The Fame Game [E03] Sinhala Subtitles | අමුතු රසිකයා [සිංහල උපසිරසි]

අනාමිකා ආනන්ද්ගේ අතුරුදහන් වීම ගැන රටක් නෙමේ ලෝකයක්ම කතා කරන්න අරන් තිබුණා. සමාජ මාධ්‍යයන් ගිනි අරන් තිබ්බා. රසිකයෝ අනාමිකාගේ ගේ වට කරන්න අරන් තිබ්බා. ගෙදර හැමෝවම පොලිසි ප්‍රශ්න කිරීම් වලට ලක්වුණා. සහකාර කොමසාරිස් ශෝභා ත්‍රිවේදි විසිනුයි පරීක්ෂණය මෙහෙයවුණේ. ශෝභාට කිසිම කෙනෙක්ව විශ්වාස තිබ්බේ නැහැ. සැක පිරුණු ඇස් වලින් තමා හැමෝම දිහා බැලුවේ. මේ පවුලේ රහස් ගොඩක් තියෙන බවත් හැමෝම ඒවා හිතේ හිර කරගෙන ඉන්න බවත් ඇය මේ වෙද්දීත් තේරුම් අරගෙනයි තිබ්බේ. මනීෂ්ගෙන් ප්‍රකාශයක් ගන්න වෙලේ ඇත්තටම අනාමිකා සහ මනීෂ් අතර ලොකු සම්බන්ධයක් තිබ්බයි කියන කාරණය තහවුරු වෙන කතන්දර ගොඩක් මනීෂ්ගෙන් පිටවුණා මතකනේ. ඒ වගේම මනීෂ් කියපු බොරුවකුත් ශෝභාට මාට්ටු වුණා.

ඔය අතරේ අමුතු රසිකයෙක් අනාමිකාගේ ගෙවල් පැත්තට වෙලා කල් ගෙවන්න අරන්. මතකනේ පලවෙනි කොටසෙදි රෝද පුටුවක ඇවිල්ලා අනාමිකාව මුණගැහුණු හාදයා? අන්න එයා දැන් දවස් කීපයක් තිස්සේ නොකා නොබී අනාමිකාගේ ගෙදර ඉස්සරහට වෙලා ඉන්නවා. මෙයා ගැන අමාරා වැඩි අවධානයක් යොමු කළා. අර කිව්ව රසිකයා ගෙට රිංගලා මොනාද කළේ කියලත් මතක ඇතිනේ.

ප්‍රශ්න කිරීම්, ආරවුල්, සැකයන් එක්ක දවස් 4ක් ගෙවිලා ගියත් අනාමිකා ගැන කිසිම හෝඩුවාවක් නැහැ. අපි බලමු මේ කොටසින්වත් මුකුත් වෙයිද කියලා. ඊළඟ කොටසින් හමුවෙමු.