Adhe Kangal (2017) with Sinhala Subtitles | ආදරයේ වේශයෙන් පැමිණි වංචාව [සිංහල උපසිරැසි සමඟ]

මගේ නම, වරුන්. වෘත්තියෙන් කෝකියෙක්. ගොඩක් දෙනෙක් කියනවා මගේ කෑම රසයි කියලා. ඒ වගේම, ගොඩක් දෙනෙක් එනවා මගේ කෑම කාලා යන්න. මොකද, මං ටිකක් විශේෂ පුද්ගලයෙක්. ඒ කිව්වේ, මගේ ඇස් දෙකම පේන්නේ නැහැ. උපතින්ම නම් නෙමෙයි. අවුරුදු පහළොවේදී, හදිසියේම මගේ පෙනීම නැතිවෙලා ගියා. එදා ඉඳන්, අවුරුදු දහයක් තිස්සේ, අන්ධකාරය විසින් මගේ ජීවිතය ගිලගෙන ඉන්නවා. දෑස් නොපෙනුනත්, අවට පරිසරය ගැන හොඳ අවබෝධයක් මට තියෙනවා. විශේෂයෙන්ම, දෑස් අන්ධතාවයෙන් පසුව, ශබ්ද හඳුනාගැනීමට සහ ගඳ/සුවඳ පිළිබඳව සුවිශේෂී අවබෝධයක් මට උරුම වෙලා තියෙනවා. මේ නිසාම තමයි, නගරයේ ඉන්න හොඳම කෝකියා විදියට හැමදෙනාගේම කීර්ති ප්‍රශංසා පවා හිමිවුණේ.

දවසක්, නොසිතූ වෙලාවක, නොසිතූ විදියේ අමුත්තියක්, මගේ අවන්හලට එනවා. ටිකෙන් ටික මාත් එක්ක හිතවත් වුනු මේ නාදුනන අමුත්තිය, වැඩි කාලයක් නොගොස්ම, මගේ හදවත මගෙන් උදුරගන්නවා. නමින් කියනවා නම්, දීපා. දෑස් නොපෙනෙන නිසාවෙන් දැකගැනීමට නොහැකි වුනත්, මටත් දීපා නොමැතිව මොහොතක් හෝ සිටීමට නොහැකි තත්වයක් ඇතිවෙනවා.

ටික දවසක් ගතවෙද්දී මට තේරුනා දීපා ටිකක් අමුතු වෙලා කියල. මගේ බලවත් පෙරැත්ත නිසාම එයාට ඇතිවෙලා තියෙන ප්‍රශ්නය ගැන, එයා මාත් එක්ක කිව්වා. මං පොරොන්දු වුනා, මට පුළුවන් විදියට එයාට උදව් කරන්නම් කියල. නමුත්, ඒ පොරොන්දුව මට කවදාවත් ඉෂ්ඨ කරන්න ලැබුනේ නැහැ. මට, හදිසි අනතුරක් වෙනවා. අනතුර වෙලා, සුමාන තුනකට පස්සේ තමයි මට සිහිය එන්නෙ. සිහිය එනකොටම අහන්න ලැබුනේ සුභ ආරංචියක්. මට, නැවත පෙනීම ලබාදෙන්න, දොස්තර මහත්වරුන්ට පුළුවන්ලු. ඒ නිසා, මට සිහිය නැතිව හිටපු කාලයේදීම, මගේ දෙමව්පියන්ගේ අවසරය ඇතුව, මට අක්ෂි ශල්‍යකර්මයක් කරලා තිබුනා. අවුරුදු දහයකට පස්සේ, ලෝකය දිහා ඇස් ඇරලා බලන්න මට පුළුවන්කම ලැබුනා. හිනාවෙන්නද, නැත්නම් කෑගහලා අඬන්නද කියලා මට හිතාගන්න බැරිවුණා. ඒත් එක්කම මට මතක්වුනා, මගේ ආදරණීය දීපා. මං, එයාට උදව් කරනවා කියලා වෙච්ච පොරොන්දුව.

