The Fencer (2015) with Sinhala Subtitles | ජීවිතයේ අරුත දරුවන් තුලින් සොයාගන්නා තරුණයෙකුගේ කතාව… [සිංහල උපසිරසි සමඟ]

ඔන්න අද අරගෙන ආව රුසියානු සිනමාපටයක්. හැමදාම වගේ හොයල දුන්නෙ නම් සමීර චතුරංග සහෝදරය තමයි ඉතිං. IMDb සිනමා දර්ශකයේ ඉතිහාස, නාට්‍ය, ක්‍රීඩා ලෙස වර්ගීකරණය කර ඇති මෙම රුසියානු සිනමාපටය 2015 මාර්තු මාසෙ 13 වෙනිද ෆින්ලන්තයේදි තමයි තිරගත වීම ආරම්භ කරන්නෙ. පැය 1යි මිනිත්තු 33ක් පුරා දිවෙන මෙම සලරුව Klaus Härö නම් ෆින්ලන්ත අධ්‍යක්ෂක වරයාගේ අධ්‍යක්ෂණයක්. එන්ඩෙල් ලෙනිස් නමින් Märt Avandi මෙහි ප්‍රධාන නළුවාගේ චරිතය නිරූපණය කරනවා. මේ වන විට IMDb දර්ශකයේ 7.4/10 ක අගයක් ලබා ගැනීමටත් මෙම සිනමාපටයට හැකියාව ලැබී තිබෙනවා.

1950 දශකයේදී එක් රුසියානු තරුණයෙක් රුසියාවේ හාප්සලූ නම් පිටිසරබද කුඩා නගරයට දුම්රියෙන් ගොඩබහින්නේ නුපුහුණු ගුරුවරයෙක් ලෙසයි. මෙම ගම්බද නගරයේ ඇති ද්විතීයික පාසලේ ක්‍රීඩා ගුරුවරයා ලෙස ඔහු පත්වීම ලබනවා. එහෙත් ලමයින්ට ක්‍රීඩාව ඉගැන්වීමට උපකරණ කිසිවක් මේ පාසල තුලින් නම් ඔහුට සොයා ගැනීමට නොහැකි වනවා. තිබුන හිම මත ලිස්සන පුවරු ටිකත් විදුහල්පති තුමා විසින් හමුදා කඳවුරකට ලබා දෙනවා. ඔහු හොඳ කඩු හරඹ ක්‍රීඩකයෙක්. රටේ නමගිය ක්‍රීඩා සමාජයකත් කඩු හරඹ ක්‍රීඩකයෙක් ලෙස ක්‍රීඩා කල කෙනෙක්. ඉතිං ඔහුට ක්‍රීඩා උපකරණයක් ලෙස ඉතිරිව ඇත්තේ ඔහු පැමිණෙන විට අරගෙන ආව ඔහු කඩු හරඹ ක්‍රීඩා කිරීමට යොදාගත් උපකරණ පමණයි. තමන් හොඳින් දන්නා මේ ක්‍රීඩාව ලමයින්ට උගන්වන්න ඔහු පටන් ගන්නේ අවටින් එකතු කරගත් කෝටු කෑලි ටිකක් උපයෝගී කරගනිමින්. ළමයිනුත් මේ ක්‍රීඩාව ඉගෙනීමට පැමිණෙන්නේ ඉතා කැමැත්තෙන්. නමුත් පාසලේ විදුහල්පති තුමා මේකට එච්චර කැමැත්තක් දක්වන්නෙ නෑ. ඔහු ඇවිල්ල දේශපලකයොන්ගෙ ගොට්ටෙක්. ඉතිං ඔහු මේ තරුණ ගුරුවරයාට හැකි සෑම අයුරින් වල කැපීමෙහි නිරත වෙන අතරේ ඔහුට මේ තරුණයා නගරයක මෙතරම් ගම්බද පලාතකට එන්න හේතුව ගැන සැකයක් මතුවෙනවා. ඉතිං ඔහු මේ තරුණයා ගැන ඔහුගේ අතීතය ගැන හොයන්න ගන්නවා.

ආවෙ කුමන හේතුවක් මත උවත් කෙටි කලකින්ම මේ තරුණයා මේ දරුවන්ට ලෙන්ගතු ගුරුවරයෙක් බවට පත් වනවා මෙන්ම පාසලේ ගුරුවරියක් සමඟද හාද වෙනවා. තමන්ට මෙහි රැඳී සිටීම අනතුරුදායක බව දැන දැනත් ඔහු මේ ගම්බද නගරයේම රැඳෙනවා. මේ අතරෙ ලෙනින්ග්‍රාඩ් නම් නගරයේ සමස්ත කඩු හරඹ තරඟාවලියක් පැවැත්වෙන බව ලමයින්ට ආරංචි වෙනවා. රාජ්‍ය මට්ටමින් පවත්වන මේ තරඟාවලියට රටේ සෑම පලාතකින්ම වගේ කණ්ඩායම් පැමිණෙනවා. මේ තරඟාවලියට සහභාගී වෙන්න ගුරුතුමා මුලින් අකමැති උනත් ලමයින්ගේ බලකිරීම මත ඔහු කැමති වෙනවා. මොවුන්ට මේ තරඟාවලියෙන් ජයග්‍රහණය ලබන්න හැකියාව ලැබෙයිද? ගුරුවරයා ගමට පැමිණෙන්නේ ඇයි? අවසානයේ තරුණයාගේ ප්‍රේම සම්බන්ධය කෙසේ කෙලවර වේවිද? කියල ඔයාලට බලන්න ඉතිරි කරනව එහෙනම්.

එහෙනම් තවත් උපසිරැසියකින් හමුවනතුරු ඔයාලට සුබ දවසක් 😀 😀

 

 

484 MB (DVD) කොපිය මෙතනින් බාගන්න

897A8DD04C288CA04F7D6D9763F926C5F4E99A91 ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

1,205 downloadsDownload The-Fencer-2015.zip27 KB

 

https://d36zzuvfojr38z.cloudfront.net/wp_content/uploads/2014/11/හසන්ත-මාලිංග.jpg මේ ලබා දී ඇති සිංහල උපසිරැසි පිළිබද “හසන්ත මාලිංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.