American Crime Story [S02 : E02] Sinhala Subtitles | ලුහුබැඳීම [සිංහල උපසිරැසි සමඟ]

American Crime Story [S02:E02] Sinhala Subtitles

මේ පළවෙන්නේ The Assassination of Gianni Versace: American Crime Story කතාමාලාවේ දෙවැනි කොටසයි. මම පෙර ලිපියේ සඳහන් කළ ආකාරයටම මෙහි සිදුවීම් ඉදිරිපත් කෙරෙන්නේ මුල සිට අගට අනුපිළිවෙලින් නොවේ. මෙහි කතාව ගැන කිව්වොත්, මේක ආරම්භ වෙන්නේ ජියානි ඝාතනයට තුන් වසරකට පෙර, එනම් 1994 මාර්තු මස සිදුවුණු සිදුවීමකින්. ඒ තමයි ජියානිට දුලභ ගණයේ කර්ණ පිළිකාවක් වැළඳී ඇති බවට සොයා ගැනීම. එයට ප්‍රතිකාර ඇති නමුත් ඒවා කිරීම ඉතා දුෂ්කර බව වෛදවරිය ඔහුට පවසනවා. තමන් ක්‍රමිකව මරණයට ආසන්න වන බව වටහා ගන්නා ජියානි තම නැගණිය වන ඩොනටෙල්ලාට තමා නැති කලෙක තම ව්‍යාපාරය කරගෙන යන අන්දම ගැන ගුරුහරුකම් දෙනවා.එහෙත් ඩොනටෙල්ලා වර්සාචි සූදානම් නැහැ ඔහුගේ ආදරණීය වැඩිමහල් සොයුරාගේ ළඟ එන ඉරණම භාරගන්නට. ඒ සංවාද අතර ඔවුනොවුන් හා මතගැටුම් ද ඇති වන්නේ ඔවුන්ගේ ප්‍රමුඛත්වයන් වල වෙනස්කම් නිසයි. ජියානි වර්සාචි තමන්ගේ ඇඟලුම් නිර්මාණ වල නිර්මාණශිලිත්වය සහ අදහස් අව්‍යාජව ප්‍රකාශනයට ප්‍රමුඛත්වය දෙන අතර ඩොනටෙල්ලා ප්‍රමුඛත්වය දෙන්නේ ව්‍යාපාරමය සාර්ථකත්වය සහ වෙළඳාම් වැඩි කරගැනීම වෙනුවෙන් කළ හැකි උපක්‍රම ගැනයි. මොනතරම් රණ්ඩු සරුවල් වුණත් නිතරම ඔවුන් නැවතත් මිත්‍ර වෙමින් සහයෝගයෙන් සාර්ථකව විලාසිතා සංදර්ශනයක් පවත්වනවා.

ජියානි වර්සාචි පැවැත්වූ විලාසිතා සංදර්ශනයක් (දකුණේ) සහ ටෙලිනාට්‍යය වෙනුවෙන් කළ ප්‍රතිනිර්මාණය (වමේ)

අනතුරුව ඡේදනය වන්නේ ඉන් වසර තුනකට පසු කුනානන් තම අනන්‍යතාවය සඟවාගෙන දකුණු කැරොලිනා වලින් මයාමි වල තානයමකට පැමිණීම සමඟ ඇතිවන සිදුවීම්. තමන් විලාසිතා නිර්මාණ ශිල්පී ශිෂ්‍යයෙකු බවත් නම කර්ට් ඩිමාර්ස් බවත් ඔහු තානායම් පාලිකාවට ඒත්තු ගන්වනවා. එහිදී ඔහු වෙරලශ්‍රිතව නිවාඩුව ගත කිරීමට පැමිණෙන මහලු ධනවතුන් ග්‍රහණය කරගනිමින් කුලී ලිංගික සේවකයෙක් ලෙස කටයුතු කරමින් මුදල් උපයනවා. එයින් ලබාගන්නා මුදල් ඔහු සිය සමලිංගික අසල්වැසියෙක් වන රොනී සමඟ බෙදාහදා ගන්නවා. ඒ අතර තමන්ට වර්සාචි සමඟ සබඳතා ඇති බවද රොනීට පෙන්වීමට උත්සහා ගන්නවා. මේ අතර අන්තෝනියෝ තමන් එතෙක් ගෙන ගිය නිරූපණ ශිල්පීන් හා ඇසුරු කිරීමේ කාමභෝගී ජීවිතයට සමුදෙන්නට තීරණය කරමින් වර්සාචි සමඟ විවාහ වීමට යෝජනා කරනවා. ඒ තමන්ට තවදුරටත් ඔවුන් අවශ්‍ය නැති බවත්, අවශ්‍ය වර්සාචි පමණක් බවත් කියමින්. අන්තෝනියෝ විසින් තම සොහොයුරා රවටා ගන්නේ යැයි සිතන ඩොනටෙල්ලා වර්සාචි, ඇන්තෝනියෝ සමඟ වරින්වර ගැටෙනවා. ඒ අතර ඇන්ඩ්රූ කුනානන් මයාමි නගරයේම ජීවත්වන වර්සාචි යන එන ස්ථාන ගැනත් ඔහුගේ නිවෙසත් විපරම් කරන්නේ ඔහුගේ මීළඟ අරමුණ මුදුන්පත් කරගැනීමටයි. දැනටම මනුෂ්‍ය ඝාතන හතරක් කර පළා යමින් සිටින කුනානන් හට නීතියේ රැහැනින් ගැලවී සිටීමට හැකි වේද? අද කොටසත් බලලම ඉන්නකෝ එහෙනම්. 

ජියානි වර්සචිගේ පෙම්වතා වන ඇන්තෝනියෝ ඩෙ’ඇමිකෝ  (දකුණේ) සහ ඔහුගේ චරිතයට පණපොවන රිකී මාටින් (වමේ)

අද පළ වන කතාංගය ගැන:

• දෙවන කොටස –   “Manhunt” – ලුහුබැඳීම
• අධ්‍යක්ෂක – Nelson Cragg
• මුල්වරට නිකුත් කෙරුණු දිනය –  2018 ජනවාරි 24
• IMDb Ratings – 7.7/10

මෙහි උපසිරැසි ගන්වා ඇත්තේ American.Crime.Story.S02E02.720p.AMZN.WEBRip.x264-GalaxyTV පිටපතටයි.  මෙහි සංවේදී දර්ශන සහ ලිංගික දර්ශන අඩංගු වන බැවින් මෙය වැඩිහිටියන්ට පමණක් සුදුසු නිර්මාණයක්.

ඉක්මණින් ඊළඟ කතාංගයෙන් යළි හමුවෙමු. ඔබට තෙරුවන් සරණයි! 

 

American Crime Story [S02:E02] Sinhala Subtitles

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත සඳහා අදාළ වේ.

1,543 downloadsDownload American.Crime_.Story_.S02E02.720p.AMZN_.WEBRip.x264-GalaxyTV.zip24 KB

 

මේ ලබා දී ඇති සිංහල උපසිරැසි පිළිබද “ප්‍රබුද්ධ කේසර විතානගේ” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2016-02-26
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.