Firebreather (2010) | ගිනි පිඹින්නා…

අද මම ඔයාලට දෙන්නේ 3D action film. එකක් මේකෙ තියෙන අමුතු ගතිය නිසාම තමා දෙන්න හිතුනේ. මේක tv series එකක තිබ්බ එකක්. ජනප්‍රියත්වය නිසාම බයිස්කොප් එකකුත් හදල.

කතාව කෙටියෙන් කියන්නම්. මොකද 3D film වල තියෙන දේ හරි සරලයි. පොඩි අයට තේරැම් ගන්න පුලුවන් විදිහටනේ හදන්නෙ. මේකයි කතාව, මේ කතා කාලයේ මිනිස්සුයි අමුතු මෘගයොයි(Kaiju) අතර දරැණු සටන් තිබ්බ කාලයක්. දවසක් මාගරට් කියන කාන්තාවකුයි බ්ලොක් කියන මෘගයකුයි අතර හාද කමක් ඇති වෙනවා. ටිකක් අමුතුයි නේද? මීටර 120 උස මෘගයෙක් එක්ක හාද වුනා කිවුවහම…කොහොමින් හරි මේ ගොල්ලන්ට ලමයෙකුත් ලැබෙනවා. එයා තමා දුන්කන්. අවුරැදු 16 කට පස්සේ අම්මයි පුතයි වෙන පළාතකට යනවා. මේ පැත්තෙ පාසලකට දුන්කන්ට යන්න වුනාට එයානම් එච්චර ඒකට කැමති නෑ. මොකො දන්නවද? මෙයාගේ හම තැඹිළි පාට නිසා. හරියට ගින්දර වගේ. මෙන්න මෙතනදි තමා පිරිමි කන ජාතිය එන්නේ…සතෙක් නෙමේ කෙල්ලො කෙල්ලො… 😀 ජෙනා කියන ගෑණු ළමයට දුන්කන්ගෙ හිත යනවා. මොනවා කරන්නද හැම කතාවෙම වගේ ප්‍රබල දුෂ්ටයෙකුත් මේකෙ ඉන්නවා එයා තමා ට්‍රෝයි.

දවසක් Bio class එකෙදි දුන්කන් දකිනවා පුංචි Kaiju කෙනෙක්. දුන්කන් මේක එයාගේ යාලුවො දෙන්නට පෙන්නනවා. එයාල තමා කෙනී සහ ඉසබෙල්. කොහොමින් හරි දුන්කන්ට ට්‍රෝයිගෙ කරදරනම් ඉවරයන් නෑ. දවසක් පාටි එකකට ගිහින් එද්දි ඉසබෙල්ටයි දුන්කන්ටයි මාර කරදරයකට මුහුන දෙන්න වෙනවා. මෙන්න මෙතනදි දුන්කන්ට තමාගෙ තාත්තව දකින්න හම්බෙන්නෙ…..

තව කිවුවොත් එහෙම මේක බාන්නෙ නැතුව කතාව කියවලා ඉදියි කට්ටියම. බාලම බලන්නකො. අදහස් ටිකකුත් දාන්න. දුන්කන් ගින්දර විදින හැටි බලන්නකො. නිකම්ම නෙමේ, පියාඹ පියාඹ ගිනි පිඹින්නෙ. ලේසි නෑ නේද?

ලිපිය – එරන්ද චානක හේරත්