True Blood [S01 : E09] Sinhala Subtitles | ආදරයේ වේදනාකාරී කැපකිරීම [සිංහල උපසිරැසි සමඟ]

True Blood Sinhala Subtitles

ආයුබෝවන් හැමෝටම! අද මම අරගෙන ආවේ ටිකක් වෙනස් විදියේ, ඒ වගේම ලෝකය පුරා අතිශය ජනප්‍රිය වුණු අමුතුම වර්ගයේ ටෙලි කථා මාලාවක්. ඔයාලා “වැම්පයර්” කථා වලට කැමති කෙනෙක් නම්,  අනිවාර්යයෙන්ම බලන්න ඕනේ කතාවක් තමයි මේ HBO ලා කරපු True Blood සීරිස් එක .මේ කතාමාලාව අවේ 2008-2014 වගේ කාල සීමාවේ ඒ දවස් වල මේ කතා මාලාව බලන්න ආසාව තිබිලත් සිංහල උපසිරසි නිකුත් වුන් නැති නිසා ගොඩක් අයට මේ සුපිරි සීරිස් එක බලන්න වුන් නෑ.

මේ සීරිස් එක නිකුත් වෙලා හරියටම වසර 18 වුනත් තාමත් මේ සීරිස් එකට සිංහල උපසිරසි නිකුත් වෙලා නැති නිසා මට මේ සිරිස් එකට සිංහල උපසිරසි කරන්න හිතුනා. මේක මට සෙට් වෙලා ටිකක් කල් වෙනවා හැබැයි ඒ දවස් වල මේකට සිංහල සබ් කොහෙන්වත් හොයාගන්න බැරිවුණා නිසාත් කාර්යබහුලත්වය නිසාත් මේක බලන එක ටිකක් පස්සට දැම්ම. මිට ටික කාලෙකට කලින් තමා සිරිස් එකේ සබ් හදන්න ඕනේ කියලා මම තීරණය කලේ, ඒ වගේම වැඩේ මගදී නවත්තන්න ඕනේ නැති නිසා season 7ටම සබ් හදනකන් මේක ඔයාලට දෙන්න බැරිවුණා. දැන් සීරිස් 7 ටම සබ් හදල ඉවර නිසා ඔයාලට මෙක සිංහල උපසිරසිත් එක්කම බලන්න පුළුවන්.

මුලින්ම කියන්න මේක vampire diaries වගේ teenage සීරිස් එකක් නෙමේ ඒ වගේම මේක අර අපි දකින සුන්දර ආදර කථා තියෙන වැම්පයර් කතා වගෙත් නෙවෙයි,මේක ටිකක් දරුණු, කුතුහලය පිරුණු සහ වැඩිහිටියන්ට වඩාත් සුදුසු කථා මාලාවක්.

දැන් අපි කතාව දිහාවට යමු

මේ කතාවේ පසුබිම නිර්මාණය වෙන්නේ ඇමරිකාවේ ලුසියානා ප්‍රාන්තයේ “බොන් ටොම්ප්ස් ” කියන කුඩා නගරය කේන්ද්‍ර කරගෙනයි. වසර ගණනාවක් තිස්සේ මිනිසුන් විශ්වාස කළේ වැම්පයර්වරු කියන්නේ ජනප්‍රවාද වල විතරක් ඉන්න පිරිසක් කියලා. හැබැයි ජපානය විසින් සොයාගන්නා “Tru Blood” නමින් හඳුන්වන කෘතිම රුධිරය නිසා වැම්පයර්වරුන්ට තවදුරටත් මිනිසුන්ව දඩයම් කරන්න අවශ්‍ය වෙන්නේ නැහැ.

මේ නිසා ලෝකය පුරා ඉන්න වැම්පයර්වරු තමන්ගේ රහසිගත ජීවිතයෙන් මිදිලා, ප්‍රසිද්ධියේ මිනිසුන් අතරට එන්න පටන් ගන්නවා. මේ සිදුවීම ලෝකයේ ලොකු ආන්දෝලනයක් ඇති කරනවා. සමහරු වැම්පයර්වරුන්ව ආදරයෙන් පිළිගනිද්දී, තවත් පිරිසක් ඔවුන්ව දකින්නේ භයානක සතුරන් විදියටයි.

