United 93 (2006) Sinhala Subtitles | මරණය පෙනි පෙනී ජීවත් වීම… [සිංහල උපසිරැසි සමඟ]

2001 සැප්තැම්බර් 11 දවස ඔබට මතකද ? සමහර අයට නම් අමතක ඇති. ඒත් ඇමරිකාවේ ජනතාවට නම් ඒක කවදාවත් අමතක වෙන එකක් නෑ. විශේෂයෙන්ම නිව්යෝක් වැසියන්ට නම්. ත්‍රස්තවාදී ප්‍රහාරයක් නිසා ඇමරිකාවේ ලෝක වෙළඳ මධ්‍යස්ථානේ නිවුන් කුළුනු දෙකම බිමටම සමතලා වෙනවා ඒ දවසේ. 3000කට ආසන්න පිරිසක් මියයනවා මේ ප්‍රහාරයෙන්. 6000ක් පිරිසක් තුවාල ලැබුවා යැයි සඳහන් වෙනවා. ඇමරිකානු ආරක්ෂක මූලස්ථානයට පවා යානාවක් කඩාවැටීමට සලස්වනවා මෙම සිදුවීම සම්බන්ධයෙන් චිත්‍රපට ගණනාවක් නිපදවී තිබෙනවා.

ඒ අතරින් මේ චිත්‍රපටය වෙනස් එකක් වන්නේ ප්‍රහාරය දිනයේ පැහැරගැනීමට ලක්වූ ගුවන්යානාවක් තුල සිදුවූ සිදුවීම් අලලා මෙය නිපදවා ඇති නිසාවෙන්. ඇමරිකාව කෙතරම් තාක්ශණය අතින් දියුණු උවත් හමුදා බලයෙන් ප්‍රබල උවත් මෙම ප්‍රහාරය අවසන් වනතුරුත් එයට විරුද්ධව කිසිදු පියවරක් ගැනීමට ඉඩකඩක් ලැබෙන්නේ නෑ. එකම දිනයක් තුල ආසන්න වෙලාවන්හිදී මගී ගුවන් යානා 4ක් පැහැරගනිමින් එල්ල කල මෙම ප්‍රහාරය ඇමරිකානු ආරක්ශක අංශ වලට එල්ල වූ මරු පහරක් යැයි කිව හැකියි. ඔසාමා බින් ලාඩන් සමඟ අල් කයිඩා සංවිධානය මෙම ප්‍රහාරය සැලසුම් කර ඇත්තේ වර්ශ 1992 සිට කීවොත් ඔබ පිළිගන්නවාද ? මෙම යානා පැහැරගත් ත්‍රස්තවාදීන් නීති්‍යානුකූලව වීසා ලබාගෙන ඇමරිකාවේම ගුවන් යානා පුහුණු පාසල් වලට අැතුලත් වී ඊට වසරකට පෙර සිට පුහුණු වී තිබේ.

ඒ තමයි මේ සිද්ධියේ ඉතිහාසය. දැන් චිත්‍රපටයේ කතාව දෙසට හැරෙන්නම්.

මේ කතාවේ හැටියට ඔවුන් පැහැරගත් යානා අතරින් 3ක්ම හරි ඉලක්කයට කඩා වැටෙන්නට ත්‍රස්තවාදීන් සමත් වනවා. ඉතිරි වන්නේ මෙම චිත්‍රපටයේ නමින් දැක්වෙන යුනයිටඩ් 93 යානාව පමණයි. එය තමයි අවසානයට පැහැරගන්නා යානාව. සාමාන්‍ය මගීන් ලෙස යානයට ගොඩවන ත්‍රස්තවාදීන් විසින් රහසේම යානය පැහැරගන්නට සමත් වනවා. නමුත් එහි සිටින මගීන්ට යානාව පැහැරගෙන යැයි දැනගන්නට හැකිවනවා. ඉන්පසු ඔවුන් කුමක් කරයිද ? ත්‍රස්තවාදීන්ට ඉලක්කය විනාශ කරන්න සමත් වෙයිද ? යානය නැවත ගොඩබාන්න හැකි වෙයිද ? ත්‍රාසය කුතුහලය පිරුණ මේ චිත්‍රපටිය නරඹලාම දැනගන්න. මෙය IMDB වෙබ්අඩවියේ ලකුණු 7.6 ක් ලබාගෙන තිබෙනවා.

චිත්‍රපටය ගැන කරුණු කිහිපයක් :

• මෙය නිශ්පාදනය කර ඇත්තේ Paul Greengrass විසින්, ඔහු චිත්‍රපටය නිශ්පාදනය ඇරඹීමට ප්‍රථම යුනයිටඩ් 93 යානාවේ ගමන් කල මගීන්ගේ පවුල් වල අය අමතා එම යානාවේ එදින ගමන්ගත් මගීන්ට අයිතිව තිබූ ඇදුම්, කියවමින් සිටි සඟරා ආදිය සපයාගෙන සැබෑ ලෙසම චිත්‍රපටයට යොදාගෙන ඇත.
• මෙහි රංගනයෙන් දායක වන යානාවේ කාර්‍යය මණ්ඩලය සැබැවින්ම ගුවන් නියමුවන් හා ගුවන් සේවිකාවන් වේ, ඇතැමුන් සැබැවින්ම යුනයිටඩ් ගුවන් සමාගමේම රැකියාව කරයි.
• චිත්‍රපටය රූගත කරන අතරතුර යානාවේ මගීන් හා පැහැරගන්නන් නවතා ඇත්තේ වෙන වෙනම හෝටල් කාමර වලයි. ඒ ඔවුන් අතර විශ්මය, බිය ඇතිකරවීම පහසු වීමටයි.
• තවද සැබවින්ම මෙම ප්‍රහාරය දින එයට මුහුණදුන් නිලධාරීන් කිහිපදෙනෙක්ද මෙහි රංගනයෙන් දායක වනවා.

මේ මගේ 2වනි උපසිරසි නිර්මාණයයි. තාම L බෝඩ් නිසා වැරදි අඩුපාඩු තිබ්බොත් සමාවෙන්ඩ. හොදයි නම්ක මෙන්ට් එකක් දාගෙන යන්ඩ. ලස්සනට ලිපි ලියන්ඩ නම් මම දන්නෙ නෑ. එහෙනම් ආයෙ දවසක හම්බෙමු. ස්තූතියි !ජය වේවා ! තෙරුවන් සරණයි !

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

https://d36zzuvfojr38z.cloudfront.net/wp_content/uploads/2018/03/Ashen-e1521951415821.jpg මේ ලබා දී ඇති සිංහල උපසිරැසි පිළිබද “Ashen” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018-03-25
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.