Mrs. Serial Killer (2020) Sinhala Subtitles | වියරු දාම ඝාතන පෙලක තවත් පැතිකඩක්! [සිංහල උපසිරැසි ]

“කසාද ජීවිතේ කියෙන්නෙ හරියට දැලි පිහියෙන් කිරි කනව වගේ දෙයක්.! අපේ වැඩිහිටියන් කියන්නෙ එහෙම. ජීවිතයේ කාලයක් ආදරේ කරපු කෙනා පිටුපාල යද්දි දෙමව්පියන් තමන්ට ජෝඩු කරන කෙනාව කසාද බදින්න බොහොමයක් කාන්තාවට අද සිද්ධ වෙනවා.. එහෙම උනාට පස්සෙ ටික කාලයක් ගිහින් කසාද බැදපු මනුස්සයා තමන්ගේ ජීවිතේ කරගන්නවා. ශෝනා කියන්නෙත් අන්න ඒ වගේ කෙනෙක්. තමන්ගෙ පෙම්වතා තමන්ට පිටුපාල යද්දි, කසාද ජීවිතේට එන්න බෑ කියද්දි, අම්මලා තාත්තලා කියන දේට හා කියන්න සිද්ධ වෙනවා. එතකොට නිරායාසයෙන්ම කසාද බදින මනුස්සයා තමන්ගේ ජීවිතේ වෙනවා.. ඒත් එක පාරටම ඒ කෙනා අපරාදකාරයෙක් කියල මිනිස්සු කියන්න ගත්තොත් ? එයාව සමාජයෙන් පිලිකුල් කරන්න ගත්තොත්? ඒ කෙනා වෙනුවෙන් තමන්ගෙ ජීවිතේ වෙනුවෙන් ඔයා ඕනෙම දෙයක් කරන්නෙ නැද්ද..? ඕනෙම දෙයක්…? මරන්න උනත්..? මැරෙන්න උනත්.? ශෝනා කියන්නෙ අන්න ඒ වගේ කෙනෙක්..! නැතිවෙන්න හදන තමන්ගෙ කසාද ජීවිතේ රැකගන්න හදන කෙනෙක්. තමන්ගෙ ස්වාමි පුරුෂයා නිර්දෝශීයි කියල ඔප්පු කරන්න හදන කෙනෙක්…

 

මේකත් Netflix ලා ගහපු ෆිල්ම් එකක්. ගොඩක් අය බලාපොරොත්තු තියාගත්තු ෆිල්ම් එකක්. අපේ සුරූපී ජැකලීන් නගා ඉන්න ෆිල්ම් එකක්.! එහෙනම් අනිවාර්‍යෙන්ම බලනව නේද.? Netflix ඉන්දියන් ආක්‍රමණය ගැන මම අමුතුවෙන් කියන්න ඕනෙ නෑ නේද? ඒත් මේ ෆිල්ම් එක ගැන පොඩ්ඩක් විස්තර කරන්න ඕනෙ කියල හිතුනා.. අපේ ජිවිතේ වෙන සමහර සිද්ධි තියෙනව ඒක අපේ ජීවිතේ පුරාම බැදිල තියෙනව. සමහර අය ඒ දේවල් ආයෙ වෙනවට බයයි. සමහර අය ඒ දේවල් වෙන අයට වෙනවට බයයි. තවත් සමහරක් ඒ දේවල් හිතන්නත් බයයි.ඉතින් ඔයාගෙ ජීවිතේ අසරණ කරපු, ඔයාව තනිකරපු දෙයක් වෙන අයට වෙනවට ඔයා කැමති ද? එහෙම නැත්නම් ඔයා මොනවද ඒ වෙච්ච දේට  කරන්නෙ? මේ අවුරුද්ද හරිම අමුතු අවුරුද්දක් අපට විතරක් නෙවෙයි මුළු ලෝකයටම, එහෙම කියන්න හේතුව මොකක්ද කියලා ඔබ දැනටමත් දන්නවා ඇතිනේ.?

 

ඉතින් ලොකයක් එකතැන නවත්තපු ලෝකයක් එක තැනකටම හිරකරපු ලෝකයේ හැමදෙයක්ම ප්‍රමාද කරපු කාලේ සිනමා කර්මාන්තයට මොකද උනේ කියලා අමුතුවෙන් කියන්න ඕන නෑනේ.! ඉතින් ඒ වගේ වෙලාවක Netflix ලා විසින් ඉදිරිපත් කරපු සිනමා නිර්මාණයක් තමයි Mrs Serial Killer 2020 කියන්නේ, crime thriller වර්ගීකරණයට අයති වෙන මේ සිනමා පටය නිෂ්පාදනය කර තිබෙන්නෙ  බොලිවුඩ් සිනමාවේ විශේෂ කෙනෙක් වෙන Farah Khan විසින් වන අතර මෙහි අධ්‍යක්ෂණය ඇයගේ සැමියා වන Shirish Kunder විසින් සිදුකර තිබෙනවා.බොලිවුඩ් සිනමාවේ සුපිරි නළු නිලි දෙපලක් වන Manoj Bajpayee සමඟින් ලාංකේය සම්භවයක් තිබෙන නිලියක වන Jacqueline Fernandez විසින් මෙහි ප්‍රධාන චරිතයන් රඟදක්වනවා.

 

එසේ නම් වැඩි කතාවක් නැතුවම මේ චිත්‍රපටය සඳහා සිංහල උපසිරැසි නිර්මාණය කිරිමට වෙන් කර දුන් අප වෙබ් අඩවියේ සංස්කාරකවරයෙක් වන ආසිරි ප්‍රියන්ත සොයුරාට විශේෂ ස්තුතිය පිරිමන අතරම, මේ දිනවල පවතින ව්‍යසනකාරි වසංගත තත්වයෙන් ඔබත් ආරක්ෂා වී රටත් ආරක්ෂා කරගන්නට රජය සහ සෞඛ්‍ය සේවා මෙන්ම ආරක්ෂක අංශයන් වෙතින් ලබාදී තිබෙන උපදෙස් පිලිපදිමින් හැකිතාක් නිවෙස්වලට වී සිටින ලෙසටත් බයිස්කෝප් සිංහලෙන් කණ්ඩායම වෙනුවෙන් බයිස්කෝප් සිංහලෙන් ප්‍රේක්ෂක ඔබ සැමට මතක් කර සිටිනවා.

 

ඔබ  සැමට කඳසුරිඳු පිහිටයි.!

 

සැලකිය යුතු – මෙම උපසිරැසි සඳහා ගැලපෙන පිටපත් බයිස්කෝප් ඩවන්ලෝඩ්ස් අඩවියෙන්ම ලබාගන්න. අන්තර්ජාලයෙ ඇති අනිකුත් Multi Audio පිටපත් සඳහා උපසිරැසිය නිවැරදිව සහය දැක්වීමට නම් (Hin) හින්දි භාෂාව තෝරාගෙන සිදුවන අපහසුතාවය වලක්වා ගන්න.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි WEB  පිටපත් සඳහා අදාළ වේ.

25,140 downloadsDownload Mrs.Serial-Killer2020.zip42 KB

මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2015/10/16
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.