The Walking Dead [S02 : E06] | හොර රහස මාට්ටු…! [සිංහල උපසිරැසි සමඟ]

එන්න එන්නම් දැන් ඉතින් 6 වෙනි කොටසටත් ආවා 🙂 ඇත්තටම ඒ ගැන සන්තෝසයි. ඉතින් සුපුරුදු ලෙස කලින් කොටසේ පොඩ්ඩක් මතක් කරගමුද? ඉතින් අපේ කස්ටිය ටික දිගටම සොෆියාව හොයනවා. ඒත් හර්ෂල් මොකක්දෝ හේතුවක් නිසා ඔහුගේ ඉඩම ගැන ගොඩක් වද වෙනවා. ෂේන්නුයි රික්නුයි පොඩ්ඩක් අවුල් නෙහ්? ෂේන් කියනවා හොයන එක නවත්තන්න ඕන කියලා. රික් කියනවා දිගටම හොයමු කියලා. ඉතින් රික් ෂේන් එක්ක තරහ වෙනවා. හැබැයි පස්සේ ඔහුට තේරෙනවා ෂේන් හරි කියලා. සොෆියාව හොයන අතරේ ඩැරිල් සොෆියාගේ බෝනික්කාව හොයාගන්නවා. හැබැයි ඊට පස්සේ ඩැරිල් කන්දකින් පල්ළෙහාට වැටිලා ලෙසටම තුවාල වෙනවා. ඊට පස්සේ ඩැරිල්ට මැවිලා පේනවා මර්ල්ව( ඩැරිල් ගේ අයියා). අනතුරුව ඩැරිල් අමාරුවෙන් කන්ද නගිනවා. ඉතින් ඩැරිල් තුවාල වෙලා බැරි මරගාතේ එනකොට ඇන්ඩ්‍රියා ඔහුව දකින්නේ ඇවිදින මළමිණියක් කියලා. ඇය වෙඩි තියනවා. හැබැයි වාසනාවකට ඩැරිල් මැරුණේ නෑ. ඔහොම කථාව ගෙවිලා යද්දී රෑ කෑම වෙලාවේ මැගී පොඩි කොල කෑල්ලක් කාටත් හොරෙන් ග්ලෙන්ට දෙනවා. ඒකේ තියෙන්නේ අපිට ලිංගිකව එකතු වෙන්න පුලුවන් කොහේද කියලා. ග්ලෙන් පිළිතුරු ලියලා දෙනවා ගොවිපළේදි හම්බවෙමු කියලා. හැබැයි මැගීට ඕක කියවන්න වෙන්නේ නෑ. ඉතින් ග්ලෙන් ගොවිපළට යනවා. තැතිගැහෙන මැගී ක්ෂණිකව යනවා ග්ලෙන්ව නවත්තන්න. හැබැයි පරක්කු වැඩියි. ග්ලෙන් දැනගන්නවා ගොවිපළේ ඇවිදින මළමිණියෝ පිරිලා ඉන්නවා කියලා.

දැන් අද කොටස ගැන පොඩ්ඩක් බලමු. මැගී ග්ලෙන්ට ආයාචනා කරනවා ගොවිපළේ රහස කාටවත් කියන්න එපා කියලා. ඩේල්ට මාට්ටු වෙනවා ග්ලෙන්ගේ අමුතු හැසිරීම. ඊට පස්සේ ඩේල්ට ග්ලෙන් හංගන් හිටපු ප්‍රශ්න දෙකම කියනවා. 1- ලෝරි ගැබ්ගෙන තිබීම. 2- ගොවිපළේ ඇවිදින මළමිණියන් සිටීම. ඩේල් කියන්නේ මොනවවුණත් හොද මනුස්සයෙක්. ඉතින් ඔහු ලෝරි එක්ක ඒ ගැන කථා කරනවා. ඊට පස්සේ ඔහු පොරොන්දු වෙනවා ඒ ගැන කාටවත් කියන්නේ නෑ කියලා. අනතුරුව ඩේල් ගොවිපළේ ඉන්න මළමිණියන් ගැන හර්ෂල් එක්ක කථා කරනවා. හැබැයි හර්ෂල් ඉන්නේ වෙනම මතයක. ඔහු කියන්නේ ගොවිපළේ ඉන්න හැම දෙනාව ලෙඩවෙච්ච මිනිසුන් කියලා. තවත් ඔහු කියනවා ගොවිපළේ ඔහුගේ බිරිද සහ සුළු පුතා ඉන්නවා කියලා. ඩේල් කියන්නේ නම් ඔවුන් මිනිස්සු නෙවේ කියලා. ඔහු තවදුරටත් කියනවා ඔවුන් තියාගැනීම භයානකයි කියලා. ඒත් හර්ෂල් හිතන්නේ ඇවිදින මළමිණි මරන එක නරක දෙයක් කියලා. ඔය අතරේ රික්, ෂේන් සහ ටී-ඩෝග් තුවක්කු පුහුණුවක් ලබාදෙනවා ප්‍රධාන වශයෙන් ජිමීටයි කැරල්ටයි ඇන්ඩ්‍රියාටයි . හැබැයි ඇන්ඩ්‍රියා නියමට වෙඩි තියනවා. ෂේන් තීරණය කරනවා ඇයට අමාරු පුහුණුවීම් ටිකක් දෙන්න ඕන කියලා. ඒත් ඇයට හෙලවෙන ඉලක්කෙකට වෙඩි තියාගන්න බැරිවෙනවා. ෂේන් ඇන්ඩ්‍රියාව ධෛර්යමත් කරනවා ඒමි(ඇන්ඩ්‍රියාගේ මැරුණු නංගී) ගැන මතක් කරලා. ඊට පස්සේ ඇන්ඩ්‍රියා අප්සෙට් ගහනවා. ඇන්ඩ්‍රියා එතනින් යනවා.

