5 Sundarikal (2013) Sinhala Subtitles | සුන්දරියන් පස් දෙනෙක්! [සිංහල උපසිරසි සමඟ]

කාන්තාවක් සුන්දර වෙන්නේ කොහොමද? රූපයෙන්ද? සිනහවෙන්ද? කතාවෙන්ද? හැසිරීමෙන්ද? නැතිනම් ගති ගුණයන්ගෙන්ද? බොහෝ දෙනෙක් බොහෝ දේවල් කියාවි. ඔව්. ඒ සියල්ලන්ගෙන්ම කාන්තාවක් සුන්දර කරන්න පුළුවන්. ඉතින් අන්න එහෙම විවිධාකාරයෙන් සුන්දර කාන්තාවන් පස් දෙනෙකු පිළිබඳව ගලායන චිත්‍රපටයක් තමයි “අන්ජු සුන්දරිකාල්” කියන්නේ. අපි ඒකට “සුන්දරියන් පස් දෙනෙක්” කියමු.

මේ “සුන්දරියන් පස් දෙනෙක්” යනුවෙන් මම සිංහල උපසිරැසි රැගෙන ආ චිත්‍රපටය මලයාලම් සිනමා සිත්තමක්. බලන්න කළිනුත්, බලනකොටත්, බැලුවට පස්සෙත් ‘අමුතු’ කියන ගණයට වඩා ‘මහා අමුතු’ කියන ගණයට වෙන් කළ හැකි සිනමා සිත්තමක් තමයි මේ. ඊට හේතු කියනවනම් කෙටි කතාන්දර පහක එකතුවක් ලෙස තමයි මෙය ගලායන්නේ. මම කෙටි කතා කිහිපයක් එක් කොට සෑදු චිත්‍රපටයක් නැරඹු මුල්ම අවස්ථාවයි මේ. කෙටි කතාවක සාමාන්‍යයෙන් තිබෙන කුතුහලය, සමහරවෙලාවට අපට දැනෙන අගක් මුලක් නැති ගතිය, අවසානය පැහැදිලිව නොදැක්වීම, කතාවේ අවසානය ප්‍රේක්ෂකයාගේ අභිමතයට සකස් කරගන්නට ඉඩ ලබාදීම වගේ බොහෝ ලක්ෂණ මෙහි කතා තුළත් දක්නට ලැබෙනවා. මෙම චිත්‍රපටය හඳුන්වා තිබෙන්නේ ‘ආදරය’ පිළිබඳව වෙනස්ම ආකාරයෙන් දක්වන කෙටිකතා පහකින් සමන්විත චිත්‍රපටයක් ලෙසයි.

ඉතින් කතා පහම මුල ඉඳන්ම බලන්න කියලා ආරාධනා කරනවා කිසිම දෙයක් කියන්නේ නැතිව. එතකොට මේ චිත්‍රපටයේ අදහස් ඔබ කැමති ආකාරයකට සිතා ගැනීමට වගේම රසවින්දනයටත් පහසු වේවි.

මෙම සිනමා සිත්තම නිකුත් වුණේ 2013 ජූනි 21 වන දිනයි. පැය 2යි මිනිත්තු 20ක් දක්වා නැරඹිය හැකියි. කතාවන් පහක් නිසා අධ්‍යක්ෂකවරුන් පස් දෙනෙකුත් සිටිනවා,

1. ආශික් ආබු
2. ශයිජු කලීඩ්
3. අමාල් නීරද්
4. සමීර් ථහිර්
5. අන්වාර් රශීඩ් යන පිරිස විසින්

මෙය නිෂ්පාදනය කර තිබෙන්නේ අධ්‍යක්ෂණන්ද දායක වුණ අමාල් නීරද් ශිල්පියා විසින්. මෙම කතා රචනා කොට තිබෙන්නේ,

1. එම්.මුකුන්දන්
2. සිජෝයි වර්ගීස්
3. අමාල් නීරද්
4. ෆෙන්ග් ජිකායි
5. හශීර් මොහමඩ් යන රචකයන් විසින්.

මෙය අයත් වන්නේ family/ romance ගණයටයි. Amal Neerad production හි නිපදවා ඇති මෙය බෙදා හැර තිබෙන්නේ August Cinema ආයතනයෙන්. imdb දර්ශකයෙන් 6.8ක අගයක් ලබාගැනීමට මෙම නිර්මාණය සමත් වී තිබෙනවා. මෙම චිත්‍රපටයෙන් උපයාගෙන ඇති සමස්ත ආදායම ඉන්දියානු රුපියල් කෝටි 3.2ක් වෙනවා.

ඒ වගේම දකුණු ඉන්දීය සිනමාවේ දැවැන්ත චරිත දෙකක් වන Nivin Pauly, Dulquer Salmaan යන සුපිරි තරු යුවලත් මෙහි රංගනයෙන් දායක වෙනවා. ඒ නිසා මේ චිත්‍රපටය නොවරදවාම නරඹන්න කියන ආරාධනාවත් සමඟින් නැරඹීම ඔබට භාර කරනවා.

අවසානයේදී ස්තූතිවන්ත වෙනවා මෙම චිත්‍රපටය උපසිරැසි කිරීමට ලබාදුන් ශාන් විමුක්ති සොහොයුරාට සහ මගේ සහෝදරිය (ගයේෂා සත්සරණී)ටත්.

එහෙනම්, නැවත උපසිරැසියකින් හමුවෙමු. ජය!

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි DVDRip පිටපත් සඳහා අදාළ වේ.

5,257 downloadsDownload 5-Sundarikal-2013.zip35 KB

https://d36zzuvfojr38z.cloudfront.net/wp_content/uploads/2016/12/IMG_3164.jpg මේ ලබා දී ඇති සිංහල උපසිරැසි පිළිබද “සොනාලි තාරිකා” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2016-12-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.