Stargirl (2020-) [S01 : E08] Sinhala Subtitles | සින්තියා, හෙන්රි සහ ස්ටාර්ගර්ල්..! [සිංහල උපසිරැසි සමඟ]

ආයුබෝවන්..!

ස්ටාර්ගර්ල් කතා මාලාවේ අටවැනි කතාංගය එක්ක තමයි මේ එකතු වෙන්නෙ. ඊට කලින් වැදගත් දෙයක් මතක් කරන්න තියෙනව. ස්ටාර්ගර්ල් කතා මාලාව දෙවැනි කතා සමයේ ඉඳල නිෂ්පාදන කටයුතු සඳහා CW නාලිකාවට නිළ වශයෙන් ලබා දීල තියෙනව. ඒ වගේම Titans කතා මාලාවත් Netflix නාලිකාවට ලබා දුන්න කියල නොනිල ආරංචියක් තියෙනව. ඉතිං හැම කෙනෙක්ම දන්නව CW ආයතනය ලබා ගන්න සීරීස් වලට වෙන්නෙ මොකද්ද කියන එක. ඒ ගැන Arrowerse කතා මාලාව දිහා බැලුවම ඕන කෙනෙකුට පේනව. DC Originals කතා මාලාවක් විදියට නිෂ්පාදනය වුණු කතාවක් විදියට එතකොට අපිට වෙන්නෙ පළවෙනි කතා සමය බලල හිත හදාගන්න. පුද්ගලිකව මමත් ආස නෑ CW කතා මාලා බලන්න. කෙනෙක් මට චෝදනා කරන්න පුළුවන් “මඟදි නවත්තන්න නම් සීරීස් පටන් ගන්නෙපා කියල.” ඉතිං පුද්ගලිකව මම ඇඩ්මින්වරුන්ගෙන් ඉල්ලීමක් කළා මේ කතා සමය විකාශය කරල යම් කාල සීමාවකට පස්සෙ ස්ටාර්ගර්ල් කතා මාලාව වෙබ් අඩවියෙන් ඉවත් කරන්න කියල. ඇඩ්මින්වරු ඒ ගැන මොනවගේ තීරණයක් ලබා දේවිද කියන්න මම දන්නෙ නෑ. මගේ කාලය සහ මහන්සිය අපතේ යෑමක් වුණත් සුබදායී ඉදිරියක් නැති කතා මාලාවකට දෙවැනි කතා සමයක ඉඳල උපසිරැසි ලබා දෙන්න රුචියක් මට ඇති වෙන්නෙ නෑ. ඒ නිසා දෙවැනි කතා සමය ගැන තීරණයක් ගන්න අනාගතේදි සිද්ධ වෙනව.

දැන් කතා මාලාව දිහාවට හැරෙමු. ඉතිං පහුගිය කතා සමයේ අපි දැක්ක සින්ඩි සහ ස්ටාර්ගර්ල් අතරෙ ඇතිවුණු දරුණු ද්වන්ධ සටනෙන් තව පොඩ්ඩෙන් ස්ටාර්ගර්ල් මරණයට පත් වෙන්න පවා ඉඩ තිබුණ. කඩුවක් අතින් ගත්ත නාඳුනන කෙනෙක් එකවර ඉදිරිපත් වෙලා සින්ඩිගෙ ප්‍රහාරය වලක්වල ස්ටාර්ගර්ල්ගෙ ජීවිතය බේරා ගත්ත. මේ අතරෙ හෙන්රි ටිකෙන් ටික වෙනස් වෙමින් ඉන්නෙ. හෙන්රිගෙ ටෙලිපැතික් බලය ක්‍රමයෙන් අවධි වෙමින් තියෙන්නෙ. මොකුත් නොදන්න හෙන්රි තාම මේ ගැන වික්ෂිප්ත වෙලා දරුණු විදියට අපහසුවට පත් වෙලා ඉන්නෙ. අද කතාංගය සින්ඩි සහ ස්ටාර්ගර්ල් අතර ඇති වෙන සටනේ දෙවැනි කොටස කියල හඳුන්වන්න පුළුවන්. කෝර්ට්නිට වුණු අකරතැබ්බය වහන්න පැට් ලොකු වෙහෙසක් දරනව. ඒ නිසා ලෝකයා කෝර්ට්නිගෙ අනතුර කාර් අනතුරක් විදියට දකින්නෙ. හැබැයි සින්ඩි මේ අතරෙ අද අමුතු වැඩක් කරනව. ඒ වගේම බෙත්, ඩොක්ටර් මිඩ්නයිට් කියන චරිතය ඇත්තටම බෙත්ට ගැලපෙනව කියල ඔප්පු කරනව. ඒ වගේම හෙන්රි අද නොදැනුවත්ව ලොකු ක්‍රියාදාමයක කොටස්කාරයෙක් වෙනව. ඊලඟ කතාංගයෙන් හමුවෙමු. ජය වේවා..!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි WEB පිටපත සඳහා අදාළ වේ.

3,094 downloadsDownload Stargirl-2020-S01-E08.zip23 KB

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.