descendants of the Sun AKA Tae-yang-eui hoo-ye [E01-E08] Sinhala Subtitles | හිරුගෙන් පැවත එන්නෝ… [සිංහල උපසිරැසි] (100)

මේ කතාව තාම කොරියාවේ විකාශණය වෙන කතාවක්. 2016 පෙබරවාරි 24 තමයි මේ කතාව විකාශය වෙන්න පටන් ගත්තේ. මේ කතාවේ ප්‍ර‍ධාන චරිත දෙක වෙන්නේ හමුදා සෙබලෙකුත් ලස්සන වෛද්‍යවරියකුත් තමයි. ඒත් මේ කතාව හුදෙක්ම ආදර කතාවක් නෙවෙයි. හමුදා නිළ ඇඳුමට යටින් තියෙන්නෙ කොයි තරම් මෘදු, කාරුණික හදවතක්ද කියලා මේ කතාවෙන් අපිට බොහොම ලස්සනට පෙන්වනවා. අපි නොහිතන තරම් කැපවීම් කරල තමන් කවදාවත් නොදැකපු අඳුනන්නෙ නැති අවය රකින්න තමන්ගෙ ජීවිතේ ලස්සනම කාලෙ යොදවන නිර්භීත හමුදා භටයින් ගැන අපිට මේ කතාවෙන් බලාගන්න පුලුවන්. මේ කතාවෙ ප්‍ර‍ධාන චරිත දෙක තමයි Shi-Jin (Song Joong-Ki) කියන විශේෂ බලකායේ හමුදා සෙබලා සහ Mo-Yeon (Song Hye-Kyo) කියන ලස්සන වෛද්‍යවරිය. මේ දෙන්නා ගැන මෙහෙම කිව්වට ඔයාලා ඇඳුනුවෙ නැතත් මම කියන්නම් ඔයාලට එයාලව අඳුනගන්න ලේසි ක්‍ර‍මයක්. ඔයාලට මතකද අපිට කොරියන් කතා පිස්සුව හදපු පලවෙනි කතාව. මොකක්ද් ඒ? ඒක තමයි Full House. ඒකෙ හිටපු පිස්සු කෙල්ලව නම් ඔයාලට මතක නැතිව ඇති නේද? ජි යුන්. අන්න එයා තමයි මේ කතාවේ අපේ ලස්සන වෛද්‍යවරිය. එතකොට ප්‍ර‍ධාන නලුවා. එයා තමයි ඔයාලා තවත් ආසාවෙන් බලපු කතාවක් වුන අසලියා මල කතාවේ හිටපු සෙල්ලක්කාර ශිෂ්‍යයා ඕරිම්. ඉතින් බලන්නකෝ මේ දෙන්නගෙ එකතුවෙන් මේ කතාව ගොඩනැගෙන හැටි. (හමුදාවෙ සහ වෛද්‍ය ක්ෂේත්‍රයේ භාවිත වෙන වචන ටිකක් වෙනස් නිසා උපසිරැසි වල යම් අඩුපාඩුවක් වෙතොත් තරහවෙන්න එපා….. )

