For Better Sri Lanka 🇱🇰 #TogetherStronger #SriLanka

පලමු වතාවට Baiscope.lk සමග එකතු වෙන්නේ එහෙනම් බලමු චිත්‍රපටය මොකද කියලා
”මගේ තාත්තා නැති වුණාට පස්සෙ,
මට මගේ අම්මගෙ සතුටට වඩා දෙයක් ඕන කරේ නැහැ.
මං මගේ අම්මට උදව් කරේ නැත්තම් මම මොන වගේ පිරිමියෙක්ද වෙන්නෙ?
මං එයාව බේරගත්තෙ නැත්තම්?”
උඩ කියපු එකට හැමෝම එකඟ ඇති කියලා හිතනවා. මොකද එහෙම නොවෙන්න විදියක් නැහැ. ඒක තමයි අපිට තියෙන ලොකුම වගකීම වෙන්නෙත්. ඔන්න නැවතත් ඔබ හමුවට එන්නෙ මෙවර ඔස්කාර් සම්මාන උළලේදී ”Best Picture” යන්න ලොකු සම්භාවිතාවක් තියෙන සිනමා සිත්තමක් අරගෙන. ”The Power Of The Dog” නිකුත් වෙන්නෙ ”නෙට්ෆ්ලික්ස්’‘ හරහා. ඒවගේම තමයි මෙයට පාදක කරගන්නෙ 1967 වර්ෂයෙදී ”Thomas Savage” විසින් රචිත ‘‘The Power Of The Dog” යන නව කතාව ඇසුරෙන්. මෙය අධ්‍යක්ෂණය කරන්නෙ නවසීලන්ත චිත්‍රපට අධ්‍යක්ෂකවරියක් වෙන Jane Campion විසින්. ඇත්තෙන්ම කිව්වොත් ඇයගෙ ඇතැම් නිර්මාණ ඉතාමත් අනර්ඝයි. චිත්‍රපටය හට මේ වෙද්දී IMDb අගය 6.9 ක් සහ කුණු තක්කාලි අගය 94% වැනි ඉහළ අගයක් ලබාගන්න සමත් වෙලා තියෙනවා. රංගනයෙන් Benedict Cumberbatch l Kirsten Dunst l Jesse Plemons l Kodi Smit-McPhee l Thomasin McKenzie l Paul Dano l Keith Carradine l Frances Conroy දායකත්වය ලබාදෙනවා. ඒවගේම කියන්න ඕන මෙවර පවතී ”Golden Globe” සම්මාන උළෙලේදී නිර්දේශ නාම 7 ක් සහ ”Best Supporting Actor” වගේම ”Best Motion Picture” යන සම්මාන දෙකම දිනාගැනීමට හැකියාවක් ලැබී තිබෙනවා.
ඒ විතරක්ද නෙමේ තවත් සම්මාන උළෙලවල් වලදීද පවා සම්මන දිනා ගැනිමකට හැකියාවක් ලැබී තිබෙනවා. එහෙනම් අපි දැන් කතාව පැත්තට හැරෙමුකො. ෆිල් කියන්නෙ ගොඩක් දරදඬු කෙනෙක්. තවත් සරලවම කියනවා නම්, “ඌ තරම් මිනිහෙක් නැහැ, හැමෝම මට බයෙ ජීවත් වෙන්න ඕන” වගේ හිතං ඉන්න කෙනෙක්. ඉතිං ඕන මිනිහෙක්ට තමන්ගෙම කියලා රහසක් තියනවා. හැබැයි ඒ දේවල් අපි කවදාවත් හෙළි කරන්නෙ නැහැ. අන්න ඒ වගේ ෆිල්ටත් රහසක් තියෙනවා. මං ඒක කියන්නෙ නැහැ මොකක්ද කියලා. කතාව බලද්දී තේරෙයි. කොහොමහරි ෆිල් ඉන්නෙ තමන්ගෙ මල්ලි එක්ක. මේ දෙන්නා ගොවිපළක් පාලනය කරනවා. ඉතිං දවසක් ජෝජ් ට මුණගැහෙනවා කෙනෙක්. ඇය නමින් රෝස්. රෝස් කියන්නෙ වැන්දඹුවක්. ඇයගෙ සැමියා බීමත්කම නිසා මෙලොව හැර යනවා. බෙල්ලේ වැල දාගෙන. ඒවගේම තමයි රෝස්ට ඉන්නවා පුතෙක්. ඔහු ටිකක් විතර අමුතුයි. හැසිරීමෙන්. අන්න ඒ නිසාමයි ෆිල් ඇතුළු සමහරක් අය ඔහුට විහිලුවකට ගන්නෙ. නමුත් කවදාවත් පෙණුමෙන් කෙනෙක් මනින්න එපා. කොහොමහරි ටිකෙන් ටික ජෝජ් රෝස්ට ලං වෙනවා. නමුත් ෆිල් මේකට කැමති නැහැ. ජෝජ් ඇයව කසාඳ බඳින්න පවා උත්සහ කරනවා. ඉතිං මේ වගේ දෙයකදී ෆිල් මොනා කරයිද? ඔහු මීට පෙර නොකරපු දෙයක් කරයිද මේක නවත්තන්න? නැත්තම් ඊට වඩා හාත්පසින්ම වෙනස් දෙයක් කරයිද? එහෙනම් ඔයාලම බලල දැනගන්නකො. ඒවගේම කියන්න ඕන මං අර උඩම කියපු එක හුඟක් වැදගත් වෙනවා අන්තිමේදී. හොඳ අවධානයකින් බැලුවොත් අන්තිමට සිදු වෙන දේ තේරෙයි. වචනයෙ පරිසමාප්ත අර්ථයෙන් කිව්වොත් මෙය අනර්ඝ චිත්‍රපටයක්. හැම අතින්ම වගේ. අමතක නොවෙන අත්දැකීමක් වෙනවා නිසැකවයි. තවත් උපසිරැසයකින් හම්බවෙනකම් හැමෝටම ජය!!!
 
