Game of Thrones [S4E05 – First of His Name] (18+)| අනාගත සැලසුම්. [සිංහල උපසිරැසි සමඟ]

හොඳයි මෙන්න ගෙනාවා පස්වෙනි කොටස. මුලින්ම කියන්න ඕනා මේ කතා මාලාවේ මුල්ම කොටස් වල ඉඳන්ම බොහොම සට කපට තීක්ෂණ නුවණින් වැඩ කරන බේලිෂ් හෙවත් ලිට්ල් ෆින්ගර් ගැන අපේ තරිඳු සහෝ සිංහලෙන් කරන හඳුන්වා දීම මෙතනින් බලලම අද කොටස බැලුවොත් සෑහෙන කුමණ්ත්‍රණ ටිකක අරමුණ වැටහේවී. එහෙනම් අපි කෙළින්ම හැරෙමු පහුගිය කොටස දිහාට.

කිංග්ස් ලෑන්ඩින් වලදී බ්‍රොන්ගේ පෙළඹීම මත ට්රියන් බලන්න යන ජේමි ඔහුත් සමඟ ජොෆ්‍රීගේ මරණය ගැන කතා කරනවා. සර්සි තමාගේ මරණය මිස වෙන කිසිවක් බලාපොරොත්තු නොවෙන බව ට්රියන් පවසන විට ජේමි ඔහුට දැනුම් දෙනවා සන්සාව හොයාගන්න කාට නමුත් නයිට් පදවියක් සර්සි පිරිනමන බව නිවේදනය කරලා තියෙන බව. ඉන් පසුව ජේමි හට සර්සි දැනුම් දෙනවා අනාගත රජු වන ටෝමන් ගේ කාමරයට යොදා ඇති ආරක්ෂාව දෙගුණ කරන ලෙස. හැබැයි ඒ සියල්ල මැද්දේ හයිගාඩ්න් වෙත පිටත් වෙන තම ආච්චි වූ ඔලෙන්නා ආර්යාවගේ උපදෙස් මත, රහසේ ටොමන් ගේ හිත දිනාගැනීමට ඔහුගේ කාමරයට පිවිසීමට මාජරී සමත් වෙනවා. ඒ වගේම තමා ජොෆ්‍රීගේ මරණය ගැන ඔලෙන්නා කලින් දැන සිටි බව ඇඟවෙන පරදි ප්‍රකාශයකුත් ඇය කරනවා. පසුදින පාන්දර තමාට ලැබුණු වැලේරියන් අසිපත, අලුත් සන්නාහයක් මෙන්ම ට්රියන්ගේ අතවැසි පොඩ්‍රික් බ්‍රියෙන්නා හට බාර දී සන්සාව සොයාගෙන ඇයව ආරක්ෂා සහිත තැනකට යවන ලෙස පවසා ඇයව පිටත් කොට හරිනු ලබනවා.

මේ අතර මුහුදේ යාත්‍රා කරමින් සිටින නැවේ සිටින බේලිෂ් ගෙන් සන්සා අහනවා ඔවුන් යන්නෙ කොහාටද කියා. ඔහු පවසනවා සන්සාගේ නැන්දණිය වූ ලයිසාව විවාහ කර ගැනීම පිණිස එයිරි බලා යන බව. ඒ අතරම සන්සා බේලිෂ් හට ජොෆ්‍රීගේ ඝාතන හවුල් කරුවෙක් ලෙස චෝදනා කරනවා. ඔහු තම සෘජු හවුල් වීම ප්‍රතික්ෂේප කරන මුත් සර් ඩොන්ටෝස් ඇයට ලබා දුන් මාලයේ එක ගලක තිබුණේ විෂ බවත්, එය අඩුවූ බව ඇය නොදකින්න ඇති බවත් පවසනවා. ඒ වගේම තමාට බොහෝ දේපල ලැනිස්ටර්වරු ලබා දුන් නමුත් ඔවුන්ට වඩා වාසිදායක වූ අලුත් හවුල්කරුවන්ට ජොෆ්‍රීව ඉවත්කිරීමට අවශ්‍යතාව තිබුණු බවත් ඔහු පවසනවා.

මේ අතර උතුරේ කාසල් බ්ලැක් වලදී ජොන් ගේ වෛරක්කාර වැඩබලන ප්‍රධානි ඇලිසර් ත්‍රෝන් වෙත ජැනෝස් පවසනවා, අනාගතයේ ජෝන් ප්‍රධානියා වීම වැළැක්වීමට ක්‍රස්ටර්ස් කීප් වෙත ඔහුව යවා මරණයට පත්වීමට ඉඩ හරින ලෙස. ඒ අනුව ඒ ප්‍රහාරයට යෑමට කැමති අය ඉදිරිපත් වන ලෙස පවසන විටදි ඔවුන් අතරට අලුතෙන් බඳවා ගත් ලොකී ද එකතු වෙනවා. නමුත් ජෝන් නොදන්නවා වුවත් ඔහු මෙහි පැමිණ සිටින්නේ රූස් බෝල්ටන් ගේ අණ පරිදි බ්‍රෑන්, රිකොන් හා ජෝන් යන සියලු ස්ටාක් උරුමකරුවන් ඝාතනය කරන අරමුණෙන්.

මේ අතර පටු මුහුදට එහා මැරීන් නගරය අසල රැකවල් ලා සිටි ඩැනේරිස් අවසානයේ කැරැල්ලක් ඇති කොට නගරය අල්ලා ගැනීමට සමත් වෙනවා. ඒ වගේම එහි හාම්පුතුන් නගරයට එන හැම හැතැක්ම කණුවකට වහල් ළමුන් ඇණ ගැසුවා සේ හාම්පුතුන්වද ඇණ ගසා දැමීමට නියම කරනවා.

අවසාන වශයෙන් ප්‍රාකාරයෙන් පිටත ක්‍රස්ටර්ස් කීප් වෙත පැමිණෙන බ්‍රෑන් ඇතුළු පිරිවර සමර් ව නිදහස් කරගැනීමට පෙර එහි සිටින කැරලි කරුවන්ට අහුවෙනවා. ඒ වගේම ධවල ඇවිදින්නන් වෙත ලැබෙන අලුත් උපන් පිරිමි දරුවෙක්ගේ ඇස් ඔවුන්ගේ කෙනෙක් නිල් පාටට හරවනවා.

හොඳයි ඔතනින් තමා පහුගිය කොටස අවසාන වුණේ. එහෙනම් අදත් තව කුතුහලයෙන් පිරුණු කොටසක් ඔයාලට බාගන්න ඉඩ දෙනවා. කමෙන්ට් එකක් දාගෙන යමු නේද?304

Due to copyright issues, we do not provide any torrent links.

[author] [author_image timthumb=’on’]http://www.baiscope.lk/wp-content/uploads/2014/01/royli.jpg[/author_image] [author_info]මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

<< Previous Episode                      All Episodes                       Next Episode >>