Dracula (2020-) [S01 : E01] Sinhala Subtitles | වැම්පයර්වරුන්ගේ කුමරුවන් ලේ පිපාසිත ඩ්‍රැකියුලා..!! [සිංහල උපසිරසි සමඟ]

ඔන්න එහෙනම් මේ අවුරුද්දේ නිකුත් වුන අලුත්ම Mini Series එක Dracula අරගෙන ආවා, හුගක් අය සබ් දෙනකල් බලාගෙන හිටිය කතාමාලවක් කිව්වොත් හරිනේ. ඒත් ඉතින් ටිකක් කල් ගියා අරගෙන එන්න, වැඩ රාජකාරි නිසා. බලමුකෝ එහෙනම් වැඩි කතාවක් නැතුව කතාව ගැන.

ටිවී සීරීස් ක්ෂ්‍රේත්‍රයේ යෝධයින් දෙදෙනෙක් වන BBC සහ Netflix සමාගම් දෙක එකතු වෙලා තමයි මේක අරගෙන එන්නේ. නිශ්පාදන කටයුතු සිදු කරන්නේ BBC එකෙන්, Netflix එකට ප්‍රචාරන අයිතිය හිමිවෙලා තියෙනවා BBC එකත් එක්කම. කෝමහරි කොටින්ම කිව්වොත් සුපිරියක්. කොටස් තුනයි. සදහටම කතාව ඉවරයි. එක කොටසක් පැය එක හමාරක් විතර තියෙනවා, ඉතින් ඇත්තම කිව්වොත් ටීවී සිරීස් එකක් නෙමෙයි තුන් ඇඳුතු ෆිල්ම් එකක් බලනවා වගේ බැලිල්ලක් තමා තියෙන්නේ, බැලුවා කියලා පාඩුවක් නම් වෙන්නේ නෑ සත්තයි.

2020 වර්ශයේ හා හා පුරා කියලා ජනවාරි මාසේ පලවෙනිදා සිට දවස් තුනට කොටස් තුන ලෙස අන්තර්ජාලයට කතාව නිකුත් වුනා. මේ වෙනකොට IDMb දර්ශකයේ 17,000+ අධික මනාප සංඛ්‍යාවකින් 6.9ක ඉහල අගයක් ලබාගෙන තියෙනවා. ඒ වගේම කුණු තක්කාලි දර්ශකයේ 73% අගයකුත් ගූගල් පරිශීලකයින්ගේ 88% අගයකුත් මේ කතාවට ලැබෙනවා. මේ කතාවට පාදක වෙන්නේ Bram Stoker විසින් ලියපු Dracula නමැති නව කතාව.

Jonny Campbell, Damon Thomas, Paul McGuigan තිදෙනාගේ අධ්‍යක්ෂණයෙන්, Mark Gatiss, Steven Moffat යන දෙදෙනාගේ රචනයෙන් සහ Claes Bang, Dolly Wells, John Heffernan ඇතුළු තවත් රංගන ශිල්පීන්ගෙන් හැඩ වෙනවා මේ අමුතු කතාව. මේකේ ඩ්‍රැකියුලාට රඟපාන Claes Bang ගේ රංගනය නම් ප්‍රශංසනීයයි, එය කිව යුතුමයි. තව ටිකක් කිව්වොත් මේ කතාව Sherlock කතාමාලව අරගෙන ආපු ටීම් එකෙම අයගේ වැඩක් කිව්වොත් හරි, ඒ වගේම Drama සහ Horror කාණ්ඩයට අයත් වෙන මේ කතාව ඔබව අමුතුම ලෝකෙකට ගෙන යාවි.

අරගෙන බලන්න වෙනස්ම කතාවක්, අපි දන්න ඩ්‍රැකියුලාට වඩා වෙනස් කෙනෙක්. කුතුහලය, භීතිය කැටි කරගත්ත කතාවක්. කතාව ගැන පොඩ්ඩක් කිව්වොත් මෙහෙමයි. 1897 වෙනකොට ට්‍රාන්ස්ලවේනියාවේ ඉන්න කවුන්ට් ඩ්‍රැකියුලාට ඕන වෙනවා එංගලන්තයට සංචාරය කරලා එහේ මිනිස්සුන්ගේ ලේ බොන්න, ඒත් නිකන්ම එහාට යන්න බැරි නිසා මෙයා එහේ ගෙයක් මිලදී ගන්නව, ඒ ගෙදර වැඩ කටයුතු කතා කරගන්න ඩ්‍රැකියුලාගේ මන්දිරයට ජොනතන් හාර්කර් නමැති නීතීඥයා එනවා. ඒ එනකොට ඩ්‍රැකියුලා සෑහෙන වයසයි, නමුත් නොසිතු විරූ ලෙස ජොනතන්ට මෙහේ හිරවෙන්න වෙනවා. ඒ එක්කම දවසින් දවස ගෙවෙනකොට ඩ්‍රැකියුලා එන්න තරුණ වෙනවා. ඉතින් ජොනතන්ට මොකක් වෙයිද? මේ බංගලාවේ සැගවුන රහස් මොනවද? ඩ්‍රැකියුලාගේ එංගලන්ත ගමන මොකක් වෙයිද? මේ ඔක්කම බලාගන්න කතාව අරගන්න එහෙනම්. ඒනම් ඉතිරි කොටස් දෙකත් ඉක්මනින්ම ඔයාලට ලැබෙයි. ඒනම් මම ගිහින් එන්නම්. අදහසක් කියාගෙනම යන්න. ජය වේවා..

**The Legend Gets Some Fresh Blood**

 

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට සති දෙකකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

 

Due to copyright issues, we no longer provide any torrent links.

ලබා දී ඇති උපසිරැසි HDTV / WEB පිටපත් සඳහා පමණක් අදාළ වේ.

 

7,882 downloadsDownload Dracula-S01-E01.zip85 KB

මේ ලබා දී ඇති සිංහල උපසිරැසි පිළිබද “කවිශල් රසින්ත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
SILVER MEMBER
JOINING DATE – 2018-06-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.