Bridge of Spies (2015) With sinhala subtitles|සීතල යුද්ධයේ උණුසුම! [සිංහල උපසිරසි සමඟ]

“ස්ටීවන් ස්පිල්බර්ග්” මේ නම ඇහුනාම මොකද හිතෙන්නේ??? ඔව් ඔව්, සුපිරි ගණයේ සිනමාපට රාශියක අධ්‍යක්ෂක තනතුරට මොහු උරුමකම් කියනවා. Jaws, E.T., Indiana Jones, Empire of the Sun ,Jurassic Park, Saving Private Ryan, Minority Report, Catch Me If You Can ,War of the Worlds, Munich, The Adventures of Tintin : The Secret of the Unicorn ,War Horse වගේ සුපිරි සිනමාපට අධ්‍යක්ෂණය වුණේ මොහු අතින් තමා.

ඉතින් අදත් අරගෙන ආවේ ස්පිල්බර්ග් අතින් නිමවුණු නවතම සිනමාපටයයි. නමින් Bridge of Spies. ඓතිහාසික නාට්‍ය ඝණයට වැටෙන මෙම සිනමා සිතුවමේ තිර රචනය ලියවෙන්නෙ Matt Charman සහ Ethan Coen, Joel Coen යන සහෝදරයින් අතිනුයි. සිනමාපටයට පාදක වෙන්නෙ දෙවන ලෝකයුද්ධයට පසුව ඇති වූ සීතල යුද්ධය අතරතුරේ සිදු වූ 1960 U-2 සිදුවීමයි. එම සිදුවීමේදී සෝවියට් රජයේ ග්‍රහණයට හසු වූ U-2 ගුවන්යානයේ නියමුවා වූ Francis Gary Powers නිදහස් කර ගැනීමේ කටයුත්ත භාරදෙන James B. Donovan නම් නීතිඥයා වටාමේ සිනමාපටය ගෙතී පවතිනවා. 2014 වසරේ රූපගත කිරීම් ආරම්භ කළ මෙම සිනමාපටය 2015 ඔක්තෝබර් 16 වන දින ප්‍රදර්ශණය ආරම්භ කළා. ඒවගේම සදහන් වෙන පරිදි මේ වන විට විවිධ සම්මාන 10 දිනාගෙන ඇති අතර තවත් සම්මාන 39කට නිර්දේශ වී තිබෙනවා.

IMDb අගය 7.9 ක් වන මෙම සිනමාපටයේ James B. Donovan ලෙස Tom Hanks ද, Rudolf Abel ලෙස Mark Rylance ද, Mary McKenna Donovan ලෙස Amy Ryan ද, Thomas Watters ලෙස Alan Alda ද,Francis Gary Powers ලෙස Austin Stowell ද රංගනයෙන් දායක වෙනවා. එහෙනම් කතාව පැත්තට හැරෙමු…

ඉතින් කට්ටිය දන්නවා ඇතිනේ මේ සීතල යුද්ධය ගැන.මේක ඇති වෙන්නේ 1945දී ලෝක යුද්ධය අවසන් වීමත් සමග. ලෝක යුද්ධය නිසා ජර්මනිය මෙන්ම තවත් යුරෝපා රටවල් යම්තාක් දුරකට පහලට වැටෙන විට මහා ලෝක බලවතුන් ලෙස ඇමරිකා එක්සත් ජනපදය සහ සෝවියට් දේශය නැගී එනවා.නමුත් කවුරුත් දන්නා පරිදි මේ රටවල් දෙකේ එවකට දේශපාලන සහ ආර්ථික දර්ශනයන් වෙනස්. ඇමරිකාව ප්‍රජාත්‍රන්තවාදී ධනවාදී පිළිවෙතක් අනුගමනය කරනවිට සෝවියට් සංගමය සමාජවාදී නැතිනම් කොමියුනිස්ට් ක්‍රමයක් තමා අනුගමනය කලේ.

