Ask Laftan Anlamaz [S01 : E26] Sinhala Subtitles | අලුත් හවුල්කාරයෙක්…! [සිංහල උපසිරැසි සමග]

කලින් කොටස ඉවර වෙද්දී හැමෝගෙම පපුව ගැහෙන්න ගන්න ඇත්තෙ “ලබ් ඩබ්” කියලා නෙවේ, “හයාත්ට මොකක් වෙයිද?” කියලා වෙන්න ඕනේ! මං දන්නවා 26 එනකන් කට්ටියම නොඉවසිල්ලෙන් ඉන්නෙ කියලා. ඒ නිසා පරක්කු නොකර ඔන්න 26 අරගෙනයි ආවේ. සුපුරුදු විදියටම කලින් කොටසෙ මොකද වුනේ කියලා මතක් කරගෙනම අද කොටස බලලා සැනසෙන්න කියලා ආරාධනා කරනවා.

දකින්න ඇතිනේ හයාත් කන්දක් උසට හීන මවන් ලෑස්ති වෙලා, මුරාත් එනකල් බලා හිටපු හැටි! මුරාත්නුත් ආවා, හැබැයි කෙල්ල හිතපු විදියට අනෙක් දේවල් සිද්ධ වුනේ නම් නෑ. ඔය අතරේ හයාත්ගෙ අම්මා කෝල් කරලා කිව්වා, සීයා ගෙදරින් ගිහින් කියලා, ඒත් ගිය තැනක් දන්නෙ නැහැල්ලු. පස්සෙ ටික වෙලාවකින් හයාත්ට තව කෝල් එකක් ආවා හාලිත්ගෙන්. එයා කිව්ව විදියට සීයා හොර රහසෙම කඳුකරේ ගෙදරකට යන ගමන් හිටියෙ.

ඔය අතරේ ආයිත් හසාල්, මුරාත්ගෙ ගෙදරට රිංග ගත්තා. හැබැයි ලෙයිලා නම් හසාල් එනවට පොඩ්ඩක්වත් කැමති වුනේ නැහැ. ඒත් හසාල්, මුරාත්ට තව සහෝදරයෙක් ඉන්නවා කියලා මුරාත්ට කිව්වා. ඒ මාර්ගයෙන් ලෙයිලගෙ මතකය නැති කතාව බොරුවක් බව ඔප්පු කරන්න පුලුවන් බව මුරාත්ට ඒත්තු ගන්නපු හසාල්ට ආයිත් පුරුදු රස්සාව දෙන්න මුරාත් කැමති වුනා. දකින්න ඇතිනේ, ඒ අතරේ දේර්‍යා හයාත්ට පුද්ගලික ජීවිතයක් ගත කරන්න නම් වෙන ගේකට යන්න කියලා උපදෙස් දීපු හැටි, ඒත් ඒ වෙලාවේ හයාත් නම් ඒක පිලිගන්න ලෑස්ති වුනේ නෑ. ඒ විතරක් නෙවෙයි දේර්‍යා තවත් දෙයක් කිව්වා, ඒ තමයි හසාල්, මුරාත් දෙන්නා ගැන ඇහැ ගහගෙන ඉන්න කියලා. අන්න ඒක කිව්වම නම් මෙතෙක් වෙලා නොසැලී හිටිය හයාත් සැලුනා.

හසාල්, මුරාත්ට කිව්වනෙ එයාගෙ සහෝදරයා ගැන, ඉතින් දෙන්නා එකතු වෙලා එයාව හොයා ගන්නයි හැදුවේ. මතක ඇතිනේ, දෙන්නා හොරෙන් යන්න හදපු ගමන මොකක්ද කියලා හයාත් හොයන්න ගිහින් මුරාත්ට අහු වුන හැටි එහෙම!

ඊටත් පස්සේ මුරාත් ගිහින් එම්‍රේට තදින්ම කිව්වා, ඔය ෆොටෝ නෙවේ මොනව එව්වත් එයාට හයාත්ව විශ්වාසයි කියලා. පස්සේ මුරාත්, හසාල් දෙන්නා මුරාත්ගෙ සහෝදරයා හොයන්න ගියා, ඒ බව දැන ගත්ත ලෙයිලා එයාගෙ පුතාට ඒ කිව්වෙ මුරාත්ගෙ සහෝදරයට කෝල් කරලා කිව්වා, ඉක්මනින්ම පිටවෙන්න, එයාව දන්න බවක් කාටවත් කියන්න එපා කියලත්. ඒ කතාව දේර්‍යා අහගෙන හිටියා.