4 කොටස Episode 04

ආහ්… මෙන්න දෙවියො තවත් අවස්ථාවක් දීලා. ලෝකෙ එහා කෙලවරටම ගිය ශින් ලඟටම ආයෙමත් මූ යොන්ග්ට යන්න වෙලා. ඉතින් දෙන්නම තමන්ගෙ හිතේ තියෙන දේවල් හිතේම තියාගෙන තමන්ගෙ රාජකාරි වල නිරත වෙනවා. හැබැයි මූ යොනාග් වගේ නෙවෙයි ශි ජින් නම් තමන්ගෙ ආදරේ හංගගන්න උත්සහ ගන්නෙ නැහැ. මේ අතර අපිට ඉන්නවා තවත් ආදරවන්තයො දෙන්නෙක්. ඒ තමයි ශි ජින්ගෙ හොඳම මිතුරා වන සැරයන් ඩේ යොන්ග් සහ තමන්ගෙ ප්‍ර‍ධාන අණදෙන නිලධාරියාගෙ දුව මූන් ජෝ. ඒ ආදරයත් ලේස පහසු ආදරයක් නෙවෙයි. මූන් ජෝගෙ පියාගෙ කැමැත්ත තමන්ගෙ යටතේ ඉන්න දක්ෂම සෙබලා වෙන ශි ජින් තමන්ගෙ බෑනා කරගන්න. ඒත් ඇගේ හිත නම් ගිහින් තියෙන්නෙ වෙනත් කෙනෙක්ටනේ. ඉතින් ඒකත් හරිම දුක්බර ආදර කතාවක් විදිහට තමයි අපිටදකින්න වෙන්නේ. ඔන්න මූ යොන්ග්ට දකින්න පුලුවන් වෙනවා ශි ජින් ගෙ රාජකාරියෙ බරපතලකම වගේම ඔහු ඒ  වගකීම් ගන්න අපූරුව. ඒත් හොඳම දේ කියන්නේ මූ යොන්ග් කියන්නෙත් ශි ජින්ටම හරියන විදිහෙ අනශ්‍ය තැනට අවශ්‍ය දේ කරන වෙන්ත දේ ගැන නොසිතන කෙනෙක් වීමයි. අපි බලමු මේ අපූරු දෙන්නගෙ හිතුවක්කාරකමින් මොකක්ද වෙන්නේ කියලා………

5 කොටස Episode 05

කොහොමද හිතුවක්කාර චරිත දෙකක එකතුව හරි අපුරුයි නේද? තමන්ගෙ සහෝදර සෙබලෙක්ගෙ ජීවිත පූජා කරල තමන් වෙනත් රටක විදේශීය සෙබලෙක්ගෙ ජීවිතය බේරගත්ත දුක්බර ඒත් පසුනොතැවෙන මොහොතක් ශි ජින් ගෙ ජීවිතේ තියෙනවා. ඒත් තමන් කරපු ඒ කැපකිරීම පලවෙනි වතාවට පසුතැවීමක් කරමින් ඒ බේරගත්ත විදේශීය සෙබලා නැවතත් ශි ජින් ඉස්සරහට එනවා. ඒ භයානක හොර ආයුධ ජාවාරම්කාරයෙක් විදිහටයි. ඔහු ශි ජින්ට කියනවා තමන්ගෙ වැඩ වලට බාධා කරන්න තමන් ඉස්සරහට ආයෙත් එන්න එපා කියලා. මේ සිදුවුන දේ ශි ජින්ට ලොකු කම්පනයක් ගේනවා. මොකද ඔහු කවදාවත් මෙවැනි දෙයක් බලාපොරොත්තු නොවුන නිසා. මේ දේවල් මෙහෙම වෙද්දි මූ යොන්ග් අනතුරකට භාජනය වෙනවා. ජීවිතෙත් මරණයත් අතර අන්තිම ගැට්ටේ ඉන්න මූ යොන්ග් ව ශි ජින් බොහොම දක්ෂ විදිහට බේරගන්නවා. ආපසු මව් රටට කැඳවන සැරයන් සියෝ ඩේ යොන්ග් තමන් හමුවට කැඳවන හමුදාපති නැවතත් ඔහුට පවසනවා තමන්ගෙ දුවව අමතක කරන ලෙසත් තමන් කැමති ශි ජින් තමන් බෑනා වෙනවටත් කියලා.

6 කොටස Episode 06

හමුදාපති ගෙ අදහස ශි ජින් තමන්ගෙ බෑණ් කරගන්න නිසා ඔහු ශි ජින්ව නැවත මව් රටට කැඳවල උසස් තනතුරක් දෙන්නයි සූදානම. ඉතින් තමන් ආපහු යන්න කලින් අවසන් වතාවට ශි ජින් මූ යොන්ග් ගෙන් අහනවා තමන්ගෙ ආදරය පිළිගන්න කැමතිද කියලා. ඒත් මූ යොන්ග් කියන්නේ මේ ඒකට වෙලාව නෙවෙයි. තමන්ට  ඒකට තවත් කාලය ඕනෙ කියලා. ඉතින් බොහොම කණගාටුවෙන් ඔහු ආපසු තමන්ගෙ මව් රටට යනවා. තමන් ඔහුව එහෙම ප්‍ර‍තික්ෂේප කරපු එක ගැන ඇය දුක්වෙද්දි ඔහු ආයෙත් තමන්ගෙන් ගොඩක් දුර ගිහින් කියලා ඇය දැනගන්නවා. ඉන් පස්සෙ ඇය කාලය ගෙවන්නෙ බොහොම දුකින්. මේ විදිහට ඔවුන්ගේ ස්වේච්ඡා සේවා කාලය අවසන් වෙනවා. තමන්ගෙ සේවා කාලය අවසන් කරපු වෛද්‍ය කණ්ඩායම නැවතත් මව් රටට යන්න බොහොම සතුටින් සුදානම් වෙනවා. ඒත් ඒ සතුට ඔවුන්ට විඳින්න පුලුවන් වෙයිද….

