Firefly [E01 Serenity] | කලාමැදිරියා [සිංහල උපසිරැසි සමඟ]

මෙච්චර කල් චිත්‍රපට වලටයි කෙටි චිත්‍රපට වලටයි සබ් දුන්නු නිසා හිතුනා කථා මාලාවටත් සබ් දෙන්න. ඉතින් මේ කථා මාලාව මට විකියා සහෝ තමයි ලබා දුන්නේ. මුලින්ම එකට ඔහුට ස්තූති කරන්න ඕනි. ඒ වගේම සබ් දෙන්න පරක්කු උනාට සමාව ඉල්ලනවා. IMDB දර්ශකයේ 9.2ක් තරම් ඉහල අගයක් මේ කථා මාලාවට ලැබී තියෙනවා. ලෝකයේ හොඳම කථා මාලා අතර 11වෙනි තැන තියෙන මේක කොටස් 14ක් විතරක් තියෙන අපූර්ව කතා මාලාවක්. මක හදල තියෙන්නේ Joss Whedon. අපි කව්රුත් දන්න Avenger මෙන්ම Agents of S.H.I.E.L.D කතා මාලාවේත් නිර්මාපකයා ඔහුයි. ඉතින් ඔහුගේ ඒ නිර්මාන බලපු ඔයාල මේ නිර්මාණයත් රස විඳිනවට කිසිම සැකයක් නෑ. මොකද ඔහුගේ නිර්මාණ ඒ තරමටම රසවත් නිසා.

අභ්‍යවකාශය සහ විවිධ ලෝක පදනම් කරගත් මේ කතා මාලාව විකාශය වෙලා තියෙන්නේ Science Channel නාලිකාවේ 2002-2003 කාලයේ. මේ කතාව වෙනත් කතා වලින් වෙනස් වෙන්න හොඳම හේතුව තමයි මේකේ හැම කොටසකම සිදුවීම් ඉතාම තාත්විකයි. සැබෑ ලෝකයේ සිදුවීම් ආකාරයට මේක නිපදවලා තියෙන නිසා කතාවට අමුතුම ආකර්ෂණයක් ලැබිලා තියෙනවා.

• කැප්ටන් මැල්කම් රෙනෝල්ඩ්ස් (මැල්) තමයි මේ කතාවේ ප්‍රධාන චරිතය. ඔහු පැවති තාරකා මණ්ඩල යුද්ධයක පළපුරුදු කණ්ඩායම් නායකයෙක්. දැන් ඔහු Serenity නම් “කලාමැදිරි” (Firefly) වර්ගයට අයත් ප්‍රවාහන යානාවේ කපිතාන්. ඔහු හා ඔහුගේ කණ්ඩායම වටා තමයි මේ කතාව ගෙතී තියෙන්නේ. මැල් ගේ කණ්ඩායම ගැන කියනවානම් 
• සෝයි (Zoe Alleyne Washburne) තාරකා මණ්ඩල යුද්ධයේ සහ සෙරෙනිටි යානයේ මැල්ගේ දෙවෙනියා.
• ඇයගේ සැමියා තමයි සෙරෙනිටි යානයේ නියමුවා. ඔහු වාශ් (Hoban Washburne).
• ජෙයින් (Jayne Cobb) ශක්තිමත් කුලී සොල්දාදුවෙක්.
• කෙයිලී (Kaylee Frye) තරුණ යාන්ත්‍රික ශිල්පිනියක්.
• හිටපු සන්ධාන වෛද්‍ය නිලධාරියෙකු වූ සයිමන් (Simon Tam) ඔහුගේ සොයුරිය වන රිවර් (River) සමඟ සන්ධානයෙන්* පළා යන දෙදෙනෙක්.
• ඉනාරා (Inara Serra) සුරූපී සහායිකාවක් (වෛශ්‍යාවක්).
• බුක් (Book) ධර්මදූතක දේවගැති වරයෙක්.

ඉතින් මෙයාලා තමයි සෙරනිටි යානයේ කණ්ඩායම. මැල් සහ ඔහුගේ කණ්ඩායම කරන්නේ විශ්වය පුරා යමින් නීත්‍යානුකූල හෝ නීත්‍යානුකූල නොවන ආකාරයේ දේවල් කරන එක. ඔවුන්ගේ ප්‍රධානම අරමුණ මුදල් සෙවීම. මේ වන විට පෘතුවියේ ඉඩ නොමැති වීම නිසා විශ්වයේ ග්‍රහලෝක ගණනාවක ජනාවාස බිහි කරලයි තියෙන්නේ. (මේ ජනාවාස සඳහා ග්‍රහලෝකයක් සහස්කරන ආකාරය ගැන ඊළඟ කොටසේ සඳහන් වෙනවා) (තැන් දෙකකම සන්ධානය කියලා වචනයක් ගැන සඳහන් කරා. මේකෙදි සන්ධානය කියන්නේ “අන්තර් ග්‍රහලෝක රජයක්”. ඔවුන් විශ්වය පුරා නීතිය ක්‍රියාත්මක කිරීම සිදු කරනු ලබනවා.මොවුන් තමයි තාරකා මණ්ඩල යුද්ධයේ ජයග්‍රාහකයින්)

