Moon Knight [S01 : E06] Sinhala Subtitles | දෙවිවරුන් සහ රාක්ෂයින් [සිංහල උපසිරසි]

ඔන්න එහෙනම් සති හයක් පුරාම Moon Knight එක්ක ආපු ගමන අවසන් වෙනවා. මාවල් උණුසුම වැඩියෙන්ම දැනෙන සතියක්නෙ මේ. මොකද මේ සතියේ තමා Multiverse of Madness චිත්‍රපටය වගේම Moon Knight කතා මාලාවේ පළමු අදියරේ අවසන් කොටසත් නිකුත් වෙන්නේ. 2022 අවුරුද්දට මාවල්ලා මේ ටීවි සීරීස් එකෙන් හොඳ ආරම්භයක් අරගන්නවා.

සාමාන්‍යය සුපර්හීරෝ කතා මාලාවක සොභාවයෙන් එහාට යමින් සයිකොලොජි පැත්ත ඉස්මතු කරපු නිර්මාණයක් විදිහටයි මූන් නයිට් කතා මාලාව ගොඩ නගලා තිබුණේ. කලින් සතියෙ කොටස ඒකට හොඳම උදාහරණයක්. සීරීස් එකේ වැඩියෙන්ම දුක හිතුන කොටස පස්වෙනි කොටස 🙂

පස්වෙනි කොටසෙදි මාර්ක් සහ ස්ටීවන් ඩුවට් එකේදි බේරෙන්න ලොකු උත්සහයක් ගන්නවා. මේ නිසා රහස් ගොඩක් අනාවරණය වුණා. මාර්ක් පොඩි කාලෙදි තමන්ගෙ මල්ලි වුනු රෝරෝ මිය යනවා. ඒ වරද පැටලෙන්නේ මාර්ක්ගේ හිස මතට. ඉතිං ඒ හේතුව නිසා මාර්ක්ගේ අම්මත් මාර්ක්ට හිරිහැර කරන්න පටන් ගන්නවා. මේ හිරිහැරවලින් වෙන මානසික බලපෑම නිසා තමා මාර්ක් ස්ටීවන් ග්‍රාන්ට් කියන පර්සනැලිටි එක ගොඩ නගාගන්නේ. ඉතිං මාර්ක්ට වේදනාවෙන් ඉන්න, නරක ළමා කාලයක් තිබුණු ආදරය අහිමි මනුස්සයෙක් වුනත් ස්ටීවන් හැමතිස්සෙම සතුටින් ඉන්න බලාපොරොත්තු සහිත චරිතයක් වෙන්න හේතුවත් මේකයි. ඉතිං තමන් නෙවෙයි ඔරිජිනල්ම පර්සනැලිටි එක කියල දැනගත්තම ස්ටීවන් කලබලයට පත් වෙනවා.

කොහොම හරි අන්තිමේදි ස්ටීවන් මාර්ක් දෙන්නට හදවතේ තරාදිය සමබර කරගන්න බැරි වුනු නිසා ඩුවට් එකෙන් මේ දෙන්නව අල්ල ගන්න උත්සහ කරනවා. කොහොම හරි මාර්ක්ව බේරගන්න ස්ටීවන් උත්සහ කරන්න ගිහින් ස්ටීවන්ව ඩුවට් එකෙන් අල්ලගන්නවා. ස්ටීවන් වැලිවලින් ගල්වුනාට පස්සේ මාර්ක්ගේ තරාදිය සමබර වෙලා මාර්ක්ට රීඩ්ස් භූමියට යන්න පුලුවන් වෙනවා.

