Squid Game [S02 : E07] Sinhala Subtitles | මිතුරෙක්ද? සතුරෙක්ද? [සිංහල උපසිරැසි] [18+]

Squid Game දෙවෙනි සීසන් එකේ අන්තිම එපිසෝඩ් එකට අද සබ් අරගෙන ආවේ. Squid Game.. ටීවී සීරීස් බලන කෙනෙක් නම් මේ නම නොදැන ඉන්න විදියක් නෑනේ. අවුරුදු 3කට කලින් ලොකුම ලොකු රැල්ලක් හදපු Squid Game නමම ෆුල් බ්‍රෑන්ඩ් එකක් වුනා. Hwang Dong Hyuk… Squid Game කතාමාලාවේ Scriptwriter වගේම Director වෙන්නේ මෙයා. සරලවම කිව්වොත් මෙන්න මෙයා තමා Squid Game එකේ නිර්මාතෘ. බොසා Script එක ලියලා ඉවර කරලා තියෙන්නේ 2009 දී. ඉතින් අවුරුදු දහයක් තිස්සේ Reject වෙවී තිබ්බ Squid Game වැඩේට 2019දී විතර අත ගැහුවේ Netflix. ඒවිදියට හැදුනු Squid Game පළවෙනි සීසන් එක 2021 අවුරුද්දේ සැප්තැම්බර් 21 වෙනිදා Netflix හරහා රිලීස් වෙනවා. රිලීස් වෙලා කෙටි කාලෙකින්ම Global Hit එකක් වෙන්න Squid Game සමත් වෙනවා. මිලියන 142 කට අධික Netflix ප්‍රේක්ෂකයින්ව ආකර්ෂණය කරගෙන පළවෙනි සති හතරේ විතරක් බිලියන 1.65 කට අධික නැරඹුම් පැය ගණනක් Squid Game වාර්තා කරනවා. ඒ විදියට එදා මෙදා තුර Netflix හි සති හතරක් තුල වැඩිම නැරඹුම් වාර සංඛ්‍යාවකට හිමිකම් කියන සීරීස් එක වෙන්න වගේම රටවල් 94කම වැඩි දෙනෙක් නැරඹු වැඩසටහන වෙන්නත් Squid Game සමත් වෙනවා.                                                                                    ඒවිදියට Netflix Records කුඩුපට්ටම් කරලා දාපු Squid Game එක Award පිට Award ගැහුවා. 2021 Golden Globe Awards එකේදි හොදම සහය නළුවා විදියට Oh Yeong Su පිදුම් ලැබුවා. දකුණු කොරියානු නළුවෙක් Golden Globe එකක් දින්න පළවෙනි අවස්ථාව ඒ. ඊළගට 2021 SAG Awards එකේදි Outstanding Performance කාණ්ඩය යටතේ Lee Jung Jae සහ Jung Ho Yeon සම්මාන දිනාගන්නා සමත් වෙනවා. SAG Awards දිනපු පළවෙනි Non-English සීරීස් එක තමා Squid Game. තව 2022 අවුරුද්දේ Primetime Emmy Awards එකේදි Nomination 14ක් ලබලා ඒකෙන් 6ක්ම දිනන්න Squid Game එක සමත් වෙනවා. Emmy එකක Nominate වුන වගේම Win කරපු පළවෙනි Non-English සීරීස් එක තමා මේ. 2025 Golden Globe Awarda එකේ Best TV Series එකටත් Squid Game Nominate වෙලා තියේ. මන් මේ කිව්වේ පොඩ්ඩයි. Nominations වගේම Awards හෙන බර ගානක් මේ වෙද්දි Squid Game දිනලා තියෙනවා. Squid Game මෙච්චර සාර්ථක වෙයි කියලා හීනෙකින්වත් හිතුවේ නෑ කියලා තමා Hwang Dong Hyuk බොසා කියලා තියෙන්නේ. දෙවෙනි සීසන් එකක් කරන්න අදහසක් කලින් තිබිලා නැතිවුනත් පළවෙනි සීසන් එකේ සාර්ථකත්වේ හින්දම කතාව Continue කරගෙන යන්න එයා තීරණය කරනවා. ඔන්න ඒවිදියට තමා දෙවෙනි සීසන් එක නිර්මාණය වෙන්න පාර හැදෙන්නේ. ඉතින් පළවෙනි සීසන් එක රිලීස් වෙලා අවුරුදු තුනකට වැඩි කාලෙකට පස්සේ තමා මෙහෙම Squid Game සීරීස් එකේ දෙවෙනි සීසන් එක රිලීස් වෙන්නේ.                                                                                                   