Silo [S03 : E04] Sinhala Subtitles | ජුලියට්ව ඝාතනය කිරීම! [සිංහල උපසිරසි]

පෙර කොටසින්…

තුන්වෙනි එපිසෝඩ් එක පටන්ගන්නේ ජුලියට්, හොර රහසේම ශර්ලිට ලියමනක පණිවිඩයක් යවලා ලූකස්ව හොයාගන්න උදව් ඉල්ලන තැනින්. ජුලියට්ගේ මතකය නැති වුණු එක ගැන ශර්ලි තාමත් ඉන්නේ හෙන අවුලෙන්. ඒ නිසා කෙල්ල මේ වැඩේට වැඩිය කැමති වෙන්නේ නෑ වගේම මුණගැහෙන්න එන්න බෑ කියනවා.

මේ අස්සේ ජුලියට් ඊළඟට යන්නේ කැතලීන් බිලින්ග්ස්ව හම්බවෙන්න. කැතලීන් කියනවා, සිම්ස් මිනිහා පෙන්නනවාට වඩා දේවල් දන්නවා කියලා. ඒක අහපු ගමන් ජුලියට් ඊළඟට යන්නේ එතනටයි (සිම්ස්ව හොයාගෙන).

IT ප්‍රධානියා විදියට කැමීල් ගොඩක් අමාරුවෙන් වැඩ කරගෙන යන්නේ. ඒ මදිවාට ජුලියට් එයාගේ බෙහෙත් බොන්නෙත් නැති නිසා කැමීල්ට කරගන්න දෙයක් නැති වෙනවා. කොහොම වුණත් ‘ඇල්ගොරිතමය’ එකට ඕනේ වෙලා තියෙන්නේ කැමීල් ලවා මේ ඔක්කොම සුද්දයක් කරලා දාන්න. ඒ කියන්නේ වතුරට විටමින් D+ එකතු කරලා ආයෙත් මුල ඉඳන් පටන් ගන්න. එහෙම නොකළොත් මෙයාලට ලොකු සාමය පිළිබඳ ප්‍රශ්නයකට මූණ දෙන්න වෙන්න පුළුවන්.

හැබැයි මෙතන විමර්ශන කරන්නේ ජුලියට් විතරක් නෙවෙයි. පෝල් දිගටම ඕර්ලාව හොයනවා. ටික වෙලාවකින් මිනිහා හොයාගන්නවා ඕර්ලාට අලුත් පෙම්වතෙක් හිටියා කියලා, මිනිහගේ නම මයික් ඩේවිඩ්සන්. මිනිහා කලින් ඉඳලා තියෙන්නේ මැක්ලේන්ගේ සහයකයා වුණු ග්ලෙන්ඩා හාර්වුඩ් එක්ක. මේක ටිකක් කුතුහලය හිතෙන විදියේ සම්බන්ධයක්. මේකේ ලොකු දෙයක් නැති වෙන්න පුළුවන් වුණත්, මේ ගැන හොයලා බලන එක වටිනවා කියලා පෝල් දන්නවා.

මේ එපිසෝඩ් එකේ අතීතය පෙන්නන කොටස් වලදී, ඩැනියෙල් එනවා මැරුණු නියමුවෙක් වෙන ජුවාන්ට ගෞරවය දක්වන්න. මිනිහා හිටියේ චාර්ලි එක්ක ගියපු අසාර්ථක වුණු මෙහෙයුමේ.

ඩැනියෙල්, ජුවාන්ගේ තාත්තා එක්ක කතා කරනවා. එතනදී මිනිහා කියනවා මෙහෙයුමට කලින් නියමුවන්ගේ සන්නිවේදන උපකරණ ක්‍රියාවිරහිත කරලා, ඒ වෙනුවට පරණ රේඩියෝ පාවිච්චි කරපු හැටි. මේ සන්නිවේදනයන් කේතනය කරලා තිබුණු නැති නිසා, ඕනෑම කෙනෙක්ට ලේසියෙන්ම ඒවට බාධා කරලා ඒ පණිවිඩ අහගන්න ඉඩ තිබුණා.

මේ අතරේ හෙලන්ව එයාගේ රස්සාවෙන් අස් කරනවා 😉 හැබැයි එහෙම වුණා කියලා කෙල්ල චාර්ලට්ගේ අසාර්ථක වුණු මෙහෙයුම ගැන හොයන එක නවත්වන්නේ නෑ. ඇත්තටම ඒකෙන් කෙල්ලට ඇත්ත හොයාගන්න කලින්ටත් වඩා ලොකු වුවමනාවක් ඇතිවෙනවා. කෙල්ල ඩේවිඩ් එක්ක ගමනක් යනවා, එතනදී මෙයාලට ස්ටීව් කියලා කෙනෙක්ව මුණගැහෙනවා.

