Fargo [S05 : E01] sinhala subtitles | පැහැරගෙන යාමක්! [සිංහල උපසිරසි]

සුබ දවසක් මිත්‍රවරුනි, බොහෝ දෙනාගේ ඉල්ලීම පරිදි අද ඉඳන් අපි Fargo S05 එකට සිංහල උපසිරැසි ඔයාලට අරන් එනවා. Fargo කතා මාලාවේ 05 වැනි කතා සමය නෝවා හෝලි විසින් රචනා කර අධ්‍යක්ෂණය කළ අතර 2023 නොවැම්බර් 21 වන දින FX හි විකාශය වුණා. මේක කථාංග 10 කින් සමන්විත වෙනවා. කතාසමයක් විධියට, Fargo කතා මාලාවේ හැම සීසන් එකකටම ස්වයං අන්තර්ගත කතාන්දරයක් තිබුණා. එහි විවිධ කතා සමයන් එක්තරා කතා විශ්වයක විවිධ සැකසුම් සහ යුගවල විවිධ චරිත සමූහයක් නිරූපණය කළා. පෙර කතා මාලාවකට හෝ චිත්‍රපටයකට කිසිදු සම්බන්ධයක් නොමැති මාලාවේ පළමු කතාසමය විධියටයි පස්වැනි කතා සමය එළිදැක්වෙන්නේ. මේ කතාමාලාවට ධනාත්මක සමාලෝචන ලැබුණා වගේම, බොහෝ විචාරකයින් පැරණි කතාමාලාවේ පුනරාගමනයක් ලෙස මෙය හැඳින්වූ අතර එය පළමු කතාමාලා දෙක සමඟ ධනාත්මක ලෙස සංසන්දනය කළා. එය හොඳම සීමිත හෝ ඇන්තොලොජි කතාමාලා හෝ රූපවාහිනී චිත්‍රපට සඳහා ගෝල්ඩන් ග්ලෝබ් සම්මාන තුනක් සහ හැම් සහ ටෙම්පල් සඳහා පිළිවෙලින් කුඩා කතාමාලා හෝ රූපවාහිනී චිත්‍රපටයක හොඳම නළුවා සහ නිළිය සඳහා නාමයෝජනා ලබාගත්තා. මෙය සත්‍ය කතාවක් මත පදනම් වන බවට කතා මාලාවේ සඳහන් කළත්, එය සම්පූර්ණ මනඃකල්පිත කතාවක් බව අන්තර්ජාලයේ සඳහන් වෙනවා. අද පළ වන කතාංගය ගැන:

• පළමු කොටස –  “The Tragedy of the Commons” – “පැහැරගෙන යාමක්!”
• අධ්‍යක්ෂණය –  Noah Hawley
• තිරරචනය –   Noah Hawley
• මුල්වරට විකාශය කෙරුණු දිනය –  2023 නොවැම්බර් 21
• IMDb Ratings –  8.6/10

අද කතාව පටන් ගන්නේ මෙහෙමයි. 2019 දී, ස්කැන්ඩියා ගෘහණියක් වන ඩොරති “ඩොට්” ලියොන්, තම දියණිය ස්කොටිගේ පාසල් මණ්ඩල රැස්වීමේදී ඇති වූ රණ්ඩුවකදී වැරදීමකින් නිලධාරියෙකුට පහර දුන් විට නියෝජ්‍ය ඉන්දිරා ඔල්ම්ස්ටෙඩ් විසින් අත්අඩංගුවට ගැනෙනවා. ඇගේ සැමියා වන වේන් විසින් ඇප ලබා ගැනීමෙන් පසු, අපරාධකරුවන් වන ඔලේ මන්ච් සහ ඩොනල්ඩ් අයර්ලන්ඩ් විසින් ඇයව පැහැර ගනු ලබන අතර, එය අවසන් වන්නේ තිදෙනාම තුවාල වීමෙන්. ණය එකතු කිරීමේ ආයතනයක් පවත්වාගෙන යන වේන්ගේ ධනවත් මව වන ලොරේන්, ඉල්ලන්ට ඉඩ තියෙන ඕනෑම කප්පමක් ගෙවීමට එකඟ වනවා. ඩොට් උතුරු ඩැකෝටාවට ගෙන යන අතරතුර, මන්ච් සහ අයර්ලන්ඩ් රාජ්‍ය හමුදා භටයින් විසින් ලුහුබඳිනවා. ඔවුන් අතර වෙඩි හුවමාරුවක් සිදුවෙනවා. මින් පසුව සිදුවන්නේ කුමක්ද? ඩොරතිට වෙඩි ප්‍රහාර වලින් ගැලවෙන්නට හැකි වෙයිද? අයර්ලන්ඩ් සහ මන්ච් පොලිසියට කොටු වේද? අද කොටසින් බලලා දැනගනිමු.   අපේ උපසිරැසි ගැන ඔබගේ වටිනා අදහස් උදහස් පහළ කමෙන්ට් කරන්නත් අමතක කරන්න එපා. එහෙම නම් තවත් සිංහල උපසිරැසියකින් ඔබ හමුවට එනතුරු ආයුබෝවන්! දිගටම බයිස්කෝප් අඩවියත් එක්කම රැඳි සිටින්න! ඔබට තෙරුවන් සරණයි!

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRIP පිටපත සඳහා අදාළ වේ.

254 downloadsDownload Fargo-S05E01.zip22 KB

 

මේ ලබා දී ඇති සිංහල උපසිරැසි පිළිබද “ප්‍රබුද්ධ කේසර විතානගේ” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2016-02-26

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.