Bon Appetit, Your Majesty [S01 : E07] Sinhala Subtitles | වැහි දවසක දොංනේ පාජොන් [සිංහල උපසිරසි]

Bon Appétit, Your Majesty S01 Sinhala Subtitles 2025 තරු පහේ කුස්සියක ඉඳන්, එකපාරටම ජොසොන් රාජවංශයේ රජෙකුගේ කුස්සියට වැටුණොත් මොනවා වෙයිද? Bon Appetit, Your Majesty කියන්නේ අන්න ඒ වගේ රසවත් ෆැන්ටසි කතාවක්! 2025 අගෝස්තු මාසයේ විකාශය ආරම්භ වුණු මේ අපූරු කතා මාලාවේ මූලික තේමාව වෙන්නේ, අතීතයට යන දක්ෂ සූපවේදිනියක්, ඉතිහාසයේ හිටපු දරුණුම ඒකාධිපතියෙක් වගේම ලොකුම රසඥයෙක් වුණු රජ කෙනෙක්ගේ ඉරණම, තමන්ගේ ඉවුම් පිහුම් කලාවෙන් වෙනස් කරන හැටියි. 7 වෙනි කොටසේ මොකද වෙන්නේ? ජී යොන්ග්ගේ ඔළුවේ තියෙනවා තරඟයේ තුන්වෙනි වටේට සුපිරිම කෑමක්! ඒත් ඒක හදන්න ඕන කරන භාජනයක් මේ කාලේ හොයාගන්නවත් නෑ. මේක නිකන්ම නිකන් කෑමක් නෙවෙයි, විද්‍යාවත් එක්ක කරන ඉවුම් පිහුමක්. ඉතින්, මේ අභියෝගයත් කරට අරගෙන ජී යොන්ග්, රජතුමා එක්කම පිටත් වෙනවා ජොසොන් දේශයේ හිටපු සුප්‍රසිද්ධ නිපැයුම්කරුවෙකුගේ නෑයෙක්ව හොයාගෙන. හැබැයි මේ මනුස්සයා හිතන තරම් ලේසි පහසු කෙනෙක් නම් නෙවෙයි. අලුත් දේවල් හදන, ටිකක් විකාර සහ හරිම මුරණ්ඩු කෙනෙක්. රජතුමාගේ බලයටවත්, රටේ අනාගතයටවත් තඹ සතේකට මායිම් නොකරන මේ මනුස්සයව නම්මගන්න එක ලේසි වෙයිද? රජතුමාත් මේ ගමනට එකතු වෙන්නේ ඇයි කියලත් ඔයාලට හිතාගන්න පුළුවන් වෙයි. මේ අතරේ මාලිගාවේ කුමන්ත්‍රණ නම් අඩුවක් නෑ. ජී යොන්ග් මාලිගයෙන් පිට ඉන්න මේ වෙලාව, තරඟය කඩාකප්පල් කරන්න හොඳම අවස්ථාවක් කියලා හිතන කෙනෙක්, ඇගේ ජීවිතයට අනතුරක් කරන්න සැලසුම් කරනවා. මේ කුමන්ත්‍රණය ගැන අනපේක්ෂිත කෙනෙකුට ආරංචියක් ලැබුණත්, ජී යොන්ග්ටයි රජතුමාටයි මේ අනතුරෙන් බේරෙන්න පුළුවන් වෙයිද? හිතුවක්කාර නිපැයුම්කරුවව නම්මගන්න බැරිම තැන, ජී යොන්ග් පාවිච්චි කරන්නේ ඇගේ සුපුරුදු රහස් අවියමයි – ඒ තමයි කෑම! වැහි දවසක, කෙනෙක්ගේ හිතේ තියෙන දුකක් නැති කරන්න පුළුවන්, එයාගේ ගමේ රසට හදපු කෑමකට පුළුවන්ද මේ මුරණ්ඩු හිත වෙනස් කරන්න? කොහොමහරි වැඩේ සාර්ථක කරගෙන මාලිගාවට එන්න හදද්දීම, ඔවුන්ට මුහුණ දෙන්න වෙන්නේ හිතුවෙවත් නැති ලොකුම අනතුරකට. තරඟය පටන් ගන්න තියෙන්නේ තව පැය කීපයයි. මේ හැම බාධකයක්ම මැද, ජී යොන්ග්ටයි රජතුමාටයි වෙලාවට මාලිගයට ඇවිත් තරඟයට මුහුණ දෙන්න පුළුවන් වෙයිද? ඒ ආවත්, හැමදේම හරියට සිද්ධ වෙයිද? මේ කොටස බලලම දැනගන්න Bon Appétit, Your Majesty Season 01 Sinhala Subtitles

 

 

 

Due to copyright issues, we no longer provide any torrent links.

ලබා දී ඇති උපසිරැසි WEBRIP පිටපත් සඳහා පමණක් අදාළ වේ.

2,266 downloadsDownload Bon-Appetit-Your-Majesty-S01E07.zip35 KB

 

මේ ලබා දී ඇති සිංහල උපසිරැසි පිළිබද “මිලින්ද සුභාශ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank
BRONZE MEMBER
JOINING DATE – 2015-05-18

SUBMAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.