Netflix සඳහා සිංහල උපසිරැසි                                                                        Watch Now On Netflix
 
සිංහල උපසිරැසි (WEBRip)                 
උපසිරැසි ගැන්වීම | සචිනි එරන්දිකා
                                                     
 
ඉතිං මං චිත්‍රපටය ගැන පොඩ්ඩක් කියන්නම් Harder They Fall කියන්නෙ Western පැත්තෙන් යන චිත්‍රපටයක්. මේක පැය 2යි විනාඩි 19ක් පුරාවට ලොකු කුතුහලයකින් වගේම රසවින්දනයක් ඇතුව බලන්න පුළුවන්.හරිම රසවත් ගීත කීපයකුත් මේකෙ අඩංගුවෙලා තියෙනවා.මේකට රංගනයෙන් Idris Elba,Zazie Beetz,Jonathan Majors,Regina King,යන රංගන ශිල්පීන් ප්‍රධාන වශයෙන් දායක වෙලා තියෙනවා.The Bullitts විසින් මේක අධ්‍යක්ෂණය කරලා තියෙනවා වගේම සංගීතය Jeymes Samuel විසින් නිර්මාණය කරලා තියෙනවා. බෙදාහැරීම කරන්නෙ Netflix සමාගම විසින්.
මේකෙ රේටින්ග්ස් ගැන කිව්වොත් 6.2/10 IMDb අගයක්,68% Metacritic අගයක් සහ 87%ක ගූගල් පරිශීලක කැමැත්තත් ලැබිලා තියෙනවා.චිත්‍රපටයේ ඇතුලාන්තය නං සටන් ජවනිකා තනිකර වෙඩි හුවමාරු සිද්දි ටිකක් තියෙන්නෙ. කව්බොයි වගේ බටහරි චිත්‍රපට වලට කැමති කෙනෙක්නම් මගහරින්නෙ නැතුව බලන්න ඕන චිතරපටයක් තමයි මේක.එහෙනං තවත් උපසිරැසියකින් හමුවෙන්නම්.ජයවේවා.!

 

Netflix සඳහා සිංහල උපසිරැසි                                                                        Watch Now On Netflix
 
උපසිරැසි ගැන්වීම | තිසරි සෙව්වන්දි
 
 

Showing all 2 results