Reacher [S03 : E08] Sinhala Subtitles | අවසන් නොකළ කාර්යය [සිංහල උපසිරසි]

Reacher Season 03 Sinhala Subtitles ඔන්න එහෙනම් මුලදිම පොරොන්දු වුණ පමණින් රීචර් දැනට නිකුත් වෙලා තියෙන සීසන් තුනම ගෙනාවා. ඒවගේම ඔන්න ලිපිය මුලම සඳහන් කරනවා, මං මේ ලිපිය අලුත් කරනකොට, රීචර් සීසන් 4 වැන්න නිකුත් වන දිනය නිවේදනය කරලා අවසන්. ඒ අගෝස්තු මස 12 වෙනිදා. ඒවගේම නීලිව ප්‍රධාන කරගත් වෙනම spin-off සීරිස් එකකුත් මේ වෙද්දි නිවේදනය කළා. ඒ සීරිස් එක නිකුත් වෙන්නෙ සැප්තැම්බර් මස 16 වෙනිදායි. එහෙනම් දැන් හැරෙමු රීචර් සීසන් 3 අවසානය සනිටුහන් කරන්න. මං ඔන්න මුලු කතාවම මෙතන සරලව සඳහන් කරන්නයි යන්නෙ. ඉතිං කියවන්න අකමැති කෙනෙක් skip කරලා උපසිරසිය අරන් යන්න, කමෙන්ට් එකකුත් දාන්න අමතක කරන්නෙපා. පෙර මතකයන් තුළින්, තමන්ගෙ මුල්ම ගෝලයා වුණ ඩොමිනික් කෝල්ව, ලොකු ආයුධ ජාවාරම් කාරයෙක් වන සේවියර් ක්වින් විසින් ඝාතනය කරායින් අනතුරුව එහි පළිගැනීම විදිහට ජැක් රීචර් සේවියර් ව හිසට වෙඩි තබා කන්දකින් පහල විශාල ජලාශයකට වට්ටනවා. ඊට සෑහෙන කාලෙකට පසුව අහම්බෙන් වගෙ රීචර් ක්වින් තවමත් පණපිටින් ඉන්නවා දකිනවා. ඉතිං ඔහු වහාම 110 ඒකකයේ දැනට සිටින නිලධාරීන් වෙත දුරකථන ඇමතුමක් ලබාදී ක්වින් ගමන් කළ රථයේ විස්තර හොයා බලනවා. ඉතිං පසුව ඉන් අනතුරුව රීචර් නැවතී සිටින එපාට්මන්ට් එකට නානඳුනන කාන්තාවක් සහ පිරිමි පුද්ගලයන් දෙදෙනෙකු එන්නෙ රීචර් වෙත යෝජනාවක් එක් කරමින්. ඒ රීචර් විසින් සොයා බැලූ රථයෙ අයිතිකරු ඔවුන් සොයන පුද්ගලයා බවත්, තමන්ගෙ රහස් ඔත්තු නිලධාරිනියක්ව තමන් ඒ පුද්ගලයාගෙ නිවසෙ සේවිකාවක් ලෙස රැකියාවට යැවූ බවත් මෙම කාන්තාව නොහොත් ඔෆිසර් ඩෆී පවසනවා. ඩෆී ට තම ඔත්තුකාරියව සොයාගන්නටත්, තමන්ට ක්වින් ව කොටු කරගන්නට අවශ්‍ය නිසාත් හතර දෙනාව එක්ව විසාල සැලසුමක් ගොඩ නගන්නෙ, මෙහි පොදු පුරුක වන බෙක් ගෙ රිංගා ගැනීමටයි. ඒකට රීචර් සහ ඩෆී කණ්ඩායම කරන්නෙ බෙක්ගෙ පුතාව ව්‍යාජ පැහැරගැනීමකට ලක් කරනවා වගෙ රඟපාමින් රීචර් විසින් ඔහුව බේරාගෙන හිත දිනාගෙන බෙක්ගෙ නිවසට යාමයි. එතනදි සැලසුම් කර පරිදිම රීචර් හට බෙක්ගෙ නිවසෙහි ආරක්ෂක තනතුරක් ලැබෙනවා. එහි දි ඔහුගෙ විස්වාසය පිරික්සුම් කෙරෙන විවිධ පරීක්ෂණ කිහිපයකටම රීචර් හට සිදු වෙනවා. කණ්ඩායමෙ එකිනෙකාව ඉවරයක් කරමින් සහ කොටවමින් රීචර් ඉතා සූක්ෂමව තමන් ආපු මෙහෙයුම කරගෙන යන අතර අවසානයෙ බෙක්ගෙ ත් ලොක්කා වෙන එහෙමත් නැත්තම් මෙච්චර දවසක් රීචර් හොයපු ක්වින්ව රීචර් ට මුණ ගැහෙනවා. නමුත් ඒ වෙද්දි ක්වින්ට තමන්ට පහර දුන්නෙ රීචර් බව කිසිඳු මතකයක් ඉතිරි වෙලා නෑ. ඊටත් පසුව රීචර් 110 වෙනි විශේෂ විමර්ශන ඒකකයෙ නිලධාරියෙක් බවත්, මීට කලින් ඔහු තමන්ගෙ ගෝලයෝ කීපදෙනෙක් ගැන පසුබිම් පරීක්ෂා කර තිබෙන බවත් ක්වින් නොහොත් අද නම වෙනස් කරන් සිටින මැකේබ් දැනගන්නවා. පසුව බෙක්ගෙ නිවසින් වහාම පැනගන්නා රීචර් නැවතත් යන්නෙ ඩෆී සහ විලනුයිවා සොයාගෙන. පසුව රීචර් බෙක්ව ත් හවුල් කරගෙන මැකේබ්ව කොටු කරගැනීමට සැලසුමක් ගොඩ නගන්නෙ, මැකේබ් මෙවර සිදුකරන විශාලම අවි ජාවාරම අතරතුර ඔහුව කොටු කරගන්නයි. සියල්ලම සැලසුම් සහගතම කිරීමට නියමිතව තිබියදී කාටත් වඩා ඉස්සරහින් හිතන මැකේබ් සම්පූර්ණයෙන්ම තමන්ගෙ සැලසුම වෙනස් කර තිබෙන්නෙ බෙක්ට ත් කිසිඳු හාන්කවිසියක ඉඟියක්වත් නොදීමයි.  ඉතිං ඔන්න ඔය විදිහට තමා අපිට මේ පාර සීසන් 3 එකෙ කලින් කොටස් වල කතාව බලාගන්න ලැබුණේ. එහෙනම් අද අවසන් කොටසින්, රීචර් ට පුළුවන් වෙයිද තමන්ගෙ පලවෙනිම ගෝලයා මරපු ක්වින්ගෙන් පළිගන්න? ඩෆීට පුළුවන් වෙයිද තෙරේසාව හොයාගන්නට? එහෙනම් මේ කොටස බලලා ඉන්නම වෙනවා. හැමෝටම සුභ දවසක්!! ජයවේවා!!

 

 

Reacher S03E08 – Unfinished Business
Release Date – March 27, 2025
IMDb Rating – 8.4/10
Season 04 Coming Soon…

 

Reacher Season 03 Sinhala Subtitles

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

634 downloadsDownload Reacher-S03E08-Sinhala-Subtitles.zip22 KB

 

මේ ලබා දී ඇති සිංහල උපසිරැසි පිළිබද “රුක්ෂාන් ඛාන් (රුකා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank
SILVER MEMBER
JOINING DATE – 2021-09-27

SUB-MAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

 

                                                             

 

Reacher s03 Sinhala Subtitles