Deli Boys [S02 : E03] Sinhala Subtitles | මහඋළු ගෙදරට වැටුණු අහිංසක රාජ් [සිංහල උපසිරසි]

Deli Boys Sinhala Subtitles පෙර කොටසින්…

කතාව පටන් ගන්නේ කළු සල්ලි සුදු කරන්නේ කොහොමද කියලා පෙන්වන වීඩියෝ කෑලි ටිකකින්. මාලික්ලා  හැම බ්‍රහස්පතින්දාම කඩේට සල්ලි ගෙනත් දෙනවා. රාජ් සහ මීර් මේ සල්ලි කැසිනෝ එකට අරන් යන්නේ සූදු ගහන්න ආපු සාමාන්‍ය අය වගේ වෙස් වලාගෙන. ඒත් මෙයාලා ඇත්තටම සූදු ගහන්නේ නෑ, පැය කිහිපයකට පස්සේ කැසිනෝ චිප්ස් ටික ආපහු දීලා සල්ලි ගන්නවා. මේ සල්ලි පෙන්නන්නේ බොරු සේවාවන් වලට ගෙවපු සල්ලි විදිහට. ඊට පස්සේ ඒ සල්ලි පාවිච්චි කරලා බැංකු ගිණුම් සහ ක්‍රෙඩිට් කාඩ් පටන් ගන්නවා.

මේ අතරේ ලකී සහ ශුගර් තවත් පෙම් හමුවකට යනවා. එතනදී ශුගර්, ලකීව සල්ලි සුදු කරන්න හදපු ව්‍යාජ සමාගමක CEO විදිහට හඳුන්වලා දෙනවා. ඒ සමාගමේ නම “Luck Now Entertainment”.

ඊට පස්සේ අපිට දකින්න ලැබුණේ චැඩ්වෝටර් එයාගේ ඔෆිස් එකෙන් එළියේ කරන කතාවක්. මිනිහා කියනවා “ශුගර් පැලස් කැසිනෝ” එකෙන් පටන් අරන් මුළු නගරයම මත්ද්‍රව්‍යවලින් සුද්ධ කරනවා කියලා. කෑගහලා කතා කරන අස්සේ මිනිහා හිටගෙන හිටපු පෙට්ටිය පෙරලගෙම වැටිලා මූණ බිම ඇනගෙන වැටෙනවා. චැඩ්වෝටර්ගේ කතාව නිසා ලකී බය වුණත්, ශුගර් ගෑනිව සනසනවා. ශුගර් කියනවා නගර සභා මන්ත්‍රී වෝල්ෂ් ඉන්නේ තමන්ගේ සාක්කුවේ කියලා.

ශුගර්, චැඩ්වෝටර්ව හම්බවෙන්න ගියාම චැඩ්වෝටර් අහනවා ශුගර් කොහොමද මෙතනට ආවේ කියලා. ශුගර් කියනවා එයා ආවේ ෆිලඩෙල්ෆියාවල තියෙනවා කියන “පිටුපස දොරෙන්” කියලා. චැඩ්වෝටර්ගේ කළමනාකරු කියනවා ෂේෆර්ගේ ඔෆිස් එක හරහා ශුගර්ට ඇපොයින්ට්මන්ට් එකක් තියෙනවා කියලා. ශුගර්, චැඩ්වෝටර්ට අල්ලස් දෙන්න ට්‍රික් එකක් විදිහට බොරුවට ආධාර දෙන අයට කෝල් කරනවා වගේ රඟපානවා. හැබැයි චැඩ්වෝටර් බොක්ස් එකක් උඩට නැගලා ලොකු ටෝක් එකක් දීලා කියනවා තමන්ව සල්ලි වලට ගන්න බැහැ කියලා. මිනිහා ශුගර්ගේ ජාවාරම් හෙළි කරනවා කියලා ශුගර්ට යන්න කියනවා. ඒ විතරක් නෙමෙයි, මේ වුණ මුළු සිද්දිය කවුරුත් වීඩියෝ කරලා නැහැ කියලා චැඩ්වෝටර්ට තේරුනාම මිනිහා තමන්ගේ කළමනාකාරවරිය වන සෆියාව රස්සාවෙන් අයින් කරනවා.