අපේ කතාවේ ප්‍රධාන චරිතය තමයි සූකී ස්ටැක්හවුස් (Sookie Stackhouse). ඇය සාමාන්‍ය වේටර්වරියක් වුණාට ඇයට තියෙනවා අමුතුම හැකියාවක්. ඒ තමයි අනිත් අයගේ හිතේ තියෙන දේවල් කියවන්න තියෙන හැකියාව (Telepathy). මේ කරදරකාරී හැකියාව නිසා සූකී ඉන්නේ හරිම හුදකලාව. මොකද හැමෝගෙම හිතේ තියෙන නරක අදහස් ඇයට නිතරම ඇහෙනවා.

ඔය අතරේ තමයි සූකී වැඩ කරන අවන්හලට බිල් කොම්ප්ටන් (Bill Compton) කියන වැම්පයර්වරයා එන්නේ. පුදුම වැඩේ කියන්නේ, සූකීට බිල්ගේ හිත කියවන්න බැහැ! ඒ නිහඬ බව නිසාම සූකී බිල්ට ආකර්ෂණය වෙනවා.මේ මිනිස් යුවතිය සහ වසර 173ක් පරණ වැම්පයර්වරයා අතර ඇතිවන සම්බන්ධයත් එක්ක මුළු නගරයම උඩුයටිකුරු වෙනවා.

මේ පළමු කථා වාරය ගෙතෙන්නේ ප්‍රධාන වශයෙන්ම ආදර කතාවක් වටා නෙවෙයි. නගරයේ සිද්ධ වෙන අභිරහස් මිනීමැරුම් මාලාවක් වටායි. වැම්පයර්වරුන් ඇසුරු කරන කාන්තාවන් එක පෙළට ඝාතනය වෙන්න පටන් ගන්නවා.
මේ නිසා නගරයේ මිනිසුන් වැම්පයර්වරුන් දෙස සැකයෙන් බලන්න පටන් ගන්නවා.

අභිරහස:=>ඇත්තටම මේ මිනීමැරුම් කරන්නේ වැම්පයර්වරුන්ද? නැත්නම් වැම්පයර්වරුන්ට වෛර කරන මනුෂ්‍යයෙක්ද?

V-Juice:=> වැම්පයර් රුධිරය මිනිසුන්ට මත්ද්‍රව්‍යයක් වගේ පාවිච්චි කරන්න පුළුවන් මේ “V” රුධිරය නිසා ඇතිවන ගැටලුත් කතාවට ලොකු කුතුහලයක් එකතු කරනවා.

සමාජීය ගැටලු:=> සුළුතර පිරිසක් (වැම්පයර්වරු) සමාජය විසින් කොන් කරන ආකාරය මේ හරහා අපූරුවට පෙන්වනවා.

ඔයාලා මින් පෙර දුටු සාම්ප්‍රදායික වැම්පයර් කතා වලට වඩා හාත්පසින්ම වෙනස් අත්දැකීමක් True Blood ලබා දෙනවා. මෙහි ඇති තිර රචනය, නළුවාගේ රංගනය සහ අඳුරු (Dark) පසුබිම ඔයාලව කතාවේ අවසානය තෙක් රඳවා තබා ගන්නා බව නම් සහතිකයි. විශේෂයෙන්ම සූකීගේ සහෝදරයා වන ජේසන් සහ ඇයගේ යෙහෙළිය තාරා වටා ගෙතෙන කතාවත් ඉතාමත් රසවත්.

ඉතින්, මේ කුතුහලය පිරුණු, අද්භූත බලවේග සහ මිනිසුන් අතර ඇතිවන ගැටුම විඳගන්න සිංහල උපසිරසි එක්කම මේ කතාව බලන්න කියලා මම ඔබට ආරාධනා කරනවා.

අවවාදයයි: මෙය 18+ වැඩිහිටියන්ට වඩාත් සුදුසු දර්ශන සහ භාෂා විලාසයන් අඩංගු කථා මාලාවකි.

 

True Blood S01 Sinhala Subtitles

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි Bluray පිටපත් සඳහා අදාළ වේ.

186 downloadsDownload True-Blood-S01E09-Sinhala-Subtitles.zip31 KB

මේ ලබා දී ඇති සිංහල උපසිරැසි පිළිබද “තරිදු දිසානායක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank
BRONZE MEMBER
JOINING DATE – 2026-03-14
SUBMAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

 

 

True Blood Season 1 Sinhala Subtitles