Secret Invasion [S01 : E03] Sinhala Subtitles | පාවාදීම… [සිංහල උපසිරසි]

ඉතින් කොහොමද හැමෝටම? මේ අරගෙන එන්නේ Secret Invasion කතා මාලාවේ තුන්වෙනි එපිසෝඩ් එකේ උපසිරසි. කලින් එපිසෝඩ් දෙක බලන්න ඇති කියලා හිතනවා. එහෙම නම් තුන්වෙනි එපිසෝඩ් එක බලන්න කලින් දෙවෙනි එකේ සිද්ධ වුණු වැදගත් සිදුවීම් ටික මතක් කරගෙන ඉමු.

දෙවෙනි එපිසෝඩ් එක පටන් ගත්තේ ෆියුරිගේ අතීත කතාවකින්. ඒකෙදී අපට පෙන්නුවනේ කොහොමද ෆියුරි ස්ක්‍රල්වරුන්ට අලුත් ගෙදරක් හොයලා දෙන පොරොන්දුව පිට ස්ක්‍රල්වරු 20 දෙනෙක්ව රහස් ඔත්තුකරුවන් විදියට බඳවා ගත්තේ කියලා. ඉතින් ග්‍රැවික් කියන්නෙත් එතන හිටපු ස්ක්‍රල් කෙනෙක්. ඒ අතට බැලුවාම ෆියුරිම තමයි රහස් ආක්‍රමණයකට මඟ පාදගෙන තියෙන්නේ. ඊටපස්සේ අපි දැක්කා මරියා හිල්ගේ අවමංගල්‍යය. Marvel එක එයාව ඇත්තටම මැරුවා, නේද? කොහොමහරි, එයාගේ අවමංගල්‍යට යන අතරෙදී අපි දැක්කනේ ෆියුරි සහ ටේලෝස් අතර වාදයක් ඇති වෙලා එයාලා දෙන්නා දෙපැත්තකට යනවා. ඒකට හේතුව වුණේ ස්ක්‍රල්වරු මිලියන ගාණක් මිනිස්සු අතරේ ඉන්නවා කියලා ටේලෝස්, ෆියුරිට පාපොච්චාරණය කිරීමයි. ඊළඟට අපි දැක්කා කොහොමද ස්ක්‍රල්වරු බලවත් රටවල ලොකු තනතුරු අල්ලගෙන ඉන්නේ කියලා. UK වල අගමැතිණිය, NATO එකේ මහලේකම් ආදී ගොඩක් අය ඇත්තටම ස්ක්‍රල්වරු. ඒවගේම එයාලා එකතුවෙලා ස්ක්‍රල් ජෙනරල්ගේ තනතුරට ග්‍රැවික්ව පත් කළානේ. දැන් සියලුම ස්ක්‍රල්වරු පාලනය කිරීමේ බලය තියෙන්නේ ග්‍රැවික්ගේ අතේ.

තවත් වැදගත් සිදුවීමක් තමයි රෝඩි ෆියුරිව එයාගේ S.H.I.E.L.D. අධ්‍යක්ෂක තනතුරෙන් අස් කිරීම. ඒත් තියෙන ප්‍රශ්නේ නම් මේක කළේ අපි දන්න රෝඩිද, නැත්නම් ස්ක්‍රල් කෙනෙක්ද කියලා අපටවත් හිතාගන්න බැරි වීමයි. කතාවේ කියන විදියටම, අපට මේකෙදී කාවවත් විශ්වාස කරන්න බෑ.

ඒත් එපිසෝඩ් එකේ තිබුණු වැදගත්ම සිදුවීම තමයි සුපිරි ස්ක්‍රල්වරු හෙවත් Super Skrulls අපට හඳුන්වා දීම. එපිසෝඩ් එකේදි හෙළි වුණා Groot, Frost Beast සහ Cull Obsidian ගේ DNAවලින් දැනටමත් සුපිරි ස්ක්‍රල්වරු හදන්න පටන් අරන් තියෙන බව. මේ සුපිරි ස්ක්‍රල්වරු ගැන විස්තරයක් Secret Invasion comic run එක පැහැදිලි කරපු ලිපියේ තියෙනවා. ඒක බයිස්කෝප් මංසලෙන් කියවලා බලන්න. ඒත් සරලවම කියනවා නම් සාමාන්‍ය ස්ක්‍රල්වරුන්ට වෙනස් කරන්න පුළුවන් එයාලගේ රූපය විතරයිනේ. සුපිරි ස්ක්‍රල්වරුන්ට පුළුවන් එයාලගේ බලයන් පවා මාරු කරගන්න. උදාහරණයක් විදියට Groot ගේ DNA අනුව හදපු සුපිරි ස්ක්‍රල් කෙනෙක්ට පුළුවන් Groot ගේ බලයන් පාවිච්චි කරන්න. මේක තුන්වෙනි එපිසෝඩ් එකේදී වඩාත් හොඳට බලාගන්න පුළුවන්.

එපිසෝඩ් එක ඉවර වුණේ ෆියුරිට ස්ක්‍රල් බිරිඳක් ඉන්නවා කියලා එළි කරමින්. 🤯 ඒත් එයා නික් ෆියුරිගේ පැත්තෙද? නැත්නම් ග්‍රැවික්ගේ පැත්තෙද? තුන්වෙනි එපිසෝඩ් එක බලලම ඒක හොයාගන්න කියලා ඉල්ලමින් අදට සමුගන්නවා.

පීස් ✌️

Due to copyright issues, we do not provide any torrent links.

මෙම ලබා දී ඇති උපසිරසිය Web පිටපත සඳහා පමණක් ලබා දි ඇත.