Samurai Gourmet [S01 : E11 & E12] Sinhala Subtitles | ටකේශි මහතා සහ මහත්මිය [සිංහල උපසිරසි]

“කවුරුහරි කෙනෙක් කනවා බලන් ඉන්නකොට නෙවෙයි අපේ කටට කෙළ උනන්නේ, ඒ පුද්ගලයා රසවිඳින හැටි බලන් ඉන්නකොටයි.”

අන්න ඒ විදිහේ කතා මාලවක් ගැනයි මේ කියන්න යන්නේ. මෙය 2017 අවුරුද්දේ Netflix ආයතනය මඟින් නිකුත් කරපු ජපාන වෙබ් සීරීස් එකක්. විනාඩි 20 ක කතාංග 12ක් මෙහි සමන්විත වෙනවා. කොයිවෙලාවෙත් කනබොන සිහියෙන් ඉන්න අයට කියාපු කතාව. කෑම විතරක් නෙවෙයි, ඒ කෑම තුලින් ජීවිතයට අලුත් යමක් කියාදෙන්නත් ජපන්නු මෙයින් උත්සහ කරනවා.

අපි බහුතරය පිටරට ආහාර සංස්කෘතිය ගැන දන්නේ හරිම සීමිත දේවල් ටිකක්නේ. ඉන්දියානු කෑම ගැන ටිකක් එහෙන් මෙහෙන් දන්නෝ එච්චරයිනේ. හැබැයි ජපානය කියන්නේ ඊට හාත්පසින්ම වෙනස් රටක්. වෙනස් භාෂාවක්, වෙනස් සංස්කෘතියක්. එහේ ආහාර වුණත් එහෙම තමයි. ඔවුන්ගේ ප්‍රධානතම ආහාරය තමා බත්. ඊට අමතරව සුප් වර්ග, එළවළු වර්ග, මුහුදු ආහාර ආදිය එහේ ගොඩක් ජනප්‍රියයි. සුෂි/sushi කියන කෑම වර්ගය ගැන එහෙම බොහෝ අය අහලා ඇතිනේ.

ඉතින් මේ Samurai Gourmet කියන කතාමාලාවේ, ප්‍රධාන චරිතය තමා “ටකේශි කසුමි”. විශ්‍රාමික අවුරුදු 60ක පුද්ගලයෙක් වෙන මොහු ජීවිත කාලය පුරාම තමන්ගේ ආයතනය වෙනුවෙන් මහන්සි වුණු කෙනෙක්. ඉතින් විශ්‍රාම ගියාට පස්සේ ඔහු හිතනවා ඔහුගේ ජීවන රටාව වෙනස් කරගන්න. ඒත් කොහොමද වෙනස් කරගන්නේ? ඔහු එක් එක් කෑම කඩවලට ගිහින් ඒවාහි තියෙන විවිධ කෑම රස බලන්න පටන් ගන්නවා. ලොකු ලොකු කෑම ජාති නෙවෙයි, හරිම සරල දේවල් තමයි ටකේශි රස බලන්නේ. මෙහි ඇතුලත් කතා ද ඒ විදිහටම සරලයි. ලොකු plot එකක් තියෙන, සංකීර්ණ, ගැඹුරු කතා බලාපොරොත්තුවෙන් නම් මේක බලන්න එපා.

කාටහරි හිතේවිද දන්නේ නෑ මේක නිකංම කෑම හදන හැටි පෙන්වන documentary වර්ගයේ කතාවක් කියලා. එහෙනම් ඔබට වැරදිලා. ටකේශි මහත්මයගේ විශ්‍රාමික ජීවිතය ගැන තමයි මේකේ පෙන්වන්නේ. ඒ කාලයේ ඔහු ගන්නා ආහාර වර්ග මූලික කරගෙනයි මෙහි කතාව ගලාගෙන යන්නේ.