7 කොටස Episode 07

මෙන්න ගොඩක් භයානක දෙයක් වෙනවා. නොහිතපු විදිහේ ලොකු භූමි කම්පාවක්. ඒකෙන් බලාගාරය කඩන් වැටෙනවා. ඒකෙන් ගොඩක් අය තුවාල ලබනවා. මිය යනවා. මේ අනතුර වුන වෙලාවෙ එයාලගෙ උදව්වට නවතින්න වෛද්‍ය කණ්ඩායම තීරණය කරනවා. ආපහු තමන්ගෙ රටට යන්න ගුවන් තොටුපලට ගිය එයාලා නැවතත් කඳවුරට එනවා. හිතුවට වඩා ලොකු ආපදාවක් වෙලා කියලා ඊට පස්සෙ තමයි එයාලා දැනගන්නේ. මේ අතරතුර කොරියාවේ ඉන්න හැමෝම මේ අය ගැන කලබල වෙනවා. සියලුම සන්නිවේදන ජාල ඇණහිටලා නිසා හැමෝම බොහොම බයෙන් ඉන්නේ. නිවාඩුවට කොරියාවට ගිහින් ඉන්න ශි ජින් වගේම එහේ සේවයේ යෙදෙන ඩේ යොන්ග් මේ බය වුන අතර මුලින්ම ඉන්නවා. තමන්ගෙ නිවාඩුව අවලංගු කරගන්න ශි ජින් ආයෙත් උරුක් යන්න යනවා. ඒ වගේම බේරාගැනීමේ කණ්ඩායම වෙනුවෙන් ඩේ යොන්ග් ස්වේච්ඡාවෙන්ම ඉදිරිපත් වෙනවා.

8 කොටස Episode 08

බලාගාරයේ බේරාගැනීම් තමයි ප්‍ර‍ධානම ගැටළුව වෙන්නේ. හිතපු නැති තරම් අනතුරක් එතන තියෙනවා. ඒත් ඒ අනතුර නොසලකන මේ වීර සෙබළු ඒ වෙනුවෙන් තමන්ගේ උපරිම කැපවීම යොදවනවා. මේ අතරතුර දියමන්ති ජාවාරමේ යෙදෙන ප්‍ර‍ධාන කළමනාකාරතුමාට අවශ්‍ය වෙනවා තමන් සේප්පුවේ හංගපු දියමන්ති ටික ඉක්මනට ගන්න. මොකද නැත්නම් තමන්ට මැරුම් කන්න වෙන බව ඔහු දන්නවා. ඒත් මිනිස් ජීවිත බේරා ගැනීමට මුල් තැන දෙන හමුදාව ඔහුගේ ඉල්ලීමට ඇහුම්කන් දෙන්නේ නැහැ. මේ අතර ඇතුලෙ හිරවෙලා ඉන්න සේවකයෙක් බේරගන්න ශි ජින් සහ ඩේ යොන්ග් එහි යනවා. තමන්ගේ දියමන්ති ටික ගැනම කල්පනාවෙන් ඉන්න කළමණාකාරතුමා කවුරුත්ම නොදැන යන්ත්‍ර‍ක් උදව්වෙන් ගොඩනැගිල්ල හිල් කරනවා. ඒ කම්පනයෙන් ගොඩනැගිල්ලේ ආයෙමත් කඩාවැටීමක් වෙන අතර ඒ වෙලාවේ ශි ජින් ගොඩනැගිල්ල තුල හිර වෙනවා.

Due to copyright issues, we do not provide any torrent links.

මෙම ලබා දී ඇති උපසිරසි HDTV පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “ කනිෂ්කා ගිහානි පෙරේරා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]