ඉතිං මේ දේවල් අතර තුර පිටත ලෝකයේ මොනවා වෙන්න ඇත්ද? ලයිලා මේ වෙද්දි මොන වගේ තත්ත්වයකද ඉන්නව ඇත්තේ? මාර්ක් මොනව වගේ තීරණයක් අරගනියිද? මේ දේවල් දැනගන්න නම් එකතු වෙන්න හයවෙනි කොටසත් එක්ක…

අමිට්

අමිට් කියන්නේ ඉජිප්තුවේ මිත්‍යා කතාවල ඉන්න මරණයට සම්බන්ඳ දේවතාවියක් කියලා ඔයාලා දැනටමත් දන්නව ඇතිනේ. අමිට් කියන්නේ පුරාම ඊජිප්තුවරුන් ඇදහුවටත් වඩා භය වුනු දේවතාවියක්. ඇය ඉතාම නපුරු චරිතයක් කියලයි ඔවුන් විශ්වාස කළේ. අමිට් අනිත් ඊජිප්තු දෙවිවරුන් වගේම සත්ත්වය රූපයක් යොදාගන්නවා. ඒ අතරින් කිඹුල් හිසක් අමිට්ට තියෙන්නේ. කතන්දරවලට අනුව නම් අමිට් ජීවත් වුනෙත් ඩුවට්වල ස්කේල්ස් ඔෆ් ජස්ටිස් අසල තැනක. මාවල් විශ්වයේ අමිට් කියන්නෙ කොහොම කෙනෙක්ද කියලා අද ඔයාලට දැකගන්න පුලුවන්.

මේ වෙද්දී මූන් නයිට් කියන්නේ ඉතාම සාර්ථකත්වයක් දිනාගත්ත කතා මාලාවක්. IMDB තුළ 7.6 ක ලොකු අගයක් වගේම Rotten Tomatoes තුළ 87% ක අගයක් ලැබිලා තියෙනවා. තාම නිල වශයෙන් දෙවෙනි අදියරකට රීනිව් කරලා නැති වුනත් මූන් නයිට්ගේ ගමන මෙතනින් අවසන් වෙන්නෙ නැහැ කියලා ඉඟි එක්කයි සීසන් එක අවසන් වෙන්නේ.

එහෙනම් සති හයක් පුරා මම මූන් නයිට් එක්ක ආපු මේ ගමන තාවකාලිකව අවසන් කරන්නයි මේ සුදානම් වෙන්නේ. මූන් නයිට් කියන්නේ මම දැනට කරපු ටීවි සීරීස් අතරින් ආසාවෙන්න උපසිරැසි ගන්වපු ටීවි සීරීස් එක ❤️ මොකද පෞද්ගලිකව මූන් නයිට් කියන්නේ මගේ කැමතිම සුපර්හීරෝස්ලා දහදෙනාගෙන් කෙනෙක්. ඒ වගේම උපසිරැසියට විතරක් සීමාවෙන්නෙ නැතුව පළවෙනි කොටසෙ ඉඳන්ම සීරීස් එකට අදාල වෙන සිදුවීම්, චරිත ගැනත් විස්තර ඔයාලට ලිපියෙන් අරගෙන ආවා. ඒත් එක්කම මතක් කරන්න ඕනේ පළවෙනි කොටසේ ඉඳන්ම 10,000 ක ඩවුන්ලෝඩ් කවුන්ට් එකක් තිබුණා. ඉතිං අදහස් පළ කරලා මාව දිරිගන්වපු හැමෝටම වගේම මාව විශ්වාස කරලා මුල ඉඳන්ම බයිස්කෝප් එක්ක එකතු වෙලා හිටිය හැම කෙනෙක්ටම බොහොම ස්තූතියි. එහෙනම් ඉතිං වැඩේ අවසන් කරන ගමන් අදට මම සමුගන්නවා. ආයෙත් දවසක බයිස්කෝප් සිංහලෙන් තුළින් මුන ගැහෙමු.

Laters gators

Season 01 Episode 06: “Gods and Monsters”

Directors: Mohamed Diab
Run time: 47 minutes
Air Date: May 4, 2022
IMDB rating: 8.3
Age rating: TV-14

 

 

 

 

Due to copyright issues, we no longer provide any torrent links.

මෙම උපසිරැසිය ඉහත WEB පිටපත් සඳහා පමණක් වලංගු වේ.

26,609 downloadsDownload Moon-Knight-S01-E06.zip17 KB

මේ ලබා දී ඇති සිංහල උපසිරැසි පිළිබද “ සචින්ත කල්හාර බෙනට් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-12-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.