Supernatural [S10 : E21] with Sinhala Subtitles | දුෂ්ඨ වංශය [සිංහල උපසිරැසි සමඟ]

ඔන්න මේ සීසන් ඒකෙත් අවසාන තුනට ආවා.

රොවීනා කියනවා හොයාගත්ත කෝඩෙක්ස් එකත් ලියලා තියෙන්නේ කියවන්න බැරි විදිහට කියලා. ඉතින් සෑම් චාලිටයි කැස්ටයි උදව්වට එන්න කියනවා. මේ අතරේ ඩීන් ස්ටයින් පවුල ගැන හෝඩුවාවක් හොයා ගන්නවා. ස්ටයින් පවුල කියන්නේ ඇත්තටම කවුද කියලා අද දැනගන්න පුළුවන්. පහුගිය සතියේ කට්ටිය දීලා තිබුන උත්තරවල හැටියට ගොඩක් අයට අද කතාවත් ශෝකාන්තයක් වෙයි. බලලම දැනගන්නකො.
—————————————-
කලින් සතියේ ප්‍රශ්න ටිකටත් උත්තර දුන්න අයට ස්තුතියි

4. මදැයි මැරිච්ච අය ගැන ප්‍රශ්නයක් ඇහුවා. අහලා හැරෙන්න කලින් ඔන්න අද තව එක්කෙනෙක් ඉවරයි. සුපර්නැචුරල් කියන්නේ මැරිච්ච එව්වෝ මැරිලාම ඉන්න කතාවක්නං නෙමේ. ඒත් දැනට ආපහු ආවේ නැති මැරුණ චරිත ගැන මතක් කලොත්

මුලින්ම මේරි වින්චෙස්ටර් මැරුණා කතාවට ආරම්භයක් දීලා. ඊළගට ජෙසිකා (සෑම්ගේ ගර්ල්ෆ්‍රෙන්ඩ්)

දෙවැනි සීසන් එක පටන් ගනිත්දී ජෝන් වින්චෙස්ටර් මැරුණා ඩීන්ව බේරගන්න ගිහින්. දෙවැනි සීසන් එකේදී මැරෙනවා ඈශ්නුත්. (එලන්ගේ තානායමේ හිටපු කම්පියුටර්කාරයා) ඒ වගේම කතාවේ ආරම්භක හතුරා ඇසේසල් (කහ ඇස්) ගේ මරණෙන් තමයි සීසන් එක ඉවර වුනේ.

ගෝර්ඩන් දඩයකරයා වැම්පයර් කෙනෙක් වෙලා මැරෙනවා තුන්වෙනි සීසන් එකේදී.  කොච්චර බැලුවත් එපා වෙන්නේ නැති අති දක්ෂ  හෙර බෙලා අපරාදේ මැරිලා යනවා තුන් වෙනි සීසන් එක ඉවර වෙත්දී. දිගටම හිටියනං හොද හොද වැඩ කරන්න තිබ්බා.හතරවෙනි සීසන් එකේ සැහෙන ගානක් මරණ තියෙනවා. ඒ අතරෙන්, ඩීන්ට අපායේදී වද දෙන හැටි උගන්නපු ඇලස්ටෙයාර්, සාස්තර කියන පැමලා, කැස්ගේ දෙවනියා යුරීයෙල්,  මතක හිටින චරිත. සීසන් එක ඉවර වුනේ රූබිගෙයි ලිලිත්ගෙයි මරණෙන්. පස්වෙනි සීසන් එකෙදී සෑම්ගෙයි ඩීන්ගෙයි මල්ලි ඇඩම් මිලිගන්, ඒන්ජල් ඇනා, ඒන්ජල් සැකරායා සහ තවත් අය මැරෙනවා. ඒ අතරෙන් එලන්නුයි ජෝයි, ආක්ඒන්ජල් ගේබ්‍රියල්නුයි(ට්‍රික්ස්ටර්) හරිම කනගාටු හිතෙන මරණ තුනක්. මේගොල්ලෝ ආපහු එනවට කවුරුවත් අකමැතිනං වෙන එකක් නෑ.