ඉතින් ලෝකය තුළ තම ආධිපත්‍යය ව්‍යාප්ත කිරීම තමා මේ මහා බලවතුන්ගේ අනවරත උත්සාහය වුනේ. ඒ උදෙසා අනෙකා කෙසේ හෝ විනාශ කිරීම අවශ්‍ය වුනත් ඒ සදහා යුධමය පිළිවෙත් අනුගමනය නොකර රහස් තොරතුරු සෙවීම මගින් රටේ ආර්ථික,සමාජ සහ යුධ ශක්තින් අඩපන කිරීම තමා මේ දෙරටේම අරමුණ වුනේ. ඉතින් ඒ අරමුණ උදෙසා ක්‍රියාත්මක වෙද්දී ඇතිවූ සිදුවීමක් අලලා තමයි මේ සිනමාපටය නිර්මාණය වී තිබෙන්නේ.

කතාවේ හැටියට ඇමරිකාව අල්ලාගෙන සිටින රුඩොල්ෆ් එබල් නම් සෝවියට් ඔත්තුකරුවාට දඩුවම් පැමිණවීමට අවශ්‍ය වෙනවා. නමුත් සැවොම දන්නා පරිදි ලොව ප්‍රජාතන්ත්‍රවාදය වැඩිම රට ලෙස හදුන්වාගන්න ඇමරිකාවට මේක කරන්න අවශ්‍ය වෙන්නේ ඔවුන් සිරකරුවකුගේ වුනත් අයිතිවාසිකම් ආරක්ෂා කරන බවට ලොවට පෙන්වාදෙමින්.මේ සදහා එබල්ගේ නීතිඥයා ලෙස දක්ෂ නීතිඥයෙක් වන ජේම්ස් ඩොනොවන්ව පත්කරනු ලබනවා.නමුත් ඩොනොවන් තම රාජකාරිය සතුරාට වුවත් අකුරට ඉෂ්ට කරනවා. ඔහුට අවශ්‍ය වන්නේ කෙසේ හෝ තම සේවාදායකයා නිදහස් කරලීමයි.

නමුත් ඒ සදහා ඔහුට ප්‍රමාණවත් සාක්ෂි නොලැබීම නිසා එබල්ට වසර 30ක සිරදඩුවමක් නියමවෙනවා. මෙන්න මේ අතරතුරේ ඇමරිකා ඔත්තුකරුවෙක් වන ගැරී පවර්ස් රුසියානු හමුදා අංශ භාරයට පත්වෙනවා. මේ හේතුව නිසා ඇමරිකානු රජය තීරණය කරනවා නිල නොවන වශයෙන් රජයේ නිලධාරියෙක් නොවන ඩොනොවන්ව ජර්මනියට යවලා සිරකරුවන් හුවමාරුවක් ගැන සාකච්ඡා කරන්න. ඩොනොවන්ට නියෝග ලැබෙන්නේ පවර්ස් වෙනුවට එබල් හුවමාරු කිරීමට පමණයි. නමුත් ඔහු ජර්මානු බාරයේ සිටින ඇමරිකානු ශිෂ්‍යයකුද ඉල්ලා සිටිනවා.

මම හිතනවා දැන් මේ කිව්ව ටික හොදටම වැඩිත් එක්ක කියලා. එහෙමනම් කට්ටිය බලලම දැනගන්න ඩොනොවන් සාර්ථක වෙයිද නැද්ද මේ ගමනේදී මොනවගේ බාධක ඔහුට එල්ලවෙයිද කියලා? හොදයි එහෙමනම් මම සමුගන්නවා එකදිගට කොටලා කොටලා දැන් මාරම මහන්සියි. කට්ටිය ලොබ නැතුව කොමෙන්ටුවක් දාගන යන්න ඕන.

 

 

681 MB (720p BR x265 HEVC) කොපිය මෙතනින් බාගන්න

B41C79EBEFC17DE341775A0A3C4749938E813756

953 MB (720p BR) කොපිය මෙතනින් බාගන්න

5D548407F9217D250D9A0CE0FC90B6B6CFDAB87A

2.70 GB (1080p BR) කොපිය මෙතනින් බාගන්න

4D866ED41C54DDB6767B1F173719FE0B9BF59B02 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

6,110 downloadsDownload Bridge-of-Spies-2015-BR-UPDATE.zip274 KB

 

https://d36zzuvfojr38z.cloudfront.net/wp_content/uploads/2015/04/WP_20150309_004-e1429297736497.jpg මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.