මේ ස්ටීව් ගාව යානා වල පටිගත වීම් ගැන විස්තර තියෙනවා. හැබැයි ඒක අහන්න දෙනවට හිලව් වෙන්න ඩැනියෙල්ට තමන්ගේ මන්ත්‍රී බෑජ් එක ක්ලෝන් කරන්න දෙන්න වෙනවා. ස්ටීව් ගාව තත්පර 20ක විතර හඬ පටයක් තියෙන කැසට් ටේප් එකක් තියෙනවා. ඒක අහපුවම තේරුම් යන්නේ එයාලගේ යානා වල පාලනය වෙන කවුරුහරි අරගෙන කියලයි. ඇත්තටම, මේක කලින් එපිසෝඩ් වල අපි දැක්ක චාර්ලට්ට එයාගේ යානාවේ පාලනය නැතිවුණු කොටස් වලට සම්බන්ධ වෙනවා.

ආපහු ඩීසී වලට එන ගමන්, ඩැනියෙල් හිතනවා ස්ටීව් ගාව තව සාක්ෂි ඇති කියලා. ඒ නිසා මෙයාලා කාර් එක හරවගෙන ගිහින් මිනිහගෙන් තව ප්‍රශ්න අහන්න තීරණය කරනවා. හැබැයි මෙයාලා මිනිහා හැංගිලා ඉන්න තැනට යනකොට දකින්නේ ඒ තැන සම්පූර්ණයෙන්ම විනාශ කරලා දාලා, ටේප් එකත් අතුරුදහන් වෙලා කියලා.

ආපහු සයිලෝ එක පැත්තට ආවොත්, ජුලියට සිම්ස්ගෙන් කිසිම දෙයක් දැනගන්න හම්බවෙන්නේ නෑ. සිම්ස් එයාගේ පුතාව ඉස්කෝලේට ඇරලවන්න යනකොටම ජුලියට් එතනට කඩාපාත් වුණු නිසා මිනිහා ටිකක් කලබල වෙනවා. බය වෙන මිනිහා, කැමීල්ට කියනවා “අපි පවුලේ අයත් එක්ක විනෝද වෙන දවසක් අරගෙන එකට මතකයන් හදාගන්න ඕනේ” කියලා. තමන්ගේ තාත්තා තමන් වෙනුවෙන් ජීවිතේ පූජා කරපු එක ගැන ජූලිස්ට කිසිම ගාණක් නැති හැටිත්, අඩුම තරමේ තාත්තා කවුද කියලවත් ජූලිස් දන්නේ නැති හැටිත් දැකලා සිම්ස්ට ටිකක් දුක වගේම බයකුත් හිතිලයි ඉන්නේ.

හැබැයි කැමීල් මේකට කැමති වෙන්නේ නෑ. මොකද ගෑනි ගොඩක් කාලයක් ගෙදරට වෙලා තමන්ගේ මනුස්සයා එනකන් බලාගෙන හිටියා. දැන් ගෑනිට බලතල තියෙන තනතුරක් ලැබිලා තියෙන නිසා, කැමීල්ට වගකීම් තියෙනවා, ඒ වගේම මුළු සයිලෝ එකේම අනාගතය තියෙන්නේ තමන්ගේ කරපිට.

මේ දේවල් අස්සේ කැමීල් දැනගන්නවා නිවැරදි පාර හොයාගත්ත ජුලියට් දැන් ගැප් එකෙන් පල්ලෙහාට ගිහින්, ලූකස් කයිල්ව හොයාගන්න ගොඩක් කිට්ටු කරලා කියලා. මේකෙන් කැමීල්ගේ ප්‍රශ්න තවත් වැඩි වෙනවා.

ජුලියට් විශ්වාස කරන්නේ ඇත්ත තියෙන්නේ පතල් ඇතුළේ කියලත්, තමන්ගේ මතකය ආපහු ලබාගන්න ලූකස් උදව්වක් වෙයි කියලත්. කෙල්ල පහළ බිමේ නිෂ්පාදන වැඩමුළුවක් බාරව ඉන්න මාර්ක් චේම්බර්ස් එක්ක කතා කරනවා. මිනිහා ජුලියට්ට හරි පාර හොයාගන්න උදව් කරනවා.

ජුලියට් හිතන්නේ ලූකස් පතල ඇතුළේ හැංගිලා ඉන්නවා කියලයි, කැමීල්ට තේරෙන්නෙත් ඒකම තමයි. කැමීල්ට තේරෙනවා ලූකස් පතල ඇතුළේ හරහට උමගක් හාරගෙන වෙන සයිලෝ එකක් එක්ක සම්බන්ධ වෙන්න හදනවා වෙන්න පුළුවන් කියලා. වෙන සයිලෝ තියෙනවා කියලා බර්නාඩ් දැනගෙන හිටපු නිසාත්, ලූකස් මිනිහා එක්ක ගොඩක් ළඟින් වැඩ කරපු නිසාත්, මේක කැමීල්ට ලොකු අනතුරු ඇඟවීමක් වෙනවා.

