If Wishes Could Kill [S01 : E01] Sinhala Subtitles | පළමු දිග හැරුම:ඔබ ප්‍රාර්ථනා කරන දෙය ගැන ප්‍රවේශම් වන්න! [සිංහල උපසිරැසි සමඟ]

If Wishes Could Kill Season 1 Sinhala Subtitles

ආයුබෝවන් හැමෝටම! ඔන්න අද මම අරන් ආවේ 2026 වසරේ කොරියානු රූපවාහිනී කතා මාලා අතරේ ලොකුම පෙරළියක් කරපු, “If Wishes Could Kill” කතා මාලාවේ පළමු කොටසට සිංහල උපසිරසිය.

අපිට හිතෙන හිතෙන හැම ප්‍රාර්ථනාවක්ම ඇත්ත වුණොත් මොන වගේ වෙයිද? ඇත්තටම ඒක සතුටක් වෙයිද නැත්නම් භීෂණයක් වෙයිද? අන්න ඒ වගේ අමුතුම තේමාවක් තමයි මේ කතාවෙන් දිග හැරෙන්නේ.

කතාවේ ඇරඹුම: ඔබ ප්‍රාර්ථනා කරන දෙය ගැන ප්‍රවේශම් වන්න!

කතාව ආරම්භ වෙන්නේ පාසල් සිසුන් පිරිසක් වටා. හැමෝටම තමන්ගේ ජීවිත ගැන එක එක හීන, බලාපොරොත්තු තියෙනවා. හැබැයි මේ අතරේ හ්යොං-වූක් කියන ශිෂ්‍යයාට අමුතු දෙයකට මුහුණ දෙන්න සිද්ධ වෙනවා. මේ ලෝකයේ අපිට නොපෙනෙන බලවේගයක් තියෙනවා කියලත්, ඒ හරහා තමන්ගේ ප්‍රාර්ථනාවන් ඉටු කරගන්න පුළුවන් කියලත් ඉඟි ලැබෙනවා.

පළමු කොටසේදීම අපි දකිනවා ගුන්-වූ සහ සෝ ආ අතර තියෙන බැඳීම. සෝ ආ කියන්නේ ඉතාමත් දක්ෂ ක්‍රීඩිකාවක් වුණත් ඇයට මේ සති අන්තයේ තියෙන පුහුණුවීම් නිසා පාසලේ යාළුවෙකුගේ සාදයකට සහභාගී වෙන්න බැරි වෙනවා. මේ වෙලාවේ තමයි ගුන්-වූ ඉතාමත් අහිංසක විදිහට ඇගේ පුහුණුවීම් අවලංගු වේවා කියලා “ප්‍රාර්ථනාවක්” කරන්නේ.

හැබැයි ඒ ප්‍රාර්ථනාව පිටුපස තියෙන වන්දිය මොකක්ද කියලා ඒ වෙලාවේ කවුරුවත් දැනගෙන හිටියේ නැහැ.

කතාවේ හැරවුම් ලක්ෂය වෙන්නේ ඉතාමත් සාමාන්‍ය විදිහට ගෙවෙන පාසල් දිනකදී සිද්ධ වෙන අද්භූත සිදුවීමක්.
හැමෝම ආදරය කරන, හැමෝම දන්න හ්යොං-වූක් එකපාරටම පන්තිය මැදදී සිහි නැති වෙලා වැටෙනවා.  ගුරුවරු සහ යාළුවෝ කලබල වෙලා ඔහුට උදව් කරන්න හදනකොට තමයි දකින්නේ ඔහු සාමාන්‍ය තත්වයක නෙවෙයි ඉන්නේ කියලා.

තමන්ගේ හොඳම යාළුවන්වවත් හඳුනාගන්න බැරි තරමට හ්යොං-වූක් ප්‍රචණ්ඩ වෙනවා. පන්තිය පුරාම ලේ වැගිරීම්, කෑගැසීම් මැද ඔහු පිහියක් අරගෙන තමන්ගේම යාළුවන්ට පහර දෙන්න උත්සාහ කරන්නේ හරියට වෙනත් බලවේගයකින් පාලනය වෙන රූකඩයක් වගේ.

හිතන්න, ඔයා අකමැති කෙනෙක් ගැන “මූ නම් මැරිලා ගියොත් හොඳයි” කියලා නිකමට හරි හිතුණොත්, ඇත්තටම ඊළඟ මොහොතේ ඒ දේ සිද්ධ වුණොත් මොකද කරන්නේ? පළමු කොටස අවසානය දක්වාම ඔයාලව කුතුහලයේ උපරිමයට අරන් යන්න මේ කතාව සමත් වෙනවා.

If Wishes Could Kill” පළමු කොටස අවසන් වෙන්නේ තවත් දහසක් ප්‍රශ්න අපේ ඔළුවට ඉතිරි කරලා. ගුන්-වූ කරපු ප්‍රාර්ථනාව නිසා හ්යොං-වූක්ට මොකද වුණේ? ඇත්තටම මේ ප්‍රාර්ථනාවන් ඉටු කරන්නේ කවුද? ඒ වෙනුවෙන් ගෙවන්න වෙන වන්දිය මරණයද?

ත්‍රාසය, භීතිය සහ කුතුහලය උපරිමයෙන් අත්විඳින්න පුළුවන් මේ කතා මාලාව මම ලබාදුන් සිංහල උපසිරැසිය සමඟින් නරඹන්න කියලා මම ඔයාලට ආරාධනා කරනවා.

මීළඟ කොටසින් ඉක්මනින්ම හමුවෙමු!

 

If Wishes Could Kill S01 Sinhala Subtitles

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRip පිටපත් සඳහා අදාළ වේ.

924 downloadsDownload If-Wishes-Could-Kill-S01E01.zip21 KB

මේ ලබා දී ඇති සිංහල උපසිරැසි පිළිබද “තරිදු දිසානායක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2026-03-14
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

                                                                                   

 

 

If Wishes Could Kill Season 1 Sinhala Subtitles