නරකම දේ සිද්ධ වුනේ ඊටත් පස්සේ. ඒ තමයි තුවාල්, මුරාත් කතා කරනවා හයාත් අහගෙන හිටපු එක. හයාත්ට අහුනා මුරාත් කියනවා “හයාත්ගෙ මෝස්තර වලට තැන දුන්නේ හයාත්ව සතුටු කරන්න ඕන නිසා, එයා දියුණු වෙනවා දකින්න ආස නිසා” කියලා. මේක ඇහුනම හයාත්ට කම්පනයක් වගේ දැනෙනවා. මුරාත් එයාගෙ දක්ෂකම දැකලා නෙවේය එයාට තැන දෙන්නේ, එයාව සතුටු කරන්න කියලා හිතලා. ඉතින් ඒකෙ අවසාන ප්‍රතිඵලය වුනේ එම්‍රේගෙ යෝජනාවට හයාත් කැමති වුන එක! ඒ විතරක් නෙවේ එම්‍රේ එක්ක වැඩ කරන්න යනව කියලා හයාත්, මුරාත්ටත් කිව්වා. මුරාත් හිතුවේ ඒක විහිලුවක් කියලා. ඒ අතරෙ තමා හැස්මත් සීයා, අසීමේ ආච්චිට කෝල් එකක් ගත්තේ. එයාගෙ බඩේ අජීර්ණය නිසා ගොඩක් අමාරුවෙන් හිටියේ, ඉතින් මුරාත්, හයාත් දෙන්නා සීයා ඉන්න තැන හොයාගෙන ගියා. හැබැයි ඊට කලින් එතනට ආව හාලිත්, සීයව ඉස්පිරිතාලෙ අරන් ගියා. සීයා ඉස්පිරිතාලෙ කියල ආරංචි වුන එමිනේ සීයා බලන්න ආවා. පස්සෙ ගෙදරත් එක්ක ගියා. එහෙට ආව අසීමේ ආච්චිට ආයි මුද්දත් දීලා, මේ වයසට කසාද බඳින්න ඕන නෑ, මේ ඉන්න විදියටම ඉමු කියලා සීය කිව්වා.

ඔය අතරේ සීයා හොයන්න කඳුකරේට ගිය හයාත්, මුරාත් දෙන්නා එහෙම නැවතුනා. දිගින් දිගටම හයාත්ට, එම්‍රේගෙන් කෝල් ආවම මුරාත්ට කේන්ති ගියා මතක ඇති. ඒත් අන්තිමේ මුරාත්ට තේරුම් ගියා හයාත්, එම්‍රේ එක්ක වැඩ කරන්න යනව කීවේ විහිලුවක් නෙවේ කියලා. ඔන්න එතනින් තමයි හිතුවට වඩා ප්‍රශ්නෙ දුරදිග යන්නේ. අලි මදිවට කොටි වගේ එතකොටම එම්‍රේ, හයාත්ට කෙටි පණිවුඩයක් එව්වා හයාත්ට ආදරෙයි කියලා, ඒක කියෙව්වෙ මුරාත්. යක්ෂාරූඪ වුන මුරාත්, හයාත්ටත් බැනලා, කසාදෙත් ඉවරයි කියලා යන්න ගියා. අසරණ වුන හයාත්, හනි හනික ලෑස්ති වෙලා දුවන්නයි හැදුවේ. ඒත් එයා ඇද ගෙන වැටිලා ඔලුව ඇනුනා, නැගිට ගන්න බැරුව හිටපු හයාත් තවත් අසරණ වුනේ ගේ ගිනි ගන්න පටන් ගත්තමයි. ඒත් මුරාත් ඉවෙන් වගේ ආයිත් වාහනේ හරවන් ගෙදර ආවා, ගින්න අතරින් හයාත්ව උස්සගෙනත් ආවා. ඒත් හයාත්ට සිහියක් තිබුනේ නෑ.

එහෙනම්, එක හුස්මට අද කොටස බලන්න ආරාධනා කරලා මං සමුගන්නම්.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි අන්තර්ජාල පිටපත් සඳහා අදාළ වේ.

2,591 downloadsDownload Ask-Laftan-Anlamaz-S01E26.zip67 KB

 

මේ ලබා දී ඇති සිංහල උපසිරැසි පිළිබද “හෙළිලි හේමමාලි” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2017-02-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.