Psychokinesis (2018) AKA Yeom-lyeok (2018) Sinhala Subtitles | තවත් එක් සුපිරි වීරයෙක්? [සිංහල උපසිරැසි සමඟ]

ඉතාමත් අහබු සිදුවීමකින් නැතිනම් ප්‍රති වැඩසටහන් සම්පාදනය කිරීම මගින් – මේ දක්වා නිපදවා ඇති දැවැන්තම සුපරි වීර චිත්‍රපටිය ලෝකයට කල එලි දකිද්දිම ඉතාමත් කුඩා සුපිරි වීරයෙකුගෙ චිත්‍රපටියක් Netflix හි මතකයන් අතරට එක් වුණා. “Avengers: Infinity War” චිත්‍රපටිය ලොව පුරා තිරගත වෙන අතරතුර මෙම “Psychokinesis” චිත්‍රපටිය එහි සෙවනැල්ලක් බවට පත් වුණා.නමුත් මෙම සාම්ප්‍රදායික කොරියානු සුපිරි වීර චිත්‍රපටිය මගින් පෙන්නුම් කරනවා සුපිරි වීර චිත්‍රපටියකින් හැමදාම ලෝකය බේරාගැනීමවත්, නැතිනම් මන්දාකිණිය ආරක්ෂා කිරීමවත් එසේත් නැතිනම් මිනිස් සංහතිය නැති කිරීමට පිටසක්වලින් පැමිණියෙකු නවතා දැමීමවත් විය යුතුම නැති බව. Netflix සහ ‘Train to Busan’ හි අධ්‍යක්ෂක Yeon Sang-ho එකතු වෙලා නිෂ්පාදනය කල මෙම වෙනස්ම ආකාරයේ සුපිරි වීර චිත්‍රපටියෙන් එය මනාව තහවුරු වෙනවා.

ශින් රුමීට (Shim Eun-kyung) තමයි සෝල් නම්ප්යොන්ග් දිස්ත්‍රික්කයේ තියෙන හොඳම කුකුල් මස් අවන්හල තියෙන්නෙ.මේකෙ සෑහෙන වර්ග වල කුකුල් මස් තියෙන නිසා හොඳටම ප්‍රසිද්දයි.ඒ වුණාට මේ රුමීගෙ ව්‍යාපාරයට කණකොකා හඬන්න ගන්නෙ ඉදිකිරීම් ආයතනයක් විසින් මේ පළාතම බුල්ඩෝසර් කරන්න ගන්න පටන් ගත්තමයි.මේ අවට තියෙන සේරම සුද්ද කරල ෂොපින් මෝල් එකක් දාන්න තමයි මේ අයගෙ එහෙමත් නැතිනම් ටෙසන් ඉදිකිරීම් ආයතනේ සැලැස්ම.නමුත් මේ පළාතේ වෙලදාම් කරන අය හරිහමන් වන්දියක් ලැබෙනකල් එතනින් යන්න බැහැයි කියනවා.මේ හේතුවෙන් ටෙසන් ආයතනය විසින් මැරයින්ව කුලියට අරගෙන එවනවා.මේ මැරයො අතින් අනතුරක් වෙලා රුමීගෙ අම්මා නැතිවෙනවා.. මේ නිසා අම්මගෙන් සහ රුමීගෙන් ඈත් වෙලා හිටපු තාත්තට රුමී කෝල් එකක් දීල අවමගුලට එන්න කියනවා.ශින් සොක් හොන් (Ryu Seung-ryong) කියන මෙයාගෙ තාත්තා සාමාන්‍ය බැංකුවක සිකියුරිටි කෙනෙක්.

ඒත් රුමී පොඩි කාලේ එයාව සහ එයාගෙ අම්මව තනි කලාට, එයාලට උදව් කරන්න බැරි වුණාට, මේක ඒ වෙනුවෙන් සොක් හොන්ට වන්දි ගෙවන්න පුළුවන් අවස්ථාවක් වෙන්න ඉඩ තියෙනවා.මොකද මෙයා ලගදි බීපු උල්පත් වතුර නිසා ලැබුණු අමුතු බලයෙන් මෙයාට මනසින් දේවල් පා කිරීමේ හැකියාවක් තියෙනවා.ඒ බලෙන් ලෝක සාමය ගේන්න බැරි වුණත්, රුමීට සහ ඒ අවට අයට මොනව හරි උදව්වක් කරන්න පුළුවන් වේවි. සොක් හොන් කියන්නෙ මිලියනපතියෙක්වත් මොළ කාරයෙක්වත් නැතිනම් අඩු කාලෙකදි සික්ස් පැක් ලැබුණු සුපිරි ඇඟක්වත් තියෙන කෙනෙක් නෙමෙයි.එයා ටිකක් ගොන් වැඩ කරන හරි වෙලාවෙ හරිම තැන හිටපු සාමාන්‍ය මැදි වයසෙ පුද්ගලයෙක්.(මං කියන්නෙ මේ මැජික් බලේ ලැබුණු උල්පත ලග හිටපු එක ගැන).ඉතින් සාමාන්‍ය කෙනෙක්ට මේ වගේ බලයක් ලැබුනම මොකද ඉස්සරලම කරන්නෙ?අන්න ඒ දේ තමයි මෙයාටත් හිතෙන්නෙ.ඒ තමයි මේකෙන් කොහොමද සල්ලි හම්බ කරන්නෙ?මෙයාට කොහොම හරි කිසිම අවුලක් නැතුව කාඩ් පා කරන්න නෙක් ටයි නටවන්න එහෙම පුළුවන්.ඒත් ඊට වඩා වැඩි දෙයක් කරන්න නම් ටිකක් දත කාගෙන ඇඟිලි මිරිකගෙන කකුල් පූට්ටු කරගෙන අත් අබරගෙන හෙණ වලියක් කන්න වෙනවා.තාම හුරුවක් නෑනේ ඉතින් ඕවට.

Fantasy/Action යන ගණයට වැටිල තියෙන මේ චිත්‍රපටියට imdb අගය 5.8 කුත් Rotten Tomatoes අගය 88% කුත් ලැබිල තියෙනවා.කලින් කිව්වත් වගේ Netflix සහ ‘Train to Busan’ හි අධ්‍යක්ෂක එකතු වෙලා තමයි පැයකුත් විනාඩි 41 කුත් දාවනය වෙන මෙම සුපිරි වීර චිත්‍රපටිය නිර්මාණය කරල තියෙන්නෙ.සිංහල උපසිරැසියනම් ඉතින් මගෙන් තමයි.හිහිහී.. අදට ගිහින් එන්නම් ඉතින්.

බුදුසරණයි!

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය WEB පිටපත් සඳහා අදාළ වේ.

 

https://d36zzuvfojr38z.cloudfront.net/wp_content/uploads/2016/11/ChamalKalum2-e1479516946495.png මේ ලබා දී ඇති සිංහල උපසිරැසි පිළිබද “චාමල් කැලුම් අතපත්තු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2016-07-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.