Sacred Games S02E08 Sinhala Subtitles | විනාශය! [සිංහල උපසිරැසි සමඟ] (18+)

මගේ ජීවිතය මොන තරම් කාලකණ්ණි එකක්ද කියලා කල්පනා කරනකොට,
මට ඒ හැටි සවුත්තුම එකක් නෙමෙයි තිබ්බෙ කියලත් හිතුණා.
ඒත්, මං මගේ ඔළුවට තුවක්කුව තියාගෙන
තත්පර දෙකක් යද්දි හැමදේම ටක්කෙටම පැහැදිලි වුනා.
දිවාලි වලට මගේ අම්මා හදාපු රස කැවිලි රස…
ගමේ අයිස් වගේ හීතල වැවට පනිනකොට
හිතට දැනෙන ත්‍රාසය…
පලවෙනි වතාවට ගෑණු දැරිවියක් මාව බදාගත්තාම,
මගේ හදවත මෙලෙක් වෙලා,
හයියෙන් ගැහෙන්න ගත්ත විදිය…
බන්ටිගෙ අඟර දඟර කතාව…
බිව්වට පස්සෙ මාතුගෙ ඉංග්‍රීසි කියවිල්ල…
හැමතිස්සෙම පිලී ගඳ ගහන කාන්තා බායිගෙ ඔළුව…
මං තේරුම් ගත්තා, ඒ හැමොගෙම ජීවිත වල
එක එක විදියෙ සුන්දර මොහොතවල් තියෙනවා කියලා.
ටිකෙන් ටික මං එයාලගෙ ජීවිත දකින්න ගත්තා…
ඒත්, එක තත්පරයෙන් ඒ ඔක්කොම නැතිවෙලා ගියා.
හැම ලස්සන මොහොතක්ම,
ඒ මිනිස්සු…
ඒ තැන්…
හැමදෙයක්ම අළු දූවිලි වෙලා ගියා.
මේ ඔක්කොම මට තේරුම් යනකොට,
මං හිටියෙ මිනී වලක.
ඒත්, ඔහේට එහෙම නෑ, සර්ටාජ් ජී.
මේ ලෝකෙ බේරගන්න බලන්න!

– ගනේශ් ගයිතොන්ඩෙ –

පුරා අවුරුද්දකට අධික කාලයක්… කතා සමයන් දෙකක්… කතාංග 16ක් පුරාවට ත්‍රාසය, භීතිය, කුතුහලය, භීෂණය අතරේ ඔබව වෙහෙසට පත්කරන ලද, අද්විතීය කතා මාළාවක අවසාන කොටස සමගිනුයි ඔබ මේ අත්වැල් බැඳගන්නෙ. හතු පිපෙනවා වගේ දවසින් දවස ඕනෙ තරම් කතා මාලා අළුතින් පටන්ගන්නවා. හැබැයි, ඉන්දියාව කියන නාමය ජාත්‍යන්තරය වෙත අරගෙන ගියපු මේ කතා මාලාව නිසැකවම ඔබටත් වෙනස්ම ආරක නැවුම් වූ අත්දැකීමක් වෙන්න ඇති නිසැකවම. මං මේ කියන්නෙ ඇත්තද, බොරුද, ඇයි එහෙම කියන්නෙ කියලා මේ තාක් කතා මාලාවත් එක්ක රැඳී හිටපු ප්‍රේක්ශකයෝ හොඳාකාරවම දන්නවා ඇති. කොටින්ම කියනවා නම්, පලවෙනි කතා මාළාවෙ අවසාන කොටස ඉවර වෙන්නෙ ප්‍රේක්ශකයාව පිස්සෙක් කරමින්. එතකොට අදින් දෙවන කත මාලාව අවසන් වෙනවා… තවත් අතිමහත් ප්‍රශ්නර්ථයක් ඔබ ඉදිරියේ තබමින්.

ඇත්ත ඇති සැටියෙන් කියනවා නම්, පලවෙනි කතා මාලාව පුරාවටම කතාව තුල තිබිච්ච ත්‍රාසය, භිතිය, කුතුහලය, භිෂණය, දෙවන කතා සමයට පවත්වාගෙන එන්න පුළුවන් වුණාදෝ කියන සැකයක් පෞද්ගලිකව මං තුල තියෙනවා. පලවෙනි කතා සමයේ අති සාර්ථකත්වයත් එක්ක දෙවන කතා සමය නිර්මාණය කිරීමට ඉන්දියානු රුපියල් කෝටි 100ක දැවැන්ත බරපැණක් යොදාගෙන තිබුණා. මේ තමයි, ඕනෑම ඉන්දියානු කතා මාළාවක් වෙනුවෙන් වියදම් කල වැඩිතම මුදල් ප්‍රමාණය ලෙස වාර්තා පොත් අතරට එකතු වෙන්නෙ. නමුත්, වියදම් කල මුදල් ප්‍රමාණයට සාපේක්ශව, පලමුවන කතා සමයට සාපෙක්ශව, ඔබ මේ දෙවන කතා සමය රස වින්ඳාද? තීරණය මේ තාක් පැමිණි ඔබ සතුයි.