හයවෙනි සීසන් එකේදී ටයිටැනික් බේරගත්ත බැල්තසාර් මැරෙනවා. ඊව් යකින්න, ආක් ඒන්ජල් රෆායල්, බොබීගේ යාලුවා රූෆස්  ටර්නර් වගේම සෑම්ගෙයි ඩීන්ගෙයි අම්මගේ පැත්තෙන් සීයා, සැමුවෙල් කැම්බෙල්නුත් මැරෙන්නේ හයවෙනි සීසන් එකේදියි. ෆ්‍රෑන්ක් ඩෙවරෝ පිස්සු කම්පියුටර්කාරයා මැරෙන්නේ හත් වෙනි සීසන් එකේදියි.

හත් වෙනි සීසන් එකේදීම තමයි රසිකයන්ව දුකෙන් දුකට පත් කරලා බොබී සිගර්නුත් මැරෙන්නේ. සීසන් තුනකට පස්සෙත් රසිකයෝ තවමත් බලාගෙන ඉන්නේ කොයි වෙලේ හරි බොබී ආපහු එයි කියලයි. සීසන් එක ඉවර වෙන්නේ ඩික් රෝමන්ගේ මරනෙන්. තව ලවායතන්ලා ගොඩකුත් මැරෙනවා. අටවෙනි සීසන් එකේදී වැම්පයර් බෙනී මැරෙනවා. මේ සීසන් එකේදිම තමයි ක්‍රව්ලි මෙග්ව මරන්නේ. සීසන් අටක්ම හිටපු චරිතේ මෙග්ව මරපු එක අපරාදේ කියලයි මටනං හිතෙන්නේ.

නවවෙනි සීසන් එකේදී ගැඩ්‍රීයල් දිවිනහගන්නවා. කෙවින් ට්‍රැන් මැරෙනවා. රීපර් ටෙසා මැරෙනවා.

දහවෙනි සීසන් එකේදී දැනට කේන් මැරුණා.  අද තව එකෙකෙනෙක් මැරුණා. තව සුළු චරිත කීපයක්වත් මැරෙයි මගේ හිතේ. විශේෂයෙන් “ස්ටයින්”ලා කීපදෙනෙක්වත්  🙂   😛

මීට අමතරව දැනට පණපිටින් ඉන්න ප්‍රධාන චරිත ඔක්කොම වගේ එක සැරයක් හරි මීට කලින් මැරිලා තියෙනවා (ක්‍රව්ලි ඇර)

5. දැනට ඉන්න ප්‍රධාන චරිත නොවන චරිත ගැන කිව්වොත්,
කවුරුත් අකමැති මෙටට්‍රෝන්, චාලි බ්‍රැඩ්බරි, ෂෙරිෆ් ජෝඩි මිල්ස්, ගාර්ත් (ගොඩක් අය සදහන් කරලත් තිබ්බා. ගාර්ත් මාර ජනප්‍රියයිනේ බැලුවම  😛 )   පිස්සු බෙකී, හැරී ස්පෙන්ග්ලර්යි එඩ් සෙඩ්මෝයි, ඇල්ෆා වැම්ප්, හැනා  ඒන්ජල් වගේ කට්ටිය පහුගිය සීසන් වල ෂෝ එකට එකතු වුන අයයි.

දහවෙනි සීසන් එකේදී, මුලින්ම කෝල්, පස්සේ රොවීනා, ක්ලෙයා (ඇත්තටම මෙයා කලින් හිටියා), තව කවුරුත් එකතු වුනාද කියලා මට මතක නෑ.

ඒ වගේම සුළු චරිත විධිහට පටන් අරං අද අනුප්‍රධන චරිත බවට පත් වෙලා තියෙන කැස්ටියෙල්නුයි, ක්‍රව්ලියිනුත් ඉන්නවා. පෞද්ගලිකව මටනං දැනෙන්නේ හොද චරිත ඔක්කොම මැරිලා වගෙයි.  මම අන්තිම සීසන් තුනක් විතරම බැලුවේ ක්‍රව්ලි නිසයි. කොහොම අහක දාන්නද ගෝනටයි ලේනටයි කියන කැත කතා ටික බලන්නේ නැතුව?  😛  😛

