The Pacific [E09] Sinhala Subtitles – Okinawa | ඔකිනාවා සටන [සිංහල උපසිරැසි සමඟ]

පැසිෆික් සයුර කතා මාලාවේ නවවන කොටස වන මෙයට පාදක වෙන්නේ ඔකිනාවා සටන ගැනයි. ඔකිනාවා කියන්නේ ජපානයට කිලෝමීටර් 550 ක් ඈතින් තියන කුඩා දූපතකටයි. ඉතින් මිත්‍ර හමුදා ජපානය ආක්‍රමණය කිරීමේ සැලැස්මේ ගුවන් හමුදාවේ මූලස්ථානය වශයෙන් ඔකිනාවා දිවයින යොදා ගැනීමට බලාපොරොත්තු වෙනවා. ඉතින් 1945 අප්‍රේල් මාසේ පටන් ගන්න මේ සටන දින 82 කට තිස්සේ පැවත්වුනා කියලයි සදහන් වෙන්නේ. ඒ වගේම පැසිෆික් සාගරයේ සිදු වූ සියලුම සටන් වලින් වැඩිපුරම ජීවිත හානි වාර්තා වෙලා තියෙන්නෙත් මේ සටනෙදියි. ජපානයට මේ සටන නිසා සොල්දාදුවන් 100,000 අහිමි වෙලා තියන අතර ඇමරිකාවට 65,000 සොල්දාදුවන් අහිමි වෙලා තියනවා. ඊට අමතරම ඔකිනාවා වල ජීවත් වූ අහිංසක සිවිල් වැසියන් 10,000 පමණ වෙඩි හුවමාරු වලට මැදිව මිය ගිහින් තියනවා.

දැන් මේ කතාව පැත්තට හැරුනොත්, කලින් කොටසෙදි ඉයුජින් ඇතුලු මැරීන් භටයන් පෙලෙලූ වල ජයග්‍රහණයෙන් පස්සේ ආපහු පුවූවූ දිවයිනට ගියා කට්ටියට මතකනේ. ඉතින් එහෙ පොඩි විවේකයක් ලැබුනට පස්සේ ඔවුන්ට ඔකිනාවා සටනට සම්බන්ධ වෙන්න සිද්ද වෙනවා. ඉතින් මේ වෙන කොට ඉයුජින් ප්‍රවීණ සටන්කරුවෙක් බවට පත් වෙලා ඉවරයි. ඒ විතරක් නෙමේ මැරීන් බළකායෙත් වෙනස් කම් කිහිපයක්ම සිදු වෙලා තිබෙනවා. ඇක් ඇක් ගේ මරණය නිසා මෙයාලට අණ දෙන්න අලුත් ලුතිනන් කෙනෙක් සහ බළකායට අලුතින් බැඳුන සෙබලු ටිකකුත් ඉන්නවා. ඔකිනාවා සටනෙදි මැරීන් භටයන්ට මුහුණ දීමට සිදු වන්නේ ග්ලොස්ටර් තුඩුවේ තිබ්බා වගේ කාළගුණයකටයි. ඉතින් වර්ෂාව නිසා ඔකිනාවා කොච්චර මඩ වෙලාද කියනව නම් තමන්ගේම සෙබලුන්ගේ මිනී ඉවත් කරගන්න වාහන වලට යන්න බැරි තරමට මඩ වෙලා නිසා ගොඩක් මිනී තැන තැන වැටිලා කුණු වෙලා යනවා. ඉතින් මේ දුෂ්කරතා ඔක්කොම ඉවසා දරාගෙන සටන් කරන මැරීන් භටයන්ට අලුතින් හමුදාවට බැඳුන පෙක් නම් භටයා නිසා තවත් කරදර ගොඩක පැටලෙන්න වෙනවා.

කට්ටියට මතකද දෙවෙනි කොටසෙදි ඉයුජින්ගේ තාත්තා ඉයුජින් හමුදාවට බැඳෙනකොට කියපු දේ. “සටන් වදින සෙබලුන්ට ශරීරයට වඩා මනසට වන තුවාල දරුණුයි, දවසක මම ඔයාගේ ඇස් දෙක දිහා බලන කොට එය කිසිම දීප්තියක් නැති, ජීවයක් හෝ ආදරයක් නැති දෙයක් බවට පත් වෙලා තිබ්බොත් එය මගේ හදවතට විශාල වේදනාවක් වේවි” ඉතින් එදා ඉයුජින්ගේ තාත්තා කියපු දේ මේ වෙනකොටත් වෙලා ඉවරයි.ඉතින් එහෙනම් මේ කොටසත් බලලම ඉන්නකෝ 😀

 

 

 

Due to copyright issues, we no longer provide any torrent links.

මෙම උපසිරැසිය ඉහත HDTV සහ BR පිටපත් සඳහා පමණක් වලංගු වේ.

“උපසිරසි BR පිටපත වෙනුවෙන් යාවත්කාලින කර අප වෙත එවීම සම්බන්ධව විශේෂ ස්තුතිය
” Akila Jayathunga ” සොයුරා වෙත හිමිවිය යුතුය. “

9,790 downloadsDownload The.Pacific-BR-E09.zip96 KB

මේ ලබා දී ඇති සිංහල උපසිරැසි පිළිබද “පුබුදු සුපුන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/09/30