The Awakening (2011) | ආදරයක්, සෙනෙහසක් ලැබීමට වරම් නොමැති ලොවක් ! [සිංහල උපසිරැසි සමඟ]

කොහොමද යාළුවනේ ඉතින් ඔයාලට? ඔන්න ගියපාර චිත්‍රපටියේදි වුණු පොරොන්දුවේ විදිහටම මම තවත් හොල්මන් චිත්‍රපටියකට උපසිරැසි අරගෙන ආවා. තෝරගත්ත චිත්‍රපටිය ගැන අමුතුවෙන්ම කිව යුතු නැහැයි කියලයි මගේ අදහස. මේක උපසිරැසියට දාන්න බලද්දි මම පුදුම වුණා මේ වගේ හොඳ චිත්‍රපටියකට තාමත් බයිස්කෝප් එකේ උපසිරැසි ලැබිලා නැහැ කියලා දැනගත්තහම. චිත්‍රපටියට IMDb දර්ශකයේ ලැබිල තියෙන අගය 6.5/10 ක්. චිත්‍රපටිය අධ්‍යක්ෂණය කරලා තියෙන්නේ Nick Murphy වන අතර Stephen Volk සහ Nick Murphy චිත්‍රපටිය රචනා කළ රචකයන් හැටියට ගන්න පුළුවන්. චිත්‍රපටිය නිකුත් වෙලා තියෙන්නේ 2011 නොවැම්බර් මස දී වන අතර මිනිත්තු 107 දිව යන බවද තවදුරටත් කිව හැකි. විශේෂයෙන් චිත්‍රපටිය සඳහා නිෂ්පාදනයෙන් BBC Films (BBC චිත්‍රපටි සමාඟම) දායක වෙලා තියෙනවා. චිත්‍රපටියේ ප්‍රධාන චරිත ලෙස ගත්තොත් Rebecca Hall (කැත්කර්ට් මහත්මිය ලෙස), Isaac Hempstead Wright (පුංචි ටොම් ලෙස) හා Imelda Staunton (පාසැලේ පාලිකාව ලෙස) චිත්‍රපටය පුරා සුවිශේෂී රංගනයක නිරත වෙනවා.

මම ඉස්සරලා කිව්වා මේක හොල්මන් චිත්‍රපටියක් කියලා. ඒත් චිත්‍රපටිය දිහා ගැඹුරින් අධ්‍යනය කරලා බැලුවොතින් හොල්මන් වලට වඩා දෙයක් තියෙනවා කියලා කියන එක මෙතනදි ඉතාම වැදගත්. මගේ අදහසට අනුව, විශේෂයෙන් කෙනෙක් තවත් කෙනෙක්ට දක්වන ආදරය, සෙනෙහස මේ ලෝකය තියෙන තාක් කල් නොවෙනස් ව පවතින බව චිත්‍රපටිය අපිට ගැඹුරින් තේරුම් කරවන බව නොරහසක්. චිත්‍රපටියේ අවසානය වෙනකම් මොකද්ද මේ වෙන්නේ කියලා හරි හැටි තේරුම් ගන්න බෑ.

මුළු චිත්‍රපටියම දිවෙන්නේ අභිරහස් හොල්මන් වලින් ගහණ වූ බ්‍රිතාන්‍ය නේවාසික පිරිමි පාසලක් වටා. චිත්‍රපටිය පටන්ගන්නේ බ්‍රිතාන්‍යයේ 1921 සමයේදී. එවක දරුණු ලෙස පැවතුණු ලෝක යුද්ධය සහ අනෙත් හේතූන් බ්‍රිතාන්‍යයේ මිනිසුන්ගේ සිත් තවත් විකල් කරන්නට හේතු සාධක වුණා. මේ අතරෙදි ෆ්ලෝරන්ස් කැත්කර්ට් නමින් හොල්මන් පිළිබදව සුවශේෂී ගවේෂණයන් සිදු කරන ගැහැණියක් අපට හමුවෙනවා. මැය ඉතාම ශ්‍රේෂ්ඨ වගේම බ්‍රිතාන්‍යයේ කීර්තිමත් නමක් දරණ ගැහැණියක්. දවසක් ඇයගේ සේවය බලාපොරොත්තුවෙන් මැදි වියේ පසු වන පුද්ගලයෙක් පැමිණෙනවා. ඒ, තමන් උගන්වන නේවාසික පිරිමි පාසලක සිදු වී තිබෙන මිණීමැරීමක් සහ එහි සිදුවන යම් යම් භූත බලපෑම් පිළිබදව ප්‍රකාශ කරමින්. ඔහු ඒ බව ඔප්පු කිරීම සදහා අවැසි සාධකද රැගෙන ඒම නිසා කැත්කර්ට් මහත්මිය එම සිද්ධිය ගවේශණය කිරීම සදහා පිටත්ව යනවා.

මෙම පිරිමි පාසලේ වෝල්ටර් පෝකර් යනුවෙන් පිරිමි ළමයෙකු ඉතා බිහිසුණු ලෙස මියගොස් තිබෙනවා. නේවාසිකව සිටින ළමුන් පවසන්නේ එම සිද්ධියෙන් පසු, ඔවුන්ට යම්කිසි පිරිමි ළමයෙකුගේ හොල්මනක් පාසල අවට සැරිසරන බව තමන් දැකගන්නට තිබෙන බවයි. කැත්කර්ට් මහත්මිය ඉතා ඉක්මණින් තම පරීක්ෂණ කටයුතු ආරම්භ කරනවා. නමුත්, මේ පිරිමි ළමයාත්, කැත්කර්ට් මහත්මිය අතර කුමක් හෝ සබඳකමක් තිබෙන බවට චිත්‍රපටයේ නොයෙකුත් දර්ශණ වලින් ප්‍රේක්ෂකයාට ඇඟවීමට සලස්වනවා. නමුත්, කුමක් විය හැකිද එය? මේ මිය ගිය පිරිමි ළමයා කාගේ කවුද? කැත්කර්ට් මහත්මියට ඒ අභිරහස සොයාගත හැකිවේවිද?

මම ඉස්සරලත් කීවා වගේ හොල්මන් වලට වඩා මේකේ ගැඹුරින් තියෙන අදහස ඔයාලා තේරුම් ගන්න උත්සහ කළොත් මට හිතෙනවා ඔයා මේක බලපු සාර්ථක ප්‍රේක්ෂකයෙක් වෙයි කියලා. ඉතින් අදට එහෙනම් මම නවතිනවා. මම බලාපොරොත්තු වෙනවා ඔයාගේ වටිනා කියන අදහස. නැවත හමුවෙමු. ජයෙන් ජය!! 🙂 🙂 😀

 

 

700 MB කොපිය මෙතනින් බාගන්න

7B926E3DC975532F113F0D303AA4C3D49E4B53A9

1.65 GB කොපිය මෙතනින් බාගන්න

053101DE41667F6DBBD48D662D8E66EDC786B6E2 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

1,819 downloadsDownload The-Awakening-2011.zip68 KB

 

https://d36zzuvfojr38z.cloudfront.net/wp_content/uploads/2014/03/YasH.jpg මේ ලබා දී ඇති සිංහල උපසිරැසි පිළිබද “යස්මික සෞභාග්‍යය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.