අද මම මේ දෙන්නේ මේ කතා මාලාවේ නියමු කතාංගයයි. මේක කොටස් දෙකක එකතුවක් ලෙස තමයි විකාශය වෙලා තියෙන්නේ. පලවෙනි අදියරේදී ස්වල්ප මගීන් පිරිසක් සහ විනාශ උන යානාවකින් ගොඩගත් බඩු තොගයක් පසෆනි නම් ග්‍රහලොව වෙත රැගෙන යන මැල් ඇතුළු පිරිස එහිදී තම බඩු තොගය කළුකඩ ව්‍යාපාරිකයෙකුට විකිණීමට උත්සාහ කරනවා. ඒත් මැල් ගේ කටකාරකම හා ජෙයින් ගේ හැසිරීම නිසා ඒක කරගන්න බැරි වෙනවා. ඉතින් මැල් තීරණය කරනවා බඩු තොගය සන්ධානයට අහුවෙන්න කලින් වයිට්ෆෝල් නම් ග්‍රහලොවේ ඉන්න ව්‍යාපාරික කාන්තාවකට විකුනන්න. එත් අවුල තමයි පේෂන් නම් මේ කාන්තාව වරක් මැල් ට වෙඩි තියලා තියෙන එක. ඒ අතරතුරදී යානයේ නව මගීන් ලෙස සයිමන්, බුක් සමඟ හොර රහසේම සන්ධානයේ පොලිස් කාරයෙකුත් සෙරෙනිටි යානයට ඇතුල් වෙනවා. අවසා මොහොතේ ඉනාරාද යානයට එකතු වෙනවා. ඒ තමාගේම කුඩා යානයක් සහිතවයි.

කතාවේ දෙවෙනි අර්ධයේදී පොලිස් කාරයා සයිමන්ව අත්තඩංගුවට ගන්න හදනවා. ඒ සයිමන් තම සොයුරියව සන්ධානයට හොරෙන් සිසිර තාරකා නින්දකට යවා සෙරෙනිටි යානයේ රහසින් ගෙනයන නිසා. ඒ ඇය සන්ධානයට වටිනා වස්තුවක් උන නිසා. කියන විදියට ඇයගේ බුද්ධිය එකට හේතුවයි. ඉතින් මේ අතරතුර නිලධාරියා අතින් කෙයිලීට වෙඩි වදිනවා. සයිමන් යන්තම් ඇයව බේරාගන්නවා. පස්සේ මැල් කපටි ලෙස වයිට්ෆෝල් වලදී පේෂන්ව මරා දානවා. අන්තිමට ඔවුන්ට අභ්‍යවකාශ කොල්ලකරුව පිරිසක් පැරදවීමටද සිදු වෙනවා. අවසානයේ සයිමන්, රිවර්, බුක් යානයේ ස්ථීර කණ්ඩායමට එකතු කරගන්නවා.

ඉතින් ඔය තමයි Firefly E01 වල කතාව. පොඩ්ඩක් වැඩිපුර ලිව්වේ කට්ටියට පොඩි අදහසක් කතාව ගැන දෙන්න. ඉතින් කතාවේ ඉතුරු කොටස් 13 රසවිඳින්න කියලා ආරාධනා කරනවා.එහෙනම් ඉතින් ඉක්මනින්ම දෙවෙනි කොටසත් එක්ක හමුවෙමු. (කතාව මග නතර වෙන්නේ නම් නෑ. කොටස් ඔක්කොටම උපසිරසි එවලයි තියෙන්නේ)

 

 

514 MB (3.8GB) කොපිය මෙතනින් බාගන්න

b9c43737f7d4eecf5cf1853fd965aa9902bdd711 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,043 downloadsDownload Firefly-E01-Serenity.zip47 KB

 

https://d36zzuvfojr38z.cloudfront.net/wp_content/uploads/2014/02/thisaraneo.jpg මේ ලබා දී ඇති සිංහල උපසිරැසි පිළිබද “තිසර නියෝ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

                                                  All Episodes                     Next Episode >>