Bend It Like Beckham (2002) Aka Kick It Like Beckham Sinhala Subtitles | ඉන්දියානු යුවතියගේ පාපන්දු සිහිනය [සිංහල උපසිරසි]

අයුබෝවන් යාළුවෝ හැමෝටම.. තවත් ලස්සන සුබ දවසක් වේවා..

මම 50වෙනි උපසිරසියට ලං වෙලා ඉන්න කාලේ දවසක් ලෂාන් සහෝදරයා මාත් එක්ක චැට් කරලා මේ චිත්‍රපටය අරගෙන කරන්න, ලස්සනයි කියලා කිව්වා. එවෙලෙම මං චිත්‍රපටය බාගත්තත් බාර අරන් තිබුණු චිත්‍රපට හා මං පෙලගස්වන් හිටිය චිත්‍රපට නිසා ටිකක් විතර පරක්කු වුනා සිංහල සබ් හදන්න. අවසානයේ අද මං ඔයාලට ඒ චිත්‍රපටය අරන් ආවා. ලෂාන් සහෝ.. ඔයාට බොහොම ස්තූතියි.. මේ චිත්‍රපටය මට හඳුන්වා දී මේ චිත්‍රපටය සඳහා උපසිරසි වෙන් කරදී දැකුවූ සහයෝගයට.

Bend It Like Beckham

ඉන්දියානු සංස්කෘතිය තුල බොහෝවිට දකින්න තියෙන්නේ ගැහැණිය ගෙදරටම කොටු වී ස්වාමියාගේ දරුවන්ගේ වැඩ පල කරන ඒ සඳහාම කැපවී සිටින කෙනෙක් ලෙසයි. ඇයට ක්‍රීඩාව නම් තහනම්. එය ඉන්දියාවෙන් පිටත වුනත් වෙනත් රටක ස්ථිර පදිංචිව සිටියත් බම්රා පවුලටනම් ඒ නීතිය එහෙමමයි. ඒත් බම්රා මහතාගේ දෙවනි දුව පාපන්දුවට දැඩි ආශාවක් ඇතුවා සේම පාපන්දු ක්‍රීඩාවටද දක්ෂකම් දක්වනවා. යන එන වෙලාවේ ඉඩ පහසුකම් ඇති වෙලාවක ඇය ටිකක් සෙල්ලම් කරනවා. පසුව ඇය ගෙදරට හොරා, රහසේම තම පුහුණුවීම් කටයුතු කරගෙන යන්නේ මගදි හමුවන ජූල්ස් නම් යහළුවෙක් සමගයි. දහසක් නීති අතරේ, තම ජාතියේත් පවුලේත් ගෞරවයටත්, තම උපන් රටේ නාමයටත් කැළලක් නොවෙන ලෙස පාපන්දුවෙන් ලොව දිනන්න වෙර දරන ඉන්දියානු යුවතිය ජෙස්ම්නිදර්ගේ කතාව තමයි මේ.

චිත්‍රපටයේ කතාව සහ අධ්‍යක්ෂණය Gurinder Chadha විසිනි. තවද ඇය නිෂ්පාදනයෙන් හා තිර රචනයෙන්ද සහය වී ඇත. ඇයට අමතරව නිෂ්පාදයෙන් Deepak Nayare සහ රචනයෙන් Paul Mayeda Berges, Guljit Bindra එකතු වී ඇත. සංගීතය Craig Pruess විසිනි. රංඟනයෙන් ජෙස් බම්රා ලෙස Parminder Nagra, ජුලියට් ලෙස Keira Knightley, ජෝ ලෙස Jonathan Rhys Meyers, මෝහන් බම්රා ලෙස Anupam Kher, ටෝනි ලෙස Ameet Chana ඇතුළු නළු නිලියන් රැසක් එකතු වී ඇත.

මෙම චිත්‍රපටය ප්‍රථමයෙන් 2002 අප්‍රේල් 12 වන දා එක්සත් රාජධානියේත්, 2002 ඔක්තෝබර් 3 වන දා ජර්මනියේත් සහ 2003 මාර්තු 12 වනදා ඇමරිකා එක්සත් ජනපදයේත් තිරගත වී ඇත. විනාඩි 112ක ධාවන කාලයකින් යුත් මෙම චිත්‍රපටයේ නිෂ්පාදන පිරිවැය ඇ.ඩොලර් මිලියන 6 ක් වන අතර බොක්ස් ඔෆීස් ආදායම ඇ.ඩොලර් මිලියන 104.6 ක් පමණ වේ. IMDb දර්ශකයේ 6.6ක්, Rotten Tomatoes 85% ක අගයක් ලැබී ඇත. Google පරිශීලිකයින්ගෙන් 85%ක කැමැත්ත මෙම චිත්‍රපටයට ලැබී ඇත.

නැවත වරක් ලෂාන් සහෝදරයාට මගේ ස්තුතිය පුදකරමින් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල උපසිරසියක් අරන් එනකන් ඔයාල හැමෝටම නිරෝගිමත් සුබ දවසක් වේවා…

~ ජය වේවා ~

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

2,291 downloadsDownload Bend-It-Like-Beckham-2002-Aka-Kick-It-Like-Beckham.zip49 KB

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.