Kaminey: The Scoundrels (2009) | පාහර අශ්වයා… [සිංහල උපසිරසි සමඟ]

කුඩා කල දහම් පාසලේදී, එහෙම නැත්නම් පාසලේදී අපි අහලා තියෙනවා එක ජාතක කතාවක්, එකම කූඩුවක හිටපු ගිරා පැටවුන් දෙන්නෙකුට මහා සුළි කුණාටුවක් හේතුවෙන් තමන් හිටපු කූඩුවෙන් දෙපැත්තකට වෙන් වෙන්න සිදු වෙනවා. සුළි සුළඟට ගසාගෙන යන මේ පැටවු දෙන්නාගෙන් එක්කෙනෙක් වැටෙන්නේ තාපසාරාමයකට, ඒ වගේම අනෙක් ගිරා පැටියා වැටෙන්නේ සොරු රැළකගේ වාස භූමියකට. තාපසාරාමයට වැටුණු ගිරවා යහපත් වචන කතා කරන්න හුරු වෙද්දී, සොරු රැළ අතරේ හැදී වැඩුණු ගිරවා පරුෂ වචන ආදී වැරදි ක්‍රියාවන්ට හුරු වෙනවා. හරි ලස්සන ආදර්ශමත් කතාවක්. ජාතක කථාවේ නම සත්ති කුම්භ ජාතකය. හැබැයි අද මම ගෙනාවේ මේ ජාතක කතාව සම්බන්ධ චිත්‍රපටියක් නම් නෙවෙයි ඒත් මට මේ චිත්‍රපටිය බලද්දී ඔය ජාතක කතාව මතක් වුණා. ඒකේ කථාවත් යම්තාක් දුරකට චිත්‍රපටියේ කතාවට ගැලපෙන නිසා.

චාලී සහ ගුඩ්ඩූ කියන්නේ සම නිවුන් සහෝදරයෝ දෙන්නෙක්. චාලීට “ස” ශබ්දය උච්චාරණය වෙන්නේ “ෆ” විදියට. ඒ වගේම ගුඩ්ඩූ ගොතයි. මුම්බායේ මුඩුක්කු වල ජීවත්වන මේ දෙන්නගේ එකම සෙවණ තමන්ගේ තාත්තා. නමුත් තාත්තගේ අභාවයත් සමඟම මේ දෙන්නා වෙන් වෙනවා. එතනින් පස්සේ දෙන්නාගේ ජීවිත වෙනස් වෙන්නේ අහසයි පොළවයි වගේ. තුරඟ තරඟ ඔට්ටු අල්ලන තැරැව්කාරයෙක් බවට පත්වෙන චාලීගේ සිහිනය වෙන්නේ තමන්ගේ කියලා ඔට්ටු අල්ලන කවුළුවක් පටන් ගන්න එක. ජීවිතේ දිනන්න පුළුවන් මාර්ග දෙකක් චාලී දන්නවා. එකක් තමයි කෙටි පාරකින් යන එක. අනික තමයි කෙටිම කෙටි පාරකින් යන එක. ඒත් ගුඩ්ඩු බොහෝම අමාරුවෙන් ඉගෙන ගෙන සමාජයේ යහපත් පුද්ගලයෙක් වෙන්න වෙර දරනවා. ඒ අතරේ තමයි ගුඩ්ඩුට ස්වීටිව මුණ ගැහෙන්නේ. කොහොමහරි මේ දෙන්නාගේ සම්බන්දෙත් ස්වීටි ගැබ්බර වෙන තැනටම දුරදිග යනවා. ස්වීටිගේ අයියා. මැර බලයෙන් දේශපාලනයට පිවිසෙන චණ්ඩියෙක්. ජීවිතේ තමන්ගේ සිහින සැබෑ කරගන්න කෙටිම කෙටි පාරකින් යන්න හදන චාලීගේ එකම එක ක්‍රියාවක් නිසා චාලීගේ කල්ලිය. මුම්බායේ පාතාලයට සම්බන්ධ පොලීසිය, මත්ද්‍රව්‍ය නාශක අංශය, අන්තර්ජාතික මත්ද්‍රව්‍ය කල්ලියක්, හා ස්වීටිගේ අයියා අතර ඇතිවෙනවා මාරන්තික ගැටුමක්. ඒක මොන වගේද කොහොමද වෙන්නේ කියලා හැමෝම බලන්න එහෙනම්.

2009 වසරේ අගෝස්තු 14 වෙනිදා තිරගත වුණු මෙම චිත්‍රපටියේ ප්‍රධාන චරිත වන චාලී/ගුඩ්ඩූ සහ ස්වීටි කියන චරිත වලට රංගනයෙන් දායක වී ඇත්තේ ජනප්‍රිය නළු Shahid Kapoor සහ Priyanka Chopra. IMDb අගය 7.5/10 ක් ලබාගෙන ඇති මේ චිත්‍රපටියේ අධ්‍යක්ෂණය Vishal Bharadwaj ගෙන්. සාමාන්‍යය බොලිවුඩ් චිත්‍රපටවල ඇති වීරයා දුෂ්ටයා කතා ශෛලියෙන් ඔබ්බට ගිය මේ කතාව සමාජ ප්‍රශ්නයක් නිර්මාණාත්මකව ඉදිරිපත් කරන්නට ගත් උත්සාහයක් කියලා මට කියන්න පුළුවන්. Vishal Bharadwaj ගේ සංගීතයෙන්ම රසගැන්වුණු මේ චිත්‍රපටියේ අවසාන ගීතය ගායනා කරන්නේ මගේ ආසම බොලිවුඩ් ගායක Mohit Chauhan විසින්.

ඉතින් ඒකත් රස විඳලා, ඔයාලගේ අදහසකුත් එක්කරන්න කියලා ඉල්ලන ගමන් මම සමුගන්නවා. සියලු දෙනාටම ජයම වේවා…! එලස්ස්ස්…

 

 

697 MB කොපිය මෙතනින් බාගන්න

641B53B6F8A09678799423F1DF9000521F827F3E ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

4,748 downloadsDownload Kaminey.2009.baiscopelk.zip43 KB

 

https://d36zzuvfojr38z.cloudfront.net/wp_content/uploads/2013/12/srimal.jpg මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.