Vishwaroopam (2013) Sinhala Subtitles | දේශප්‍රේමියා…[සිංහල උපසිරැසි සමඟ]

අද මම ඔයාලට මේ අරන් ආපු චිත්‍රපටය කා අතරත් මේ දිනවල බොහොම කතා බහට ලක්වුන චිත්‍රපටයක්. හුඟ දෙනෙක් විවේචනය කරපු, වාරණ නියෝග පවා පනවනු ලැබූ චිත්‍රපටයක්. ජාති වාදී හැඟීම් ඇති කරවන සුළු දර්ශන ඇතුලත් වීම මෙය තහනම් කිරීමට ප්‍රධාන හේතුව වුනා. ඒත් මම අද ඔයාලට මේ චිත්‍රපටය සිංහලෙන් අරන් ආවෙ තවත් එක් චිත්‍රපටයක් ලෙස රසවිඳින්න. මේ විදියේ චිත්‍රපටි බැලීමෙන් යමෙකුට ජාති වාදී හැඟීමක් ඇති වෙනව නම් ඒක තමන්ගෙ වරදක්. මොකද ටීවී එකේ පෙන්නපු පලියට, කවුරුත් කිව්ව පලියට තමන්ගෙ පුද්ගලික හැඟීම් වෙනස් වෙන එක තමන් තුල තියන අඩු පාඩුවක්. ඊලඟ කාරණාව තමයි මේ දිනවල ලංකාවෙ සමහරු ඉන්දියානු සිනමාව වර්ජනය කිරීම. කලින් වතාවෙත් මට මතකයි Thuppakki චිත්‍රපටිය දීපු එකටත් සමහරු බැනල තිබ්බ. මගේ අදහස නම් ඉන්දියාවෙන් අපිට වෙන අකටයුතුකම් නවත්තන්න කියල චිත්‍රපටි බලන එක නැවැත්තුව කියල කිසිම වැඩක් වෙන්නෑ. එක එක අය විවිධ මත දරන්න පුලුවන්. නමුත් මේ චිත්‍රපටය සිනමා ලෝලීන්ගේ රසවින්ඳනය සඳහා පමණක් බවත් හුදෙක් පටු දේශපාලනික, සමාජයීය, අන්තවාදී අරමුණු සඳහා නොවන බවත් හැමෝම සිහියෙ තබා ගෙන මේ චිත්‍රපටය බලන්න ගන්න.

කමල් හසන්ට මේ චිත්‍රපටය හදන්න කෝටි 100ක් විතර වියදම් වෙලා තියනව. ප්‍රධාන චරිතය රඟපාන්නෙත් එයාම තමයි. ලොකු වියදමක් දරල කරපු මේ චිත්‍රපටයට ජාත්‍යන්තර චිත්‍රපට දර්ශකයේ 9.4ක ඇගයීමක් ලැබිල තියනව. චිත්‍රපටය පටන් ගන්නෙ විශ්වනාත්ගේ (කමල් හසන්) බිරිඳ වෛද්‍යවරියක් එක්ක සාකච්ඡාවක යෙදිල ඉන්න දර්ශනයකින්. විශ්වනාත් කියන්නෙ නිව්යෝක් වල නැටුම් ගුරුතුමෙක්. එයාගෙ බිරිඳ නිරූපමා Nuclear Oncology (න්‍යෂ්ටික ක්‍රමවේද මගින් පිළිකා සුව කිරීමේ විද්‍යාව) පිළිබඳ ආචාර්‍ය උපාධියක් තියන කෙනෙක්. විශ්වනාත් තමන්ගෙ නියම අනන්‍යතාව ලෝකෙන් හංගගෙන ජීවත් වෙන කෙනෙක්. අපි කතාවට කියන්නෙ හරියට නිකං ‘ළඳක්’ වගේ කියල. අන්න ඒ වගේ තමයි මෙයත් ඉන්නෙ. (ළඳ වගේ හිටියට වැඩ දැක්කම පිස්සු කොරවෙයි). මෙයාගෙ බිරිඳ මෙයාව බැඳල තියෙන්නෙ තමන්ගෙ වාසියට. දැන් මෙයාට සැමියගෙන් වෙන් වෙන්න ඕනෙ. මේකට හේතුවක් හොයා ගන්න නිරූපමා විශ්වනාත්ගෙ පස්සෙන් ඔත්තුකාරයෙක්ව දානව. මේ ඔත්තු කාරය හොයාගන්නව මෙයා හිංදු නමකින් හිටියට ඇත්තටම මුස්ලිම් කෙනෙක් කියල. මේ අතරෙ ත්‍රස්තවාදී කණ්ඩායමක් සීසියම් 137 සමස්ථානිකය යොදාගෙන බෝම්බයක් නිෂ්පාදනය කරල ඒක පුපුරවන්න සැලසුම් කරනව. කොහොම හරි දවසක් විශ්වනාත්වයි එයාගෙ බිරිඳ නිරූපමාව මේ කණ්ඩායම විසින් පැහැරගන්නව.. එතනින් පස්සෙ කතාවෙ ඔයාල නොදුටු පැත්තක තොරතුරු හෙලි වෙන්න පටන් ගන්නව..

කවුද මේ විශ්වනාත්.. ඇයි එයා එයාගෙ සැබෑ ස්වරූපය හංගන් ජීවත් වෙන්නෙ, කවුද මේ විශ්වනාත්ව පැහැර ගන්න කණ්ඩායම, මේ අයත් එක්ක විශ්වනාත්ට තියන සම්බන්ධය මොකද්ද, අන්තිමේදි නිව්යෝක් නගරය පරමාණු බෝම්බය පිපිරී සුනු විසුනු වෙයිද, විශ්වනාත්ගෙයි නිරූපමාගෙයි අසංතෘප්ත පවුල් ජීවිතයට අන්තිමේදි මොනව වෙයිද, බෝම්බය පිපිරවීමට ත්‍රස්තවාදීන්ගේ සැලැස්ම මොන වගේ එකක් වෙයිද… මේ හැමදේම ඔයාලට බලාගන්න පුලුවන්.. ඒවගේම මේකෙ දෙවනි කොටසකුත් එන්න තියන බවට ඉඟි චිත්‍රපටය අවසානයේදි පළ වෙනව.

ආයෙත් සුපිරි සිනමා සිතුවමක් රැගෙන හමුවන බලාපොරොත්තුවෙන් මම සමුගන්නම්. හැමෝටම ජය වේවා෴

 

Due to copyright issues, we no longer provide any torrent links.

ලබා දී ඇති උපසිරසි DVD / Blu-Ray පිටපත් සඳහා අදාළ වේ.

12,345 downloadsDownload Vishwaroopam-2013-Blu-Ray.zip173 KB

https://d36zzuvfojr38z.cloudfront.net/wp_content/uploads//2013/09/දිදුල-Kd-සිල්වා.jpg මේ ලබා දී ඇති සිංහල උපසිරැසි පිළිබද “දිදුල KD සිල්වා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
SILVER MEMBER
JOINING DATE – 2011-11-30