ඒත් දෙයියනේ, මං කොහොමද දීපව හොයාගන්නෙ. එයාගේ ෆොටෝ එකක්වත්, ලිපිනයක් වත්, කිසිම විස්තරයක් තිබුනේ නැහැ. එයාගේ, දුරකථන අංකය වැඩ කලෙත් නැහැ. කොච්චර හෙව්වත්, දීපා කියන්නෙ කවුද කියලා හොයාගන්න බැරිවුනා. දීපා කියන්නේ, මගේ හිතේ මවාගත්ත මායාවක්ද? මට, මාවම රුස්සන්නේ නැතිව ගියා. මං තුල කලින් ඉඳපු, සරල පුද්ගලයා නැතිවෙලා ගියා.

දීපාගේ මතකය අමතක කරලා, හිත හදාගන්න ටික කාලයක් ගියා. ඒත්, ඔන්න එතකොටම ආයෙත් නාදුනන පුද්ගලයෙක් මගේ අවන්හලට ආවා. හිතන්න පුලුවන්ද කවුද කියලා? දීපාගේ තාත්තා. මගෙන් ඉල්ලුවේ එකම එක දෙයයි. ‘දීපාව පැහැරගෙන ගිහිල්ලා, පුළුවන්කමක් තියෙනවා නම්, එයාව බේරලා දෙන්න..’ කියලා. දෙවතාවක් නොහිතා, උදව් කරන්න මං ඉදිරිපත් වුනා. මේ නිසාම, යළිත් කවදාවත් නිවැරදි කිරීමට අපහසු වරදක් වෙනවා. මගේ මුළු ජීවිතයම, ඇසිපිය ගසන ක්ෂණයෙන් උඩි යටිකුරු වී යනවා. අගක් මුලක් තේරුම් ගන්න බැරි උගුලකට මාව අහුවෙනවා.

මෙම වංකගිරියෙන් මිදීමට ඇත්තේ එකම එක මාර්ගයක් පමණයි. මේ අභිරහස විසඳීම. අතිශය සංකීර්ණ ලෙස පැටලුණු නූල් බෝලයක් බඳුවූ අභිරහසක්, පියවරින් පියවර විසඳමින්, මම ගැටළුවේ අභ්‍යන්තරයටම ගමන් කළා. අවසානයේ, දෑස් අදහාගත නොහැකි පිළිතුරක් මට ලැබුණා. මාව විශ්වාස කරන්න, මගේ කතාව ඇහුවොත් නම්, කවදාහරි කාටහරි උදව්වක් කරන්න කලින්, ඔයාලත් දෙපාරක් සිතා බලාවි. මොකද, ඒ තරම් ගැඹුරු අගාධයක තමයි මාව වැටුනේ. එහෙනම්, මාත් එක්ක එකතුවෙන්න…අගක් මුලක් තේරුම් ගත නොහැකි,  සිත ව්‍යාකූල කරවන, අතිශය ගැඹුරු අභිරහසක් විසඳීමට මට සහය වෙන්න.

Action සහ Thriller යන ලේබලය යටතේ, 2017 වර්ෂයේ ජනවාරි මස 13 වෙනි දින තිරගතවීම අරඹමින්,  Imdb දර්ශකයේ 8.2 ක ඉහලම අගයකින් සමන්විත වන අනගි සලරුවක්…සම්මානනීය නළු, Kalaiyarasan සහ Janani Iyer, Shivada යන නිළියන්ගේ ප්‍රධාන රංගන දායකත්වයෙන් හැඩ වැඩ ගැන්වුණු චිත්‍රපටයක්… මීට ප්‍රථම ඔබ වෙත තිලිණ කරන ලද, Dhuruvangal Pathinaaru (2016) චිත්‍රපටය මෙන්ම, දමිළ සිනමාවෙන් බිහිවූ ඒ හා සමාන තවත් විශිෂ්ට සිනමා නිර්මාණයක් …සෙනෙහෙ සිතින් සියළු දෙනා වෙත පිදීමට, අවසරයි සියළු බයිස්කෝප් රසික රසිකාවියන්ගෙන්….

 

 

 

 

Due to copyright issues, we do not provide any torrent links.

www.TamilRockers.mx – Adhe Kangal (2016)

ලබා දී ඇති උපසිරසි සියලුම HDRip පිටපත් සඳහා අදාළ වේ.

6,773 downloadsDownload Adhe-Kangal-2017.zip69 KB

 

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.