Avengers Confidential: Black Widow & Punisher (2014) | යුක්තිය උදෙසා… [සිංහල උපසිරැසි සමඟ]

මාර්වල් සමාගමේ කොමික් වීරවරයන් හා වීරවරියන් ගැන නොදන්න කෙනෙක් නැතිතරමට ඔවුන් ජනප්‍රියයි. අයන් මෑන්, බ්ලැක් විඩෝ, හල්ක්, තෝර්, පනිෂර් වැනි සුපිරි වීරයන් ඔවුන්ගෙ ජීවිත පරදුවට තියලා දුෂ්ටයින්ගෙන් මේ ලෝකය බේරගන්න දරන පරිශ්‍රමය මොනවගේද කියලා ඔයාලා දන්නවනේ.. අපේ සුපිරි වීරයන්ට හමුවන මේ විවිධාකාර දුෂ්ටයින් එසේ මෙසේ අය නෙවෙයි. ඔවුන් දුෂ්ටයින්ගෙත් දුෂ්ටයින්.. සුපිරි දුෂ්ටයින්.. ඇතැම් දුෂ්ටයින් අපේ සුපිරි වීරයන්ටත් වඩා බලවත් අය..

IMDb වෙබ් අඩවියේ 6.0/10ක් තරම් ඇගයුමක් ලබාගෙන තියෙන මේ චිත්‍රපටිය කාටුන් චිත්‍රපටියක් උණාට සුපිරි ක්‍රියාදාම චිත්‍රපටියක තිබිය යුතු සියලුම ගුණාංගයන්ගෙන් හෙබි චිත්‍රපටියක්. 2014 වසරේ මාර්තු 11 වෙනි දින ඇමරිකාවේ තිරගත උණ මේ චිත්‍රපටිය මේ සතියේ ලොව හොඳම චිත්‍රපටි අතර 1384 වෙනි ස්ථානයේ අද දිනයේ රැඳී තියෙනවා.

මේ චිත්‍රපටියේ ප්‍රධාන චරිත ගැන පොඩි හැඳින්වීමක් කරන්න ඕන. නටාෂා හෙවත් බ්ලැක් විඩෝ කියන්නේ S.H.I.E.L.D.ආයතනයේ නියෝජිත වරියක්‍. අති දක්ෂ සටන් කාරියක්. පනිෂර් හෙවත් ෆ්‍රෑන්ක් කාසල් ස්වාධීනව කටයුතු කරන පුද්ගලයෙක්. ඔහු තමන්ගෙ පළාතේ වෙන අපරාධ වලට එරෙහිව සටන් කරන පුද්ගලයෙක්. ඒ අපරාධකාරයන්ට දෙන දඬුවම තමයි මරණය. නික් ෆියුරි කියන්නේ S.H.I.E.L.D.ආයතනයේ අධ්‍යක්ෂවරයා. ඔහු යටතේ තමයි බ්ලැක් විඩෝ සේවය
කරන්නේ. එලායස් කියන්නේ S.H.I.E.L.D. ආයතනයේ වැඩ කල විද්‍යාඥයෙක්. ඔහු ආදරේ කරන්නේ නටාෂාටයි. නටාෂාත් ඔහුට ආදරේ කරනවා. නමුත් එලායස් හිතනවා නටාෂා වගේ සුපිරි වීරවරියකට ඔහුව ගැලෙපෙන්නෙ නෑ කියලා. ඒ නිසා වැරදි විදිහට සුපිරි වීරයෙක් වෙන්න ඔහු උත්සාහ කරනවා. හල්ක් , තෝර්, අයන් මෑන් ගැන ඔයාලට අමුතුවෙන් කියන්න දෙයක් නෑ. ඔයාලා ඔවුන් ගැන සෑහෙන්න හොඳට දන්නවා.

කතාව ගැනත් ටිකක් කියන්නම්. S.H.I.E.L.D.ආයතනය මගින් සිදු කරන අති රහස් මෙහෙයුමකදී එයට බාධා කිරීම සම්බන්ධයෙන් පනිෂර්ව අත්අඩංගුවට ගන්නවා. එහිදී පනිෂර්ගෙ ඉල්ලීම මත බ්ලැක් විඩෝ සමග ඔහුව ලුවායතන් නැමති සංවිධානය ගැන සෙවීමට පිටත් කර හරිනවා. මේ ලුවායතන් කියන්නේ ලෝක ව්‍යාප්ත ත්‍රස්තවාදී කණ්ඩායමක්. ඔවුන් S.H.I.E.L.D.ආයතනයේ පර්යේෂණයකින් නිපදවූ බලවත් අවියක තාක්ෂණය සොරකම් කරලා නිපදවන අවියකින් අහිංසක ජනතාව ඝාතනය කරනවා. මීට අමතරව ලුවායතන් සංවිධානයේ වැඩ කරන විද්‍යාඥයෙක් ප්‍රබල ජීව අවියක් නිපදවනවා. මේ ජීව අවිය යොදා ගන්නේ S.H.I.E.L.D. ආයතනයට විරුද්ධවයි..

ඉතින් යාළුවනේ.. S.H.I.E.L.D. ආයතනයේ නිපදවපු අවියක තාක්ෂණය කොහොමද ලුවායතන් සංවිධානයට ලැබෙන්නේ? ලුවායතන් සංවිධානය ඇයි නිකරුණේ අහිංසකයන් ඝාතනය කරන්නේ? ඔවුන්ගෙ මූලික අරමුණ මොකක්ද? ලුවායතන් සංවිධානය අපේ සුපිරි වීරයන්ට විරුද්ධව නිපදවන ප්‍රබල ජීව අවිය මොන වගේද? එම අවිය පරාජය කරන්න අපේ සුපිරි වීරයන්ට හැකි වේවිද? එමගින් ලුවායතන් නැමති ත්‍රස්ත සංවිධානය නැති කරලා දාන්න හැකි වේවිද? කියලා කතාව බලලම දැනගන්න.. හැමෝටම ජය වේවා!!!

 

 

600 MB කොපිය මෙතනින් බාගන්න

D2414FD6E653CC606198DB602811873CF4CA88440 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

3,100 downloadsDownload Avengers.C.B.W.A.P.2014.baiscopelk.zip33 KB

 

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.