Duty After School (2023-) [S01: E01] Sinhala Subtitles | අද්භූත තර්ජනයක ආරම්භය [සිංහල උපසිරැසි]

ආයූබෝවේවා හැමෝටම… අළුත් අවුරුද්දත් කිට්ටු නිසා බයිස්කෝප් අපි හිතුවා ඔයාලට තෑග්ගක් විදියට අළුත්ම ටීවී සීරිස් එකක් අරන් එන්න. ඒ අනුව තමයි මාත් එක්ක තවත් සහෝදරයෝ කීප දෙනෙක් එකතු වෙලා Duty After School කතා මාලාව මේ විදියට ඔයාලට දෙන්නේ. මේ කතාමාලාව මෑත කාලයෙදි ගොඩක් ජනප්‍රියත්වයට ලක් උනා කිව්වොත් නිවැරදියි. කොරියානු කතාමාලාවන්ට කැමති රසිකයන් විතරක් නෙමෙයි අනිත් අයටත් මේක බැළුවට පාඩුවක් වෙන්නේ නෑ කියලා මතක් කරන්න ඕන. පාර්ට් 1 සහ පාර්ට් 2 විදියට නිකුත් වෙන්න නියමිතව තිබුන මේ කතාමාලාවේ පාර්ට් 1 විදියට කොටස් 06ක් මේ වසරේ මාර්තු 31 නිකුත් උනා. පාර්ට් 2 විදියට තවත් කොටස් 04ක් අප්‍රේල් 28 වෙනිදා නිකුත් වෙන්න නියමිතයි. Ha II-kwon විසින් මෙනමින්ම රචිත වෙබ් නවකතාවක් තමයි Duty After School කතා මාලාවට පාදක වෙලා තියෙන්නේ. Action/ Sci-Fi/ Thriller යන ශානරයන්ට තමයි නිර්මාණය වර්ග කරලා තියෙන්නේ. එහෙනම් මේ අද්භූත තර්ජනය මොකක්ද කියලා අපි බලමු.

මීට හරියටම වසරකට කලින් ලෝකෙයේ සෑම රටකම සෑම ස්ථානයකම ඉහල අහසේ යම් කිසි අද්භූත ගෝලාකාර වස්තුවක් දර්ශනය වෙනවා. මේ ගෝල දර්ශනය නොවෙන්නේ රුසියාවේ අධික හිම පතිත වෙන ප්‍රදේශ වල විතරයි. ස්ෆියර්ස් කියලා හදුන්වන මේ ගෝල කිසිම චලනයක් නැතුව වසරක් පමණ එකම තැන තියෙනවා. බැලූ බැල්මට කිසි තර්ජනයක් නැති උනත් මෙහෙම දෙයක් තමන්ට ඉහළ අහසේ දර්ශනය වෙද්දි ඕන කෙනෙක් බය වෙනවනේ. ඒ නිසා ගොඩක් රටවලින් ප්‍රහාරක යානා යොදාගෙන මේවා කීපයකට පහර දෙනවා. නමුත් මේ ස්ෆියර්ස් වලට කිසිම හානියක් වෙන්නේ නෑ වගේම පහර දෙන හැම සැරේකම මේ ස්ෆියර්ස් දෙගුණ වෙන්න පටන් ගන්නවා. ඒ නිසා සෑම රටක්ම වෙන දෙයක් වෙච්චාවේ කියලා මේ ස්ෆියර්ස් වලට මුකුත් නොකර ඉන්නවා. සාමාන්‍ය ජනතාවත් මේවා ගැන අමතක කරලා ගුවන් ගමන් අවලංගු කරලා නැව් සහ අනෙකුත් වාහන වලින් තමන්ගේ ප්‍රවාහන අවශ්‍යතා කරගෙන පාඩුවේ ඉන්නවා.

ඔහොම ඉන්න අවස්ථාවක තමයි දකුණු කොරියාවේ එක් ස්ථානයකට මේ ස්ෆියර්ස් එකක් කඩන් වැටෙන්නේ. මේ වැටුන ස්ෆියර්ස් එක පරීක්ෂා කරන්න යන හමුදා නිළධාරීන් පිරිසකට සිද්ධ වෙන ඇබැද්දියක් නිසා කොරියානු රජය ඓතිහාසික තීරණයක් ගන්නවා. ඒ තමයි උසස් පාසල් ළමුන්ට හමුදා පුහුණුව ලබා දෙන එක. අහසින් බෝලයක් වැටුනු පලියට පාසල් ලමයිට හමුදා පුහුණුවක් දෙන්න තරම් මොකද වෙලා තියෙන්නේ කියලා දැනගන්නම් ඔයාලට මේ කොටස නරඹන්නම වෙනවා.

එහෙනම් තවත් විස්තර කියන්න අදහසක් නෑ. ඔයාලත් ඉක්මනට උපසිරසිය අරන් කොමෙන්ටුවක් දාගෙන යන්න. ඒ වගේම මේ කතා මාලාව ගැන දැනුවත් කරලා උපසිරසි ගන්වන්න මූලික උනේ ශාන් විමුක්ති සහෝ තමයි. ඒ එක්කම බිම්සර යෂාන් (ඔලිවර්) සහෝත් ගොඩක් මහන්සි උනා. ඒ දෙන්නත් එක්ක දුලක්ෂ සම්පත් සහ නයන බුද්ධික සහෝලා ඉතුරු කොටස් ටික ඔයාලට අරන් එයි. මගේ වැඩ කොටස මෙතනින් ඉවරයි පාර්ට් 2 වලින් නැවතත් හමුවෙමු. ජයවේවා !

කතාංගයේ නම – “Question the Spheres”
කතා රචනය – Yoon Soo
අධ්‍යක්ෂනය – Seong Yong-il
විකාශය වූ දිනය – 2023 මාර්තු 31
IMDb අගය – 8.6
මීළඟ කතාංගය – “Military Training Begins”

 

 

 

Due to copyright issues, we no longer provide any torrent links.

ලබා දී ඇති උපසිරසි WEB පිටපත් සඳහා අදාළ වේ.

5,697 downloadsDownload Duty.After_.School.-S01E01.zip71 KB

මේ ලබා දී ඇති සිංහල උපසිරැසි පිළිබද “ යුරාන් ධනුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2018-08-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.