6. අකමැති කවුද කියන එකටනං  අමුතුවෙන් මතක් කිරීමක් නැහැ ලියන්න, මටනං හතුරෝ ඔක්කොමලා වගේ හොදයි. උන් මැරෙනවට මංනං කැමති නෑ. හැබැයි කතාවේ ඉන්න පොඩි එව්වෝ නිසා ෂෝ එක  CW එකේ තියෙන අනික් වැඩසටහන් වගේ ටීනේජ් ෆැන්ටසියකට හැරෙනවා වගෙයි මට දැනෙන්නේ. උන් ටික මැරිලා යනවානං හොදයි. තව, කෙවින් මැරෙනකම් මං සීසන් දෙකක් බලා හිටියා. දැන් චාලි මැරෙනකම් බලා ඉදලා සීසන් තුනක් විතර වෙනවා. (හෝව්, හෝව්, ඔහොමත් තරහා ගන්න ඕනෙද?  😉   😉   😉   ) කතාවට චාලිගේ ගති ගුණ ගැලපෙන්නේ නෑ කියලයි මට හිතෙන්නේ. කම්පියුටර් කාරයෙක් ඕනේ නං ඉස්සර හිටපු ඈශ් නැත්නං ෆ්‍රෑන්ක් ඩෙවරෝ වගේ චරිතයක් හදන්න තිබ්බ. එහෙම වුනානං වැඩිය ගැලපෙනවා, ගෑනු චරිතයක් ඕනේ නං එලන්, ජෝ, බෙලා. පැමලා මේ කවුරුත් ෂෝ එකේ ස්වභාවයට ගැලපෙනවා චාලිට වඩා. 

7. යක්කු ජාතිනං ඉන්නවා මතක් කරන්න බැරි තරම්. ප්‍රධාන එව්වෝ ගැන කිව්වොත්,
හොල්මන්, වැම්පයර්ලා, වෙයාවුල්ෆ්ලා, ශේප්ශිෆ්ටර්ලා, ගූල්ලා, ස්කින්වෝකර්ස්ලා, ලවායතන්ලා, මිත්‍යාදෘෂ්ටික දෙවිවරු, ව්රෙත්ලා, ජින්ලා,  කාන් පනුවෝ, සොම්බි, අසරුවෝ, යක්දෙස්සියෝ  සහ තව තව එවුන් මහ ගොඩක්.

කොතනදී හරි හොද පැත්තට උදව්වක් කරලා තියෙන යාළු යක්කු ගැන කිව්වොත්, ඇල්ෆා වැම්ප්, බෙනී, ගාර්ත්, මාරයා, වෙයාවුල්ෆ් කේට් වගේ අය සෑම්ටයි ඩීන්ටයි උදව් කරලා රසිකයෝ අතරේ ජනප්‍රිය වුන යක්කු කීප දෙනෙක්

ඒ වගේම ට්‍රික්ස්ටර් ඇත්තටම යකෙක් නොවුනත් හොදම යක්කු කිව්වම ට්‍රික්ස්ටර්ව මතක් වෙනවමයි, මුල් එපිසෝඩ් නිසා. මොකද ෂෝ එකේ අපිව වැඩියම හිනස්සපු යකා මං හිතන්නේ ට්‍රික්ස්ටර් වෙන්න ඕනේ.

මේවත් කියමුද?

8. ෂෝ එක දිගටම බලන්න හිතුනේ (අතාරින්න බැරුව ගියේ) මොන එපිසෝඩ් එකේදීද/මොන සිද්ධියේන් පස්සේද?
9. ෂෝ එක බලලා නැති කෙනෙක්ට දෙන උපදෙස මොකද්ද?
—————————–
අද කතාවේ නම “Dark Dynasty” එනමින් වූ රියලිටි වැඩසටහනක් ඇසුරෙන්
අධ්‍යක්ෂණය : රොබට් සිගර් (Robert Singer)
ලිව්වේ : බ්‍රැඩ් බක්නර් (Brad Buckner) සහ යුජීන් රෝස් – ලෙමින් (Eugenie Ross-Leming)
විකාශනය වුනේ : 2015 මැයි 06
මීලග කොටසෙන්:
10.22 The Prisoner (2015 මැයි 13)
Promo

 

 

 

Due to copyright issues, we do not provide any torrent links.

 

 

Supernatural.S10E21.HDTV.x264-ChameE
Supernatural.S10E21.HDTV.x264-LOL

මෙම ලබා දී ඇති උපසිරැසි ඉහත පිටපත් සඳහා අදාළ වේ.

5,417 downloadsDownload supernatural.1021-baiscopelk.zip53 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “MDG” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

   <<Previous Episode                     All Episodes                        Next Episode >>