එතකොට මොකද මේ සමුරායි කියලා කොටසක් තියෙන්නේ? සමුරායිවරයෙක් කියන්නේ රණශූරයෙක්. තමන්ගේ ස්වාමියා වෙනුවෙන් සේවය කරන ආරක්ෂකයෙක් වැනි කෙනෙක්. මොවුන් ජපානයේ ජීවත් වෙන්නේ 12 වෙනි සියවසේදි පමණ. අපේ මේ කතාවේ ඉන්න ටකේශි මහත්මයාත් සමුරායිවරුන්ට බොහෝ ප්‍රියයි. ඉතින් ටකේශි විවිධ කෑම වර්ග ගනිමින් අලුත් ජීවිතයක් ආරම්භ කරනකොට, එයින් ඔහු තුල ඉන්න අභ්‍යන්තර පෞරුෂයක් අවධි වෙන්න පටන් ගන්නවා. ඒ තමයි අතීත ජපානයේ ජීවත් වුණු ස්වාමියෙක් රහිත අයාලේ ගිය සමුරායිවරයෙක්. ටකේශිගේ ජීවිතයේ යම් යම් අමාරු අවස්ථාවලට මුහුණ දෙන්න මේ සමුරායිවරයා කියාදෙනවා.

———————————————————————-

IMDb Rating – 8.2/10
Google User Rating – 98%

මේ තියෙන්නේ ප්‍රසිද්ධ වෙබ් අඩවි කීපයක් Samurai Gourmet ටීවී සීරීස් ගැන දුන්නු අදහස්…

“නෙට්ෆ්ලික්ස් හි ඇති හොඳම ආහාර සම්බන්ධ කතාංගය” ~Kotaku.com~

“මෙතෙක් නිර්මාණය කර ඇති, වඩාත් සැනසිලිදායකම ආහාර සම්බන්ධ කතාංගය” ~thrillist.com~

“ඔබට මුළුතැන්ගෙය පරාදීසයක් සේ පෙනෙන්නට ගනීවි” ~the guardian~

“මෙය බැලූ පසු, ඔබ ජපන් ආහාර අත්හදා බලන්න පටන් ගනීවි” ~eater.com~

“ඔබේ බඩගින්න දෙගුණ තෙගුණ කරන්න සමත් වේවි” ~dbknews.com~

“ආහාර රසවිඳීමේ කලාව උගන්වයි” ~japanese times~

———————————————————————-

~ 11 කොටස ~

ටකේෂි මහත්මයාගේ ප්‍රිය බිරිඳනේ ශිසුකෝ මහත්මිය. ඉතින් මේ දෙන්නගේ විවාහ සංවත්සරය ගැනයි මෙහි කතාව. අවුරුදු ගාණකට පස්සේ මේ දෙන්නා එලියට ගිහින් කෑම වේලක් ගන්නවා.
“තෝරාගැනීමක් තියෙනවා නම්, නිතරම තෝරාගන්න මීට පෙර තෝරා නොගත් දෑ”

~ 12 කොටස ~

කතාමාලාවේ පුරාම වැඩි ඉඩක් වෙන් කරලා තිබ්බේ ටකේශි මහත්මයටනේ. හැබැයි අවසාන හරියෙදි ශිසුකෝ නෝනාත් කල එලි බහිනවා. අවසාන කොටස වන මෙහිත් එහෙමයි. ටකේශි මහත්මයා තරුණ කාලේ නිතරම වාගේ ගිය අවන්හලක් ගැන මතක් වෙලා එය හොයාගෙන යනවා. එතනදි ඔහු සොයාගන්නවා මහ පුදුම හිතෙන දෛවෝපගත දෙයක්.

එහෙනම් ඉතින් Samurai Gourmet කතා මාලාව මෙයින් අවසන්. මේ නිසා ජපාන සංස්කෘතිය ගැන එහි කෑම ගැන එහෙම පොඩි හෝ ආසාවක් කැමැත්තක් එන්න ඇති කියලා හිතනවා. අවසානය වෙනකම්ම රැදී හිටපු හැමෝටම ස්තූතියි.

Thank You
ありがとうございました
(අරිගතෝගුසයිමෂිටා)

 

 

 

 

 

Due to copyright issues, we do not provide any torrent link

මෙම උපසිරැසි සියලුම WEB පිටපත් සඳහා වලංගු වේ.

816 downloadsDownload Samurai-Gourmet-S01-E11E12.zip19 KB

මේ ලබා දී ඇති සිංහල උපසිරැසි පිළිබද “නෙතිනි නිමන්තිකා” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2018-06-20
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.