The Pacific [E08] Sinhala Subtitles – Iwo Jima | ඉයෝ ජිමා [සිංහල උපසිරැසි සමඟ]

පැසිෆික් ගැන විචාර ලියපු සමහරක් විචාරකයෝ මේ කොටස හඳුන්වන්නේ මේ කතා මාලාවේ තියන හොඳම කොටස මේක කියලයි. මේ කොටස පාදක වෙන්නේ යුද්ධයක තියන නිශ්ඵලත්වය සහ යුද්ධය නිසා තම සමීපතමයන් අහිමි වන පිරිස ගැනයි. මේ කොටසෙදි කතා නායකය වෙන්නේ ජෝන් බැසිලෝන්. හැමෝටම මතක ඇති නේ එයා ගැන. මේ වෙනකොට ජෝන් තීරණය කරනවා නිකන් කාලේ කකා ඉන්නේ නැතුව හමුදාවට සේවයක් කරන්න. ඉතින් එයා අවසර ඉල්ලනවා පෙඩිල්ටන් හමුදා කඳවුරේ ආධුනිකයන් පුහුණු කරන්න එයාට අවසර දෙන්න කියලා.ජෝන්ට ඒ සඳහා අවසර ලැබෙනවා. ඉතින් එයා එයාගේ අලුත් කඳවුරට ගිහින් ආධුනික සෙබලුන් පුහුණු කරන්න පටන් ගන්නවා. ඔය අතරෙදි ලීනා රිගී කියන සාර්ජන්වරිය කෙරෙහි ජෝන්ගේ හිතේ කැමැත්තක් හට ගන්නවා. නමුත් ලීනා නම් මේ ග්වාඩකැනල් යුධ වීරයව එච්චරම ගණන් ගන්නේ නැහැ. කොහොම හරි මේ දෙන්න අතරේ ආදරයක් හට ගන්නවා. මේ වෙන කොට ජෝන්ගේ හමුදා සේවා කාලය ඉවර වෙන්න ආසන්න වෙලයි තියෙන්නේ. ඒත් එක දවසක් ජෝන් ලීනාට කියනවා එයා එයාගේ සේවා කාලය දික් කරගත් බවත් එයාට ඕනේම වෙලාවක සටන් බිමට කැදවීමක් ලැබිය හැකි නිසා වෙන කෙනෙක් ගැන හිතුවට කමක් නැහැ කියල. නමුත් ලීනා ජෝන්ව ප්‍රතික්ෂේප කරන්නේ නැහැ. ඇය ජෝන් හා විවාහ වෙනවා.මේ අතර ජෝන් පුහුණු කරපු මැරීන් භටයන්ට සටන් බිමට යාමට සිදුවෙනවා. මෙතනදි ජෝන් තීරණය කරනවා තමන්ගේ ශිෂ්‍යන් සමග සටනට යාමට.

ඔවුන්ට ආක්‍රමණය කරන්න සිදු වෙන්නේ ජපන් ප්‍රධාන දූපත් ආක්‍රමණය කිරීමේ සැලැස්මට උපායමාර්ගිකව වැදගත් වෙන ඉයෝ ජිමා නම් දූපතක්. ඉතින් මේ සඳහා ජෝන්, ඔහුගේ ශිෂ්‍යන් ඇතුලු තවත් මැරීන් භටයන් 30,000ක් පමණ සහභාගි වෙනවා. වාර්තා වල සදහන්ව ඇති පරිදි මේ සටන තමයි පැසිෆික් සාගරයේ සිදු වූ සමස්ථ සටන් වලින් ජපන් හමුදා සෙබලුන්ට වඩා ඇමරිකානු හමුදා සෙබලුන්ගේ ජීවිත හානිය වැඩිවුන එකම සටන. ඒ වගේම මේ සටන තුලදි 22,000 වූ ජපන් හමුදාවෙන් අන්තිමට ඉතිරි වෙලා තියෙන්නේ 216 දෙනෙක් විතරයි. ඉතින් ජෝන් ඇතුලු මැරීන් භටයන් මේ දරුණු සටනට මුහුණ දෙන විදිහ මේ කතාවෙන් බලමු. 😀

 

 

 

Due to copyright issues, we no longer provide any torrent links.

මෙම උපසිරැසිය ඉහත HDTV සහ BR පිටපත් සඳහා පමණක් වලංගු වේ.

“උපසිරසි BR පිටපත වෙනුවෙන් යාවත්කාලින කර අප වෙත එවීම සම්බන්ධව විශේෂ ස්තුතිය
” Akila Jayathunga ” සොයුරා වෙත හිමිවිය යුතුය. “

10,223 downloadsDownload The.Pacific-BR-E08.zip89 KB

මේ ලබා දී ඇති සිංහල උපසිරැසි පිළිබද “පුබුදු සුපුන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/09/30