No Strings Attached (2011) with Sinhala Subtitles | නොබැඳි සෙනෙහස [සිංහල උපසිරසි සමඟ]

මේක මගේ තෙවෙනි උපසිරසි නිර්මාණය. මීට කලින් කරපු උපසිරසි 2ම කලින් සයිට් එකේ තිබුණු ෆිල්ම්ස් 2කට කරපු හින්දා මට හිතුන මේ පාර සයිට් එකේ නැති අලුත් ෆිල්ම් එකකට උපසිරසි දෙන්න. මේක 2011 වසරෙ තිරගත වෙච්ච චිත්‍රපටියක්. අයිවන් රිට්මන් විසින් අධ්‍යක්ෂනය කරපු මේ චිත්‍රපටයේ ප්‍රධාන චරිත මවන්නෙ ඉතාමත් ජනප්‍රිය නලුනිළි දෙපලක් වන නැටලි පෝර්ට්මන් සහ ඇෂ්ටන් කට්චර් විසින්. මෙම චිත්‍රපටියට පාදක වෙලා තියෙන්නෙ ඇඩම් සහ එමා කියන දෙන්නා අතර තියෙන අමුතු සම්බන්ධයක් ගැන. ඒක හුදෙක්ම ලිංගිකත්වය මත පදනම් වෙච්ච එකක්.

මේ චිත්‍රපටිය සරල ආදර කතාවක් වගේ පෙනුණට හුදෙක් ලිංගික සම්බන්ධතාවකට පමණක් සීමාවුණු නූතන ආදර සම්බන්ධතා ගැනත්, ඒ නිසා පවුල් සංස්ථාවෙ බිඳවැටීමත්, ඒනිසා දරුවන්ට මුහුණ දෙන්නට වෙන ගැටලු ගැනත් ඉතා සියුම් විග්‍රහයක් මෙහි අඩංගු වෙනවා. මෙම චිත්‍රපටියට වැයවූ මුදල ඩොලර් මිලියන 25ක්. 2011 ජනවාරි 21 ලොවපුරා ප්‍රදර්ශනය ඇරැඹුණු මෙම චිත්‍රපටිය ඩොලර් මිලියන 20.3ක ආදායම් උපයමින් බොක්ස් ඔෆීස් ලැයිස්තුවේ ප්‍රථම ස්ථානයට පත්වුණා. මෙම චිත්‍රපටිය ඉපැයූ මුලු මුදල ඩොලර් මිලියන 149ක්. IMDb දර්ශකයේ 6.2ක අගයක් ලබාගත් මෙම චිත්‍රපටය මිනිත්තු 108ක ධාවන කාලයකින් යුක්තයි.

මේ චිත්‍රපටියේ අඩංගු සමහර දෙබස් ප්‍රාදේශීය භාවිතාවන් නිසා ඒවා එලෙසම සිංහල පරිවර්තනය කළ විට තේරුම් ගන්න අමාරු හින්දා මම කථාවෙ ගලායාමට බාධාවක් නොවෙන විදිහට ඒවා සමහරක් වෙනස් කළා. ඒවගේම මේක අඩංගු වෙච්ච අසභ්‍ය වචන පුලුවන් තරම් සංශෝධනය කළා. මෙහි අඩංගු අසභ්‍ය වචන සහ ලිංගික දර්ශන නිසා මේ චිත්‍රපටිය වයස අවුරුදු 17ට වැඩි අයට පමණක් සුදුසු බවට වර්ගීකරණය කරල තියෙනවා. කලින් මම දීපු උපසිරසි බාගත කරගත් අයටත් විශේෂයෙන්ම ඒවට කමෙන්ට් කරපු අයටත් ගොඩක් ස්තූතියි. ඒ අදහස් නිසා තමයි තවත් උපසිරසියක් කරන්න ආසාවක් ඇති වෙන්නෙ. මේ උපසිරසිය ගැනත් ඔයාලගෙ අදහස් දන්වන්න. තවත් උපසිරසියකින් හමුවෙමු. ඔබට ජය!

 

 

 

Due to copyright issues, we do not provide any torrent links.

No Strings Attached (2011) 720p BrRip x264 750MB YIFY

මෙම ලබා දී ඇති උපසිරසි ඉහත පිටපත සඳහා අදාළ වේ.

3,930 downloadsDownload No-Strings-Attached-2011.zip112 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “ඉසුරු අකලංක ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.