තවත් පැත්තකින්, මීර් ගොල්ෆ් පිටිය මිලදී ගැනීම ගැන වද වෙනවා. රාජ් සහ මීර් ආයෙමත් පොඩි පොඩි දේවල් වලට රණ්ඩු වෙන්න ගන්නවා. රාජ් බාර් එකට යද්දී, මීර් සහ ලකී ගොල්ෆ් පිටිය භාරව ඉන්න රේසා තලෙයි එක්ක කතා කරනවා. තලෙයි කියනවා තමන්ගේ නැවක් සුඒස් ඇළේ හිරවුණු සිද්ධිය නිසා බෝඩ් එකේ අය එයාගේ තීරණ විශ්වාස කරන්නේ නැහැල්ලු. ඒ නිසා තමන්ට බෝඩ් එකේ අයව කැමති කරගන්න වෙනවා කියලා මිනිහා කියනවා. රේසා කියනවා තමන් ඉතාලි පන්නයට පේන්න “රිසෝ” කියන නම පාවිච්චි කරනවා කියලා.

රේසා ගියාට පස්සේ රාජ් එන්නේ අහමඩ්ගෙන් ආපු වීඩියෝ එකක් අරගෙන. ඒකෙන් අහමඩ් ඩොලර් මිලියනයක් ඉල්ලලා තර්ජනය කරනවා. ලකී නිකමට වගේ ඒකට එකඟ වෙලා කට්ටිය මෙතනින් යනවා.

ශුගර් පැලස් කැසිනෝ එකේදී, ලකී එයාගේ ඔත්තුකාරයා වෙන මැතිව්ව (දිනෝ) හඳුන්වා දෙනවා. මිනිහා දැන් වැඩ කරන්නේ චැඩ්වෝටර්ගේ සේවකයෙක් විදිහට. චැඩ්වෝටර්ට ශුගර් සහ ඩාර්කෝ එක එකතු වෙලා වැඩ කරනවා කියන එක ගැන ලොකු විශ්වාසයක් තියෙනවා කියලා මිනිහා කියනවා.

ගෙදරදී රාජ් වධ දෙන්න පුළුවන් ආයුධයක් ලෑස්ති කරනවා. ලකී කියනවා මීර්ට සහ රාජ්ට තනියම අහමඩ්ව මරන්න වෙයි කියලා. මේ දෙන්නා ඇඳුම් සහ ආයුධ ගන්න ෂොපින් යනවා. මෙයාලා අහමඩ්ව මරන්න ලෑස්ති වෙද්දීම, හෙට ගොල්ෆ් ක්ලබ් ඩීල් එක වෙනුවෙන් හමුවීමක් තියෙනවා කියලා රේසාගෙන් මීර්ට මැසේජ් එකක් එනවා. මීර්, රාජ්ට කියනවා අහමඩ්ව නොමරා ඉමු කියලා, මොකද මිනීමැරුමක් කරොත් අපරාධ ලෝකයේ රජ්ජුරුවෝ වෙන්න තියෙන අවස්ථාව නැති වෙන නිසා. හැබැයි රාජ් ඒකට එකඟ වෙන්නේ නෑ. රාජ් ටොයිලට් එකට ගියාම මීර් මිනිහව ඇතුලට කරලා දොර ලොක් කරලා යනවා. හැබැයි රාජ් පිටිපස්සේ දොරකින් පැනලා යනවා. මීර් මිනිහව දැකලා දෙන්නා මගදී රණ්ඩු වෙනවා. රාජ් අහමඩ්ව මරන්න යද්දී මීර්ට ඕන වෙන්නේ අහමඩ්ට සල්ලි දීලා ප්‍රශ්නය බේරගන්න. මීර් ඌබර් එකක් බුක් කරත්, ඒක ඩ්‍රයිවර් කෙනෙක් නැති, මාරම හෙමින් යන AI කාර් එකක් වෙනවා.