අවසාන වශයෙන්, තෙවනි කතා සමයක් ඒවිද? නිශ්පාදකවරු කියන විදියට මේ තමයි කතා මාලාවේ අවසානය. නමුත්, කතාව අවසානයේ ඔබ දකීවි, ඔබ ඉදිරියේ දැවැන්ත ප්‍රශ්නාර්ථ ලකුණක්… නමුත්, නිශ්පාදකවරු පවසා සිටියා, අවශ්‍ය වුවහොත් තෙවනි කතා සමයක් වෙනුවෙන් දොරගුළු විවර කරමින් තමයි ඔවුන් දෙවන කතා සමය නිමා කර තිබෙන්නෙ කියලා. කොහොම වුණත්, පලවෙනි කතා සමයේ කතාංග අටම තනියෙන් කරගහගෙන ආවා. ආපහු හැරිලා බලද්දි වෙලාවකට පුදුමත් එක්ක, කතාංග අටක්, තනියෙන් එච්චර ඉක්මණට දුන්නෙ කොහොමද කියලත් එක්ක. ඒත්, ඒ දවස් වල කතා මාලාවට තිබ්බ අධික ඉල්ලුම සහ ප්‍රේක්ශකයින්ගේ අතිමහත් අදහස් සහ දිරි ගැන්වීම් එක්ක ඒ වගේ අරුමයක් පාන්න පුලුවන් වෙච්ච එක අරුමයකුත් නෙමෙයි. කොහොමවුණත්, දෙවන කතා සමය වෙනුවෙන් මාත් සමගින් චානක ඉඳුනිල්, මයුර සුරාජ් සහ අශාන් විමුක්ති එකතු වෙනවා.[මීට අමතරව විශේශ ස්තූතිය – අචින්ත උදයංග සොහොයුරාට] පලවෙනි කතා සමයටත් වඩා ඉක්මණින් උපසිරැසි ඔබ අතට පත් කරන්න මේ නිසාම ඉඩ ප්‍රස්තාව උදා වෙනවා. ඉතිං, බොහොමත්ම ස්තුතියි ඔවුන් සියළු දෙනාටම මේ කර්තව්‍යය සාර්ථක කරගන්න දැක්වූ මහඟු දායකත්වයට.

එසේනම්, තෙවනි කතා සමයක් පැමිණියා හෝ නොපැමිණියා වේවා, මේ තමයි මෙම කතා මාළාව තුලින් නියත වශයෙන්ම මා ඔබ හමුවට පැමිණෙන අවසාන අවස්ථාව. කතා මාළවේ ඉදිරිය පිළිබඳව ප්‍රශ්නාර්ථ රාශියක් ඔබ සන්තක කරමින්, අවසරයි එසේනම් Sacred Games කතා මාළාව තුලින් ඔබගෙන් සමුගෙන යෑමට. කතාංග 16 ක් පුරාවට ඔබගේ වටිනා අදහස් වලින් අපව පෝශණය කලාවූ සහෝදර ඔබ සැමටයි මේ ගෞරවණීය ආචාරය. එහෙම නම්, අපි නැවත හමුවෙමු, සැප්තැම්බර් 27 වෙනිදා, බොලිවුඩයේ කිං ඛාං හෙවත් ශාරුක් ඛාන් සහ නෙට්ෆ්ලික්ස් නිශ්පාදන දායකත්වය සහිතව, ඉම්රාන් හශ්මිගේ ප්‍රධාන රංගන දායකත්වයෙන් හැඩ වැඩ ගැන්වෙන්නාවූ Bard of Blood සමගින් 😀

 

 

 

Due to copyright issues, we do not provide any torrent links.

ලබා දී ඇති උපසිරසිය NF WEB-DL පිටපත් සඳහා අදාළ වේ.

9,168 downloadsDownload Sacred-Games-S02E08.zip22 KB

 

මේ ලබා දී ඇති සිංහල උපසිරැසි පිළිබද “ සිසිල ප්‍රසාද් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.