Anandabhadram (2005) Sinhala Subtitles | සිවපුරම් වෙලාගත් අදුරු සෙවණැල්ල! [සිංහල උපසිරසි]

Anandabhadram (2005)  Sinhala Subtitles

කොහොමද හැමෝටම, කාලෙකට පස්සේ තමයි චිත්‍රපටියකට උපසිරසි අරගෙන එන්නේ මේ සැරේ මම අරගෙන ආවේ 2005 වසරේ නිකුත් වුණු, දකුණු ඉන්දීය සිනමාවේ අතිශය ජනප්‍රිය මෙන්ම අද්භූත සිනමා නිර්මාණයක් වන “ආනන්දභද්‍රම්” (Anandabhadram) චිත්‍රපටය සඳහා සිංහල උපසිරැසියි. සුනිල් පරමේෂ්වරන්ගේ ප්‍රකට නවකතාවක් ඇසුරින් ප්‍රසිද්ධ සිනමාකාර සංතෝෂ් සිවන් විසින් අධ්‍යක්ෂණය කළ මේ චිත්‍රපටය දිවෙන්නේ හොල්මන්, ආත්මයන් සහ අඳුරු මන්ත්‍ර(හූනියම්) ගුරුකම් වටායි.

මලයාලම් සිනමාවට ආදරය කරන අය වගේම, ගූඪ මන්ත්‍ර ශාස්ත්‍රය, රහස් නිධාන, නාග මාණික්‍යයන් සහ අද්භූත සිදුවීම් පිරුණු කතාවලට ආස කරන සිනමාලෝලීන්ට නම් මේක මඟහැරගන්නම බැරි චිත්‍රපටයක්!

2005 නොවැම්බර් 04 වන දින දීපාවලි උත්සවයට සමගාමීව තිරගත වූ “ආනන්දභද්‍රම්” චිත්‍රපටය එහි තිරපිටපත, කතාව, සංගීතය, කැමරාකරණය, රංගනය සහ බියකරු අංග නිසා අතිශය විචාරක ප්‍රශංසාවට ලක්වුණා. විශේෂයෙන්ම “දිගම්බරන්” ලෙස මනෝජ් කේ. ජයන් දක්වන ලද අද්විතීය රංගනය සහ චිත්‍රපටයේ ඇති අඳුරු ගූඪ වාතාවරණය(Dark atmosphere)බොහෝ දෙනාගේ පැසසුමට ලක්වූ අතර, මෙය පෙළහර පෑ වාණිජමය සාර්ථකත්වයක් (Blockbuster) අත්කර ගත්තා.

කේරළ රාජ්‍ය සිනමා සම්මාන (2005): සම්මාන 05ක් දිනා ගන්නා ලදී.

Asianet සිනමා සම්මාන (2005): සම්මාන 02ක් දිනා ගන්නා ලදී.

වෙනත් භාෂාවලට හඬකැවීම්: මෙම චිත්‍රපටයේ ඇති ජනප්‍රියත්වය නිසාම මෙය දෙමළ, තෙලිඟු (Sivapuram ලෙස), හිංදි (Phir Wohi Darr ලෙස) සහ ඉංග්‍රීසි භාෂාවලට හඬකවනු ලැබූ අතර, 2006 දී තිරගත වූ Tanthra මලයාලම් චිත්‍රපටයටද මෙය විශාල ආභාසයක් වුණා.

චිත්‍රපටයේ තොරතුරු—:

චිත්‍රපටයේ නම: ආනන්දභද්‍රම් (Anandabhadram)

නිකුත් වූ වසර: 2005 නොවැම්බර් 04

භාෂාව: මලයාලම් (Malayalam)

වර්ගීකරණය: Action / Drama / Fantasy / Horror

අධ්‍යක්ෂණය: Santosh Sivan

රංගනය: Prithviraj Sukumaran, Manoj K. Jayan, Kavya Madhavan, Kalabhavan Mani, Biju Menon, Riya Sen, Revathy, Nedumudi Venu

IMDb අගය: 7.5/10

ඇත්තෙන්ම මෙය මගේ පළමු මලයාලම් උපසිරැසි ගැන්වීමයි. දකුණු ඉන්දීය මලයාලම් සංස්කෘතිය, ජ්‍යෝතිශ්‍ය ශාස්ත්‍රය සහ අභිචාර විධි සමඟබැඳුණු චිත්‍රපටයක් නිසාම, එහි එන විශේෂ වචන (අශ්ලේෂා නැකත, අමාවක රාත්‍රිය, මන්ත්‍ර ග්‍රන්ථ, ආරක්ෂක නූල, දේවිය වැනි) කතාවේ ගලායාමට හානියක් නොවෙන ලෙස අපේ සිංහල වහරට ගැලපෙන පරිදි ඉතා සලකා බලමින් සකස් කළා.

මගේ පළමු උත්සාහය නිසා යම් යම් අඩුපාඩු තිබෙන්නට පුළුවන්. ඒ ගැන ඔබගේ කාරුණික අවධානය යොමු කරන ලෙස ඉල්ලන අතරම, අඩුපාඩු සකසා ගැනීමට ඔබේ අදහස් සහ යෝජනා පහළින් කමෙන්ට් කරලා පුංචි සහයෝගයක් දෙන්න කියලත් ගොඩක් ආදරයෙන් ඉල්ලනවා.

එහෙනම් චිත්‍රපටය නරඹලා රසවිඳින්න! තවත් ලස්සන උපසිරැසියකින් ඉක්මනින්ම හමුවෙමු.

ජය වේවා!

Anandabhadram (2005) Sinhala Subtitles

 

 

 

Due to copyright issues, we no longer provide any download links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

204 downloadsDownload Ananthabhadram2005.zip50 KB

 

මේ ලබා දී ඇති සිංහල උපසිරැසි පිළිබද “තරිදු දිසානායක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2026-03-14

SUB-MAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

Anandabhadram Sinhala Subtitles