The Flash [S02 : E09] with Sinhala Subtitle | දිගටම ගමනේ. [සිංහල උපසිරැසි සමඟ]

හැමදේම සාමකාමිව තිබුන සෙන්ට්‍රල් නගරයේ එක පාරටම නැව් තටාංගනයේ මිනිමැරුම් තුනක් වුනා. මේක කොහොම වුනාද කියලා නම් හිතාගන්න බෑ. හැබැයි ඒ හැම කෙනාගෙම තුවාල වල යකඩ කෑලි නම් තිබුනා. ඔය අතරේ සිස්කෝගෙයි කෙන්ඩ්‍රාගෙයි ආදර කතාව නම් ගොඩක් හොදින් ගලාගෙන ගියා. ඉතින් ඔය අතරේ ඒ දෙන්නා ජිටර්ස් එකේ රෑ කෑමක් ගන්න පොඩි සාදයක් තියන අතරේ අමුත්තෙක් ඇවිත් ඒ දෙන්නට බාධා කලා. ඒ කවුද කියලා නම් දන්නේ නෑ හැබැයි එයාට කෙන්ඩ්‍රාව මරන්න ඕනිවෙලා තිබුනා කියලයි පේන්න තිබුනේ. ඒ මදිවට එයා කෙන්ඩ්‍රාට වෙන ඊජිප්තියානු නමක් කියලයි කතා කලේ. මේ කෙනා නම් හිතන තරම් ලේසි කෙනෙක් වගේ නෙවෙයි. මොකද මෙටා මිනිස්සු එක්ක සටන් කරනවා වගේ නෙවෙයි මේ වගේ මායවන් තියෙන අයත් එක්ක සටන් කරන එක ලේසි නෑ. ඉතින් ‍ඒ දේවල් වලට ගොඩක් දක්ෂ ඒ වගේම අත්දැකිම් තියෙන ඇරෝව හොයාගෙන මම ගියා.

ඒ ගියපු වෙලාවේ නම් ඇරෝ ගොඩක් බිසි වෙලා හිටියේ. කොහොම හරි දරුණු කෙනෙක්ගෙන් ඇරෝව බේරාගන්නත් ඒ වෙලාවේ මට පුලුවන් වුනා. ඉතින් මම ඔලිවර්ගේ අලුත් තැනට ගියා. ඒ තැන නම් හිතනවාට වඩා ගොඩක් හොද ආසා හිතෙන තැනක්. ඉතින් අපි ස්ටාර් සිටි එකට ආව හේතුව ගැන ඔලිවර්ට කිවා. ඔලිවර් නම් කෙන්ඩ්‍රාව ඇරෝගේ ප්‍රධාන මූලස්ථානයට ගෙනාව එක ගැන නම් එච්චර හොද හිතකින් නම් නෙවෙයි හිටියේ. ඒ නිසාම අපි ඔලිවර්ගේ තැනට ගිහින් කතා කරන්න හිතාගත්තා. ඒ වගේම ෆෙලසිටි මේ අමුත්තාගේ හැඩය ඇදපු ෆොටෝ එකක් ඉන්ටර්නෙට් එකේ සර්ච් කලා. අපිට එයාගේ පින්තුරයක් නම් හම්බවුනා. හැබැයි ඉතින් අවුරුදු 80ක් පරණ එකක්. ඒත් එයා ඒ හිටපු විදියමයි. ඒත් ඒක කොහොමද වෙන්නේ?

