Panchayat [S02 : E05] Sinhala Subtitles | සෙරෙප්පුවේ පලහිලව්ව [සිංහල උපසිරසි]

ඉතින් සිද්ධ වෙච්ච ප්‍රමාදෙත් එක්ක තවදුරටත් ඔයාලව වෙහෙස නොකර මේ අරන් එන්නේ අපේ ගම්සභාවේ දෙවන කතාසමයේ 5වෙනි කොටස. හැමදාමත් කියනවා වගේ අදත් කියන්න තියෙන්නේ පංචායත් කියන්නේ ජාත්‍යන්තර සිනමා දර්ශකයේ දැවැන්ත මනාප සංඛ්‍යාවකින් 8.9ක දැවැන්ත අගයක් වාර්තා කරගෙන හොඳම වෙබ් කතාමාලා 250 අතර රැඳෙන ඉතාමත් ජනප්‍රිය කතාමාලාවක්. තවමත් එකතු නොවුණු කෙනෙක් වේ නම් මේ ආරාධනාව ඒ අයටයි.

කලින් කතාව ගැන ටිකක් මතක් කළොත් මතට තිත තියන්න ගිහින් අපේ ලේකම්තුමාට හොඳ කට්ටක් කන්න වුණානේ. ඒ වගේම අනිත් පැත්තෙන් සභාපතිතුමා සහ පවුල ගියා රින්කිගේ මනමාලයා ඇතුළු පවුල මුණගැහෙන්න. එතන වෙච්ච දේත් එක්ක ඒ කට්ටියට අවුල් ගියාට බලපු අපිට නම් කිසිම අවුලක් දැනුනේ නෑ නේද? බලමු කොහෙන් කොහෙට ඔය කතන්දරේ යාවිද කියලා. ඒ වගේම බේබදු රියදුරා ගියේ ලේකම්තුමාටත් ලොකු පණිවිඩයක් හිතට එකතු කරලනේ, හරියට පලවෙනි කොටසෙදි අර තුවාල වෙච්ච කෙල්ල දුන්නා වගේම පණිවිඩයක්.

ඉතින් අද කතාව පැත්තට එබිලා බැලුවොත්, මේ දවස් වල අපි කාටත් අප්‍රිය චරිත දෙකක්ගේ භූෂන් සහ එයාගේ නෝනා. අද සිද්ධ වෙන අලකලංචියෙත් මේ දෙන්නගේ ලොකු සම්බන්ධයක් තියෙනවා. කලින් මතට තිත කොටසෙත් ජීප් එක පාර මැද තියෙද්දි භූෂන් තමන්ගේ ඇරියස් කවර කරගත්ත හැටි දැක්කනේ. ඉතින් අදත් මිනිහට ලොකු චාන්ස් එකක් තමා හම්බවෙන්නේ. ඒ චාන්ස් එක අරන් දෙන්නේ සෙරෙප්පු කුට්ටමක්. කොහොමද මේ සිද්ධිය වෙන්නේ, අද සීන් එකෙන් කවුරු දිනයිද, මේකෙන් කතාව මොන පැත්තට යාවිද කියලා බලලම දැනගන්න වෙනවා.

ඊළඟ කොටස අරන් Pheonix සහෝ එයි මේ පැත්තට. මං සමුගන්නවා එහෙනම්. ජයවේවා..