Dude, Where’s My Car? (2000) with sinhala subtitles | මචන් මගේ කාර් එක කොහෙද ? [සිංහල උපසිරසි සමඟ]

කොහොමද හැමෝටම. ගොඩ කාලෙකට පස්සේ තමයි මම මේ සබ් එකක් දෙන්නේ. එක දිගටම මට දෙන්න බැරි වුනේ මම බයිස්කෝප් එකෙන් TV Series එකක් කරන්න ඉල්ලලා බාර ගත්තා. තාම ඒක දුන්නේ නෑ, දැන් මාස 6ක් වගේ වෙනවා. ඒක ගොඩක් පරණ ලස්සන රුපවාහිනි කතා මාලාවක්. අපි හැමෝම වගේ ඒක දන්න කියන එකක්. එකේ මම දැනට Season 1 සම්පූර්ණයෙන්ම කරලා ඉවරයි. මේ මාසේ තමයි මම ඒකේ Season 2 කරන්න පටන් ගත්තේ. මේක කරන්න මෙච්චර පරක්කු වෙන්නේ මොකද මේකට English Subtitle file එකක් නෑ. ඒක නිසා මංම තමයි මේකට ටයිම් ලයිනුත් ගහගෙන උපසිරැසිත් කරන්නේ. ගොඩක්ම කාලය මහන්සිය වැය වෙන්නේ ටයිම් ලයින් ෆයිල් එක හදන්න. කොහොමහරි මම මේක ඉක්මනටම දෙනවා. ඒකට හොඳ ප්රතිචාර ලැබෙයි කියලා බලාපොරොත්තු වෙනවා.

හරි, හොඳයි, මම ඔයාලට අර කලින් කියපු TV Series එක කර කර ඉන්නේ අතරේ තමයි මට මේ ඇමරිකන් Comedy ෆිල්ම් එක හම්බවුනේ. මේක බැලුවට පස්සේ ඇත්තටම මට මේකට උපසිරැසි කරන්න ආස හිතුනා ඒක හේතුවක් නිසා, ඒ තමයි මේකේ පට්ටම ජෝක් සීන් එකක් තියනවා චීන කෑම කඩයක් ගාව වෙන. ඒකට නම් පැලෙන්න හිනා යනවා. බලන්නකෝ. හරි, මම ඔයාලට ෆිල්ම් ගැන ටිකක් කියන්නම්.

Dude Wheres My Car, මේ ෆිල්ම් එක Release වෙලා තියෙන්නේ 2000 දෙසැම්බර් මාසේ. ඇමරිකන් Comedy ෆිල්ම් බලලා තියන කවුරුත් දන්න Seann William Scott මේකේ ඉන්නවා. මිනිහා සුපිරිම මැන්ටල් මානසික ලෙඩ චරිතයක්. මෙයාගේ ෆිල්ම් බලලා තියන අය මෙයා ගැන දන්නවා ඇතිනේ….. මෙයත් එක්ක ඉන්න අනිත් කෙනා ගැන නම් කියන්න මං දන්නේ නෑ. හැබැයි මිනිහත් ටිකක් මරු. මේකයි මේ ෆිල්ම් එකේ වෙන්නේ, ජෙසී සහ චෙස්ටර් කියලා අඹ යාළුවෝ දෙන්නෙක් ඉන්නවා. මේ දෙන්නා එකටමයි ඉන්නේ. දවසක් මෙයාලා උදේ නැඟිටිනකොට ජෙසීගේ කාර් එක නැතිවෙලා තියනවා. ඒ වගේම මෙයාලට මතක නෑ කලින් දවසේ රෑ වුන දේවල් ගැන. මේ නිසා මේ දෙන්නට ලොකු කරදර ගොඩක මූණ දෙන්න සිද්ද වෙනවා. ඒ කලින් දවසේ රෑ මේ දෙන්නා පාටියකට ගිහින් හෙන පිස්සුවක් නටලා තියනවා, මෙයාලට ඒ ගැන මුකුත්ම මතක නෑ. තව තැන් තැන් වලත් ගිහින් පිස්සු නටලා තියනවා. ඒ දේවල් වලට විපාක විඳින්න මේ දෙන්නට සිද්ද වෙනවා. මෙයාලා ළඟ තියනවා පිටසක්වල ජීවීන්ගේ භයානක උපකරණයක්. ඒකෙන් පුළුවන් මුළු විශ්වයම වුනත් විනාශ කරලා දාන්න. හැබැයි මෙයාලා ඒ ගැන දන්නේ නෑ, මතකත් නෑ. ඉතින් මේ උපකරණය අරගෙන විශ්වය විනාශ කරලා දාන්න අදහසින් වෙනත් ලෝකයකින් ලස්සන ගැනු පිටසක්වල ජීවීන් වගයක් එනවා. ඒ වගේම මේ උපකරණය ආරක්ෂා කරන්න හොඳ පිටසක්වල ජීවීන් දෙන්නෙකුත් එනවා. ඒ වගේම තමන්ගේ නැතිවෙලා තියන කාර් එක හොයා ගන්න දෙන්නා මුළු කතාව පුරාවටම උත්සහා කරනවා.

ඒ උත්සහය සාර්ථක වෙයිද ? මෙයාලට කාර් එක හොයා ගන්න පුළුවන් වෙයිද ? එදා රෑ මෙයාලට මොකද වුනේ ? එදා රෑ මෙයාලා මොකද කරේ ? නපුරු පිටසක්වල ජීවීන්ට අර උපකරණය ගන්න පුළුවන් වෙයිද ? මොකක්ද අර මම කියපු පට්ට ජෝක් සීන් එක ? මේවට උත්තර දැනගන්න දැන්ම ෆිල්ම් එක අරන් බලන්න.

 

 

 

 

Due to copyright issues, we do not provide any torrent links.

 මෙම ලබා දී ඇති උපසිරසි BR පිටපත් සඳහා අදාළ වේ.

5,535 downloadsDownload Dude-Wheres-My-Car-2000.zip44 KB

 

https://d36zzuvfojr38z.cloudfront.net/wp_content/uploads/2016/12/UDshehan1-e1480895738302.png මේ ලබා දී ඇති සිංහල උපසිරැසි පිළිබද “UD Shehan” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-12-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.