ලූකස් කයිල්ව හොයන වැඩේ දිගටම යනවා. මේ අස්සේ කැමීල් පතල ඇතුළේ “මීයන් බෝවෙලා” කියලා බොරුවක් ගොතලා, දුම් බෝම්බ දාලා ලූකස්ව එළියට ගන්න සැලසුම් කරනවා.

පෝල්ගේ විමර්ශනය හිතාගන්න බැරි විදියට ඉවර වෙන්නේ, මිනිහට පතල ළඟින් මළ සිරුරක් හම්බවුණාමයි – ඒ ඕර්ලව.

ගෑස් එක මුදාහරින වෙලාවටම ජුලියට් එතනට එනවා. කෙල්ල කොහොමහරි ගෑස් මුහුණු ආවරණයක් අරගෙන ඇතුළට යනවා, හැබැයි අසරණ වුණු පතල් කම්කරුවෙක්ට මේ ආවරණය උවමනා වෙන නිසා කෙල්ලට වෙනවා පාරක් මේ මනුස්සයගෙන් කාලා බිද ඇද වැටෙන්න. විෂ වායුව නිසා ජුලියට් හුස්ම ගන්න බැරුව අතරමඟ වැටෙනවා, හැබැයි එතනට එන ලූකස් කයිල් කෙල්ලව බේරගන්නවා. කොහොමහරි ජුලියට් කෝමා තත්ත්වයකට පත්වෙනවා. ලූකස් පතලෙන් පැනලා ගිහින් කෙළින්ම කැරලිකරුවන්ගේ කණ්ඩායමක් මැදට වැටෙනවා.

එපිසෝඩ් එක ඉවර වෙනකොට, කැමීල්ට අමාරු තීරණයක් ගන්න සිද්ධ වෙලා තියෙනවා. ‘ඇල්ගොරිතමය’ ඒක විශ්වාස කරන්නේ සයිලෝ එක බේරගන්න තියෙන එකම විදිය ජුලියට්ව මරලා දාන එක කියලයි.

මේ එපිසෝඩ් එක ගැන කතා කරොත්,

සයිලෝ කතාවේ අබිරහස් හිමින් හිමින් එළියට එනවා. කොටසේ අන්තිමට කැමීල්ට ඇල්ගොරිතමේ මූණටම කියන කතාව නම් ටිකක් ආතල්. ගෑනිව මේ තනතුරට පත් කළේ එයාගේ දක්ෂකමට නෙවෙයි, මිනිස්සුන්ව හසුරුවන්න පුළුවන් නරක කෙනෙක් වුණු නිසා විතරයි.

කොහොම වුණත්, දැන් මේ ගෑනිට ජුලියට්ව මරන්න සිද්ධ වෙලා. සයිලෝ එකේ යහපත වෙනුවෙන් ඕනෑම දෙයක් කරන්න ගෑනි ලෑස්තියි වගේ පේනවා… නැත්නම් ඒකත් තවත් බොරුවක්ද? හැබැයි මේකේ ගොඩක්ම කුතුහලය හිතෙන ප්‍රශ්නය වෙන්නේ මේ ඔක්කොම අස්සේ සිම්ස් කොතනද ඉන්නේ කියන එකයි. මොකද මේ දේවල් ඉස්සරහා මිනිහා ටිකක් පසුබට වෙන බවක් අපිට පේන්න තිබුණා.

මේ අතරේ මේ එපිසෝඩ් එකේදී ශර්ලිගේ චරිතයට ලොකු හානියක් වෙනවා. කෙල්ල හැසිරෙන්නේ මුරණ්ඩු ආත්මාර්ථකාමී කෙනෙක් වගේ. තමන්ගේ හොඳම යාළුවාගේ මතකය නැතිවෙන එක දරාගන්න ලේසි දෙයක් නෙවෙයි කියලා තේරුම් ගන්න පුළුවන් වුණත්, මේ කෙල්ල ඒක ඕනෑවට වඩා පුද්ගලිකව අරගෙන තියෙනවා.

මේ දේවල් ඇරුණම, මේ සීසන් එකේ කතාව ගලාගෙන යන වේගය නම් ගොඩක් දුර්වලයි. පොඩි නාට්‍යමය ගතියක් එක්ක ලූකස් කයිල්ව හොයාගත්ත එක ඇරුණම, එපිසෝඩ් 3ක් ගිහිල්ලත් කතාව ඒතරම් ඉස්සරහට ගිහින් නෑ 🙁

ඉස්සරහට එන එපිසෝඩ් වලදී කතාව ටිකක් වේගවත් වෙයි කියලා බලාපොරොත්තු වෙමු.

 

 

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

1,497 downloadsDownload Silo-S03E04.zip27 KB

 

 

මේ ලබා දී ඇති සිංහල උපසිරැසි පිළිබද “ UD Shehan ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank

GOLD MEMBER
JOINING DATE – 2016-12-05

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.