රාජ්, අහමඩ්ව මරන්න ලෑස්ති වෙද්දී මිනිහට මැරුණු තාත්තව පේන්න ගන්නවා. හොල්මනක් වෙලා ආපු බාබා (තාත්තා) රාජ්ට කියනවා ඕක අතඇරලා මීර් ළඟට ආපහු යන්න කියලා. අහමඩ් සහ රාජ් බහින්බස් වෙනවා. රාජ්, අහමඩ්ව මරනවා කියලා තර්ජනය කරද්දී මිනිහට තාත්තා කියපු වචන මතක් වෙලා, මිනිහා අහමඩ්ව මරන්නේ නැතුව අතහරිනවා. අහමඩ් හිනාවෙවී එතනින් යනවා.

කැසිනෝ එකේදී ශුගර් සහ ලකී කතා කරන්නේ චැඩ්වෝටර්ගේ අවධානය වෙනස් කරන්නේ කොහොමද කියලා. ඒ වෙලාවෙම ප්‍රවෘත්තියක් යනවා ෆිෂ්ටවුන් වල වුණු පිපිරීමක් ගැන චැඩ්වෝටර් හදිසි මාධ්‍ය සාකච්ඡාවක් පවත්වනවා කියලා. තමන්ට මුකුත් කරන්න වුණේ නැති එක ගැන ලකී සතුටු වෙනවා. හැබැයි චැඩ්වෝටර් කියනවා කාර් එක ඇතුලේ මැරිලා ඉන්නේ සයීඩ් අහමඩ් කියලා, ඒ වගේම සැකකරුවෙක්වත් හඳුනාගෙන තියෙනවලු!

එකපාරටම පොලිසිය ඇවිත් රාජ් සහ මීර්ගේ ගෙදර දොර කඩන් වැදිලා, පළමු පෙළ මිනීමැරුම් චෝදනාව යටතේ රාජ්ව අත්අඩංගුවට ගන්නවා. එතනින් එපිසෝඩ් එක ඉවර වෙනවා.

මේ එපිසෝඩ් එක ගැන කතා කරොත්,

මේ එපිසෝඩ් එකෙන් කතාව මුළුමනින්ම කණපිට හැරෙනවා. අහමඩ්ගේ මිනීමැරුමට රාජ්ගේ නම ගෑවුණු නිසා, ඩාර්කෝ එකයි ශුගර්ලයි මේ අවුලෙන් කොහොමද බේරෙන්නේ කියලා බලන්න වටිනවා.

මෙයාලගේ සල්ලි සුදු කරන බිස්නස් එකත් දැන් හරියට කරගෙන යනවා, ඒ වගේම ගොල්ෆ් ක්ලබ් එකක් ගන්නත් ළඟයි. මීර්ගේ සුපිරි අපරාධකාරයෙක් වෙන්න තිබ්බ හීනය දැන් ලොකු අනතුරක තියෙන්නේ. හැබැයි අනිවාර්යයෙන්ම රාජ්ව මේකට කවුරු හරි අහුකරලා තියෙන්නේ.

මේ එපිසෝඩ් එකේ පට්ටම හිනා යන කොටස තමයි චැඩ්වෝටර්ගේ චරිතයෙන් පෙන්වන විකාර වැඩ ටික. ඒ වගේම ලකී, ශුගර්ව අල්ලන්න කලින් හැම දේකටම කැමැත්ත අහන එකත් මාරම කොමඩි.

Deli Boys Sinhala Subtitles

 

 

Due to copyright issues, we do not provide any torrent links.

 මෙම ලබා දී ඇති උපසිරසි WEB පිටපත් සඳහා අදාළ වේ.

65 downloadsDownload Deli-Boys-S02E03.zip24 KB

මේ ලබා දී ඇති සිංහල උපසිරැසි පිළිබද “ UD Shehan ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2016-12-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Deli Boys Sinhala Subtitles