දෙවෙනි සීසන් එකේ මුළු එපිසෝඩ් ගාන 7යි. 26 රිලීස් වුනාට මේකේ World Premier එක නම් තිබුනේ දෙසැම්බර් 09 වෙනිදා සෝල් වලදී. වොන් බිලියන 100ක බජට් එකක් දාලා තමා දෙවෙනි සීසන් එක හදලා තියෙන්නේ. කොරියානු කතාමාලා ඉතිහාසයේ එදා මෙදා තුර වැඩිම වියදමක් දරලා නිර්මාණය කරපු සීරීස් එක තමා මේක. ඉන්න නළු නිළියෝ සෙට් එක දැක්කම ඉතින් පුදුමයක් නෑ. දෙවෙනි සීසන් එකේ විශේෂත්වේ වගේම මාත් මග බලන් ඉදපු ලොකුම හේතුව තමා කාස්ට් එක. Main Roles විතරක් කරන ගොඩක් ප්‍රසිද්ධ නළු නිළියෝ තමා මේකේ Supporting Roles කරන්නෙත්. මෙහෙම කාස්ට් එකක් එක සීරීස් එකකින් බලාගන්න පුළුවන් නම් ඒ Squid Game වලින්ම තමා ඉතින්.                                                                                                         මේ දෙවෙනි සීසන් එකේ එපි හතෙන් පහකට සබ් දුන්නේ මන්. ඉතුරු එපි දෙක කරපු යුරාන් සහෝදරයවයි, දෙනුර සහෝදරයවයි විශේෂයෙන් මතක් කරනවා. තව ඒ දෙන්නව සෙට් කරලා ලොකු සප් එකක් දුන්න ඔලිව සහෝදරයව‍යි, ඒවගේම මොනාහරි අහලා මැසේජ් එකක් දාපු ගමන් රිප්ලයි කරන රවිදු අයියවයි විශේෂයෙන් මතක් කරනවා. අන්තිම එපිය ගැන මන් මුකුත් කියන්න යන්නෑ. කුතුහලයත් එක්ක ඔයාලා බලන්නකෝ. දෙවෙනි සීසන් එක ඉවර වෙන්නේ කතාව මග නවත්තලා. ඉතින් බොහෝ දුරට තුන්වෙනි සීසන් එක ඒ නවත්තපු තැනින්ම පටන් ගනියි. Season 3 ලබන අවුරුද්දේ අග තමා එන්න නියමිතව තියෙන්නේ. ඒකටත් බයිස්කෝප් එකෙන් ඔයාලට අනිවාරෙන් උපසිරැසි අරන් එයි. මේ සීසන් එකේ සබ්වලට කමෙන්ට් එකක් දාන්න නතර වුනු හැමෝටම ස්තූති කරන ගමන් Squid Game දෙවෙනි සීසන් එකත් එක්ක අදට මන් සමුගන්නවා. එහෙනම් තවත් උපසිරැසියකින් හමුවෙමු. හැමෝටම සුභ දවසක්!

 

 

 

Due to copyright issues, we do not provide any torrent links.

ලබා දී ඇති උපසිරසිය WEB පිටපත සඳහා අදාළ වේ.

12,463 downloadsDownload Squid-Game-S02E07-END.zip19 KB

 

මේ ලබා දී ඇති සිංහල උපසිරැසි පිළිබද “ නයන බුද්ධික ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය. 

 

Subtitle Contributor Rank

SILVER MEMBER
JOINING DATE – 2023-01-14

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.