Salaam Venky (2022) Sinhala subtitles | සුබ ගමන් වෙන්කි! [සිංහල උපසිරසි]

අළුත්ම අළුත් චිත්‍රපටයක් අරගෙන තමා ආවේ… සුපුරුදු පරිදි හින්දි චිත්‍රපටයක්, චිත්‍රපටයේ නම තමා Salaam Venky, මේ චිත්‍රපටය තිරගත වුණේ ගිය වසරේ අවසන් මාසයේ… අද තමා සී5 නාලිකාව ඔස්සේ OTT අවකාශයට මුදාහැරුණේ.

චිත්‍රපටය අධ්‍යක්ෂණය කරන්නේ ප්‍රවීණ ඉන්දීය නිළි රේවතී විසින්. චිත්‍රපටයේ ප්‍රධාන රංගනයෙන් දායක වෙන්නේ කාජල් සමඟ විශාල් ජේත්වා… කාජල් ගැන නම් අමුතුවෙන් හඳුන්වා දෙන්න අවශ්‍යය නැහැ… විශාල් ජේත්වා ගැන කිව්වොත් රාණි එක්ක හතුරා විදිහට මර්දානි 2 චිත්‍රපටයේ හරි හරියට රඟපෑවේ විශාල් තමා. ඔවුන් දෙදෙනාට අමතරව රාහුල් බෝස්, ප්‍රකාශ් රාජ්, ප්‍රියාමනී, රජීව් කන්දෙල්වාල්, අහනා කුමාර් සමඟ අමීර් ඛාන් සුවිශේෂී රංගනයකින් දායක වෙනවා. කෞසර් මුනී තිරපිටපත ලිවීමෙන් දායක වෙනවා.

කතාව ගැන කිව්වොත් මේක ඉන්දියාවේ වුණු සත්‍යය කතාවක්, කොලවෙන්නු ක්‍රිශ්ණන් සහ ඔහුගේ මව වුණු කේ. සුජාතාගේ ජීවිත අන්දරය ඇසුරින් ශ්‍රීකාන්ත් මූර්ති විසින් ලියැවුණු The Last Hurrah කෘතිය පාදක කරගෙන තමා මේ චිත්‍රපටය නිපදවෙන්නේ.

වෙන්කටේෂ් ක්‍රිශ්ණන් නොහොත් වෙන්කි ඔහුට වැළඳිලා තියෙන්නේ දුර්ලභ රෝගයක්… ඒ රෝගය වැළඳුණාම ක්‍රම ක්‍රමයෙන් මාංශපේෂීන් ක්‍රියා කරන එක නවතිනවා… ඉතිං වෛද්‍යවරුන්ගේ අනාවැකිය වෙන්නේ මේ රෝගය වැළඳුණු අයට වයස අවුරුදු 17, 18ට එන එකත් අමාරු දෙයක් බව. නමුත් වෙන්කිගේ අම්මා සුජාතාගේ අප්‍රතිහත ධෛර්‍යය නිසා වෙන්කි අවුරුදු 24ක් වෙනකන් ජීවත් වෙනවා… ඒත් දැන් වෙන්කිට ඕනේ අනික් අයට යහපතක් වෙනගමන් මේ ජීවිතයට සමු දෙන්න…

මේක සංවේදී කතා පුවතක්… කාජල්ටම ලියැවුණු පිටපතක්… කාජල් වගේම විශාල් ජේත්වාගේ රංගනය විශිෂ්ටයි… මේක ඔබ අනිවාර්‍යයෙන් නැරඹිය යුතු චිත්‍රපටයක් ලෙස නම් කරන ගමන්… නැවතත් සබක් සමඟ හමුවන බලාපොරොත්තුවෙන් සමුගන්නවා.. එහෙනම් ගිහින් එන්නම්.

මේ චිත්‍රපටයේ ලයින් එහෙම ගහලා දුන්නු ෆීනික්ස් උතුමාණන්ව ආදරයෙන් මතක් කරනවා.

 

“හම්හේ රහී ප්‍යාර් කේ, ෆීර් මිලේන්ගේ, චල්තේ චල්තේ”

 

 

 

Due to copyright issues, we no longer provide any torrent links.

මෙම ලබා දී ඇති SRT උපසිරසි HQ HD පිටපත් සඳහා ගැළපේ.

4,648 downloadsDownload Salaam-Venky-2022.zip52 KB

මේ ලබා දී ඇති සිංහල උපසිරැසි පිළිබද “සිසිත සමරතුංග (සිසියා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2013/06/07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.