ඔය අතරේ තමයි සිස්කෝ මට රහසක් කිවේ. එයා කෙන්ඩ්‍රා කිස් කරපු වෙලාවේ එයාට කෙන්ඩ්‍රාට පිහාටු තියෙනවා කියලා කම්පනයක් දැනිලා. ඒ නිසා මේ මිනිහා පස්සෙන් එනවා ඇති කියලයි එයා හිතන්නේ. ඔය කතාබහ අතරේ ඔලිවර්ගේ ගෙදරට අර අමුතු මිනිහා කඩා පැන්නා. එතන හිටපු හැමෝටම පිහිවලින් විදලා මරන්නයි හැදුවේ. මගේ වේගෙට පින්සිද්ද වෙන්න එයාලව බේරාගන්න පුලුවන් වුනා. ඒවගේම ඒ කෙනාව පරද්දන්න පුලුවන් වුනා. හැබැයි ඉතින් එයා මැරුනේ නම් නෑ. ඔය සිද්ධියෙන් පස්සේ සිස්කෝ එයාගේ බලය ගැන කැන්ඩ්‍රාට කිවා. ඒ වගේම එයා දැක්ක දේ ගැනත් කිවා. කෙන්ඩ්‍රා නම් ඒක විශ්වාස කලේ නෑ වගේ. කොහොම හරි ඔය සිද්ධිය වෙද්දි තියාගේ තාත්තා කියන කෙනත් එයාගේ අයත් එක්ක එතනට ආවා. එයා කියපු විදියට අර අත්භූත කෙනා වැන්ඩාල් සැවේජ් කියලා කෙනෙක්. ඒ විතරක් නෙවෙයි එයා අමරණිය කෙනෙක්ලු. ඒ දේ අහපු කෙන්ඩ්‍රට මේක දරාගන්න බැරි වෙලා එයා එලියට ගියා. අතරතුර පිහාටු තියෙන මිනිහෙක් එයාව පැහැරගෙන ගියා. අද නම් ගොඩක් පුදුම දේවල් තමයි වෙන්නේ. මේ තටු තියෙන මිනිහාගෙන් කෙන්ඩ්‍රාව බේරාගන්න මායි ඔලිවරුයි ලොකු සටනක් කලා. හැබැයි එයාව අල්ලාගන්න එක නම් ලේසි වැඩක් වුනේ නෑ.

මේ කෙනා කියන විදියට වැන්ඩාල් කෙන්ඩ්‍රාව මරන්න එන්නේ පරණ ආත්මයක පලිය ගන්නලු. හැබැයි ලග පාත වුන එකක් නෙවෙයි අවුරුදු 4000කට කලින් වුන දෙයක්. එයා කෙන්ඩ්‍රාගේ පරණ පෙම්වතාලු. මේ දෙන්නාව මරණ වාරයක් පාසා ‍වැන්ඩාල්ගේ බලය වැඩි වෙනවලු. ඉතින් මේ හැමදේම කියපු එයා කිවේ කෙන්ඩ්‍රාටත් මේ වගේ පියාඹන්න පුලුවන් එයාගේ බලය ඇති කරන්න ඕනි කියලා. ඒ වැඩේ කරන්න ගිහින් තව ටිකකින් එයා මැරෙනවත් එක්ක. ඔය අතරේ වැන්ඩාල් නගරයෙන් යන්න ගියා කියලා අපිට ආරංචි වුනා. එයා බලගතු යෂ්ටියක් ගන්න සෙන්ට්‍රල් නගරයට ගියා කියලා තමයි ආරංචි වුනේ. ඒ නිසා මායි ඇරොයි එයාව අල්ලාගන්න එතනට ගියා. හැබැයි ඉතින් එතකොට අපි පරක්කු වැඩියි. මොකද වැන්ඩාල් යෂ්ටිය අරගෙන ඉවරයි. ඒ වෙලාවේ එයාව පරද්දවන්න හැදුවත් අපිට ඒක බැරි වුනා. ඒ අතරේ කෙන්ඩ්‍රා පියාඹන්න පුරුදු වුන නිසා අපි දෙන්නා නූලෙන් බේරුනා. ඉතින් කොහොම හරි මේ වැන්ඩාල්ව පරද්දන්න ක්‍රමයක් හොයාගන්න ඇරෝ ටිම් එක සෙන්ට්‍රල් නගරයට ඔලිවර් ගෙන්වාගත්තා…

ප.ලි : හැමෝම වගේ මාත් නත්තලට නිවාඩුක් ගන්න හිතුවා. මාසයක විතර පොඩි නිවාඩුවක් ගත්තට මාත් එක්ක තරහා වෙන්නේ නැතිවේවි නේද? එහෙනම් ජනවාරි 20 ආයේ මුණගැසෙමු… 
හැමෝටම සුභ නත්තලක්…!

 

 

189 MB (720p.HEVC.x265) කොපිය මෙතනින් බාගන්න

D839DB3F547907616A1CEFD4B5BBF51E779116E0

246 MB (HDTV.AVC.x264) කොපිය මෙතනින් බාගන්න

06B006D3CAFB74A740748CF032CE4AB7E8B8EF76 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

11,460 downloadsDownload The-Flash-S02-E09.zip53 KB

 

https://d36zzuvfojr38z.cloudfront.net/wp_content/uploads/2013/12/කවිඳු.jpg මේ ලබා දී ඇති සිංහල උපසිරැසි පිළිබද “කවිඳු ගිම්හාන් (පැතුම්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                All Episodes                      Next Episode>>