ග්ලේන්නුයි මැගීනුයි පාමසියට යනවා ලෝරිට බඩු වගයක් ගේන්න. ග්ලෙන්නුත් කියනවා ඇවිදින මළමිණි මරන්න ඕන කියලා. මැගීට ‘ඇවිදින මළමිණි‘ කියන වචනේ පාවිච්චි කරාම තරහ යනවා. ඇය කියනවා ඔවුන්ව දන්නේ ඔවුන්ගේ ඇත්ත නම් වලින් කියලා. පාමසි එක ඇතුලෙදි මැගී ඇවිදින මළමිණියෙක්ට ආක්‍රමණය වෙනවා. ඉතින් වීරයා වගේ ග්ලෙන් ඇයව බේරගන්නවා. ගොවිපළට ආවට පස්සේ මැගී, ලෝරිට දෝෂාරෝපණය කරනවා. ඊට පස්සේ මැගී ග්ලෙන්ට කියනවා ඔහුගේ කණ්ඩායමේ අනිත් අය ඔහුට ගෞරව කරන්නේ නෑ කියලා. ග්ලෙන් ලොරිව හම්බවෙලා කියනවා ඔහු ලෝරිගේ යාළුවෙක් කියලා. රික්ට ගැබ්ගැනීම ගැන කියන්න කියලත් ඔහු ලෝරිට කියනවා. කලින් පැවසූ පරිදි ග්ලෙන් ගෙනා බෙහෙත් පෙති බොන්න යද්දී ඇය ඒවා එළියට ගිහින් විසික් කරනවා. ඇය එළියට ගිය අතරතුර රික් කදවුර ඇතුලට එනවා. ඊටපස්සේ ඔහු හොයාගන්නවා කාටත් හොරෙන් ලෝරි ගෙන්නගත්ත බෙහෙත් පෙති ටික. ඊට පස්සේ ඔහු ඇයව හොයාගන්නවා. ලෝරි කියනවා ෂේන්ගෙයි ඇයගෙයි සම්බන්ධයක් තියෙනවා කියලා.

ඇන්ඩ්‍රියයි ෂේන්නුයි සොෆියාව හොයන්න යනවා. හැබැයි ඔවුන් ඇවිදින මළමිණිගෙන් වටවෙනවා. ඊට පස්සේ ඇන්ඩ්‍රියාට කොහොමහරි වෙඩි තියාගන්න පුළුවන් වෙනවා. ඔවුන් දෙන්න බේරෙනවා. ඊට පස්සේ වෙන කෑල්ලනම් සදාචාරත්මක නෑ. ඔයාලම බලාගන්න. ඩේල්ට තේරෙණවා ෂේන්ගෙයි ඇන්ඩ්‍රියා අතරෙයි මොකක්හරි පලහිලව්වක් තියෙනවා කියලා. ඔහු ෂේන්ට කියනවා ඇයගෙන් ඉවත් වෙලා ඉන්න කියලා. ඩේල් ෂේන්ට කියනවා ඕටිස් මැරුණෙත් ෂේන් නිