Parkland (2013) | ලොවම කැළඹූ දවසක මතකය [සිංහල උපසිරැසි සමඟ]

1963 නොවැම්බර් 22 දා පස්වරු 12.38ට වෙඩි තැබීමකට ලක් වූ පුද්ගලයෙක් ඩලාස් හි,පාක්ලන්ඩ් අනුස්මරණ රෝහල වෙත කඩිනමින් ‍රැගෙන එනු ලැබීය. ඔහුගේ නම වුනේ ජනාධිපති ජෝන් එෆ්. කෙනඩි. ඔහු තමයි එතෙක් මෙතෙක් ඇමරිකානුවන් වඩාත් ආදරය කළ සහ එරට පත් වූ ලාබාලතම ජනාධිපතිවරයා. ඔහු සහ ඔහුගේ බිරිඳ වූ ජැකී කෙනඩි එකල ලොව සිටි ජනප්‍රියම යුවල ලෙසයි පිලිගැනෙන්නේ. ජනපතිවරයාට වෙඩි තැබීමෙන් සුලු මොහොතකට පසු ලී හාවි ඔස්වල්ඩ් නැමැත්තා අත් අඩංගුවට පත් වෙන්නේ පොලිස් නිළධාරියෙකුට වෙඩි තැබීම සම්බන්ධයෙන්.

මොහු ජනාධිපතිවරයාට වෙඩි තැබූ පුද්ගලයාම බව පොලිසිය සොයා ගන්නේ ඊට පස්සෙ. කෙසේ වෙතත් ඉන් දින දෙකකට පසු ඩලාස් පොලිස් ස්ථානයෙන් ඔහුව පිටතට ගෙනියන මොහොතේ, ජැක් රූබි නැමැති කැසිනෝ හල් හිමියා ඔස්වල්ඩ්ට වෙඩි තබා ඝාතනය කරන්නේ ජනපති ඝාතනය පිළිබඳ අභිරහස් ‍රැසක් ඉතිරි කරමින්. ඉන් පසු ඔස්වල්ඩ්වද ‍රැගෙන එනු ලබන්නේ පාක්ලන්ඩ් රෝහලටමයි. එහිදී ඔහුට ප්‍රතිකාර කිරීමට සිදු වන්නේද පෙර දිනක ජනපතිවරයාට ප්‍රතිකාර කළ වෛද්‍ය කණ්ඩායමටම වීම දෛවෝපගත සිද්ධියක් වැනිය. ඉතා මෑතක කළ සමීක්ෂණ වලින් පවා පෙන්නුම් කරන්නේ ඇමරිකානු ජනතාවගෙන් බහුතරයක් මෙම සිද්ධිය පි‍ටුපස ඔස්වල්ඩ්ට අමතරව වෙනත් බලගතු කුමන්ත්‍රණකාරින් පිරිසක් සිටින බව විශ්වාස කරන බවයි.

Parkland චිත්‍රපටයෙන් ජනපති කෙනඩි ඝාතනය සිදු වූ දින සහ ඉන්පසු එලඹි දින කිහිපය තුල ඩලාස් නගරය තුල ඇති වූ ව්‍යාකූල තත්වයේ මින් පෙර නොදු‍ටු සහ නොකී සිද්ධි මාලාවක් ඉතාම උද්වේගකර ආකාරයකින් ඉදිරිපත් කෙරෙනවා. මෙහිදී විවිධ පාර්ශවයන්ට අයත් වූ සාමාන්‍ය මිනිසුන් පිරිසක්, මින් පෙර තමන් අත් නොවිඳි අසාමාන්‍ය තත්වයන් තුල ක්‍රියා කරන ආකාරය මනාව පෙන්නුම් කරනවා. පාක්ලන්ඩ් රෝහලේ සිටින ලාබාල වෛද්‍ය වරුන් සහ හෙදියන්, ජනාධිපති ආරක්ෂක අංශයේ නිළධාරීන්, මෙම සිද්ධිය රූ ගත කළ ආධුනික කැමරා ශිල්පියා, ඩලාස් FBI කාර්යාලයේ නිළධාරීන්, ජනපති ඝාතකයා ලෙස හසු වන ලී හාවි ඔස්වල්ඩ්ගේ සොහොයුරා මෙම පිරිසට ඇතුලත්.

මෙම සිද්ධියේ 50 වැනි සංවත්වරය යෙදී ඇති මෙම වසරේ නිකුත් වූ Parkland චිත්‍රපටය කෙනඩි ඝාතනය පිළිබඳව උනන්දුවක් දක්වන්නන්ට ලැබුනු තිලිණයක් වැනිය.

 

 

700 MB (BR) කොපිය මෙතනින් බාගන්න 24FBDE05FF7CD8FD34298340CB416AED8F6BE06D 750 MB (BR) කොපිය මෙතනින් බාගන්න 40B377CC384854494110EC6FEECEBFB1CDA3C9B4 1.44 GB (BR) කොපිය මෙතනින් බාගන්න A7932CE8B9DAC578A8DBF0B3E5C2346EE418BD62 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

1,381 downloadsDownload Parkland-2013-www.baiscopelk.com-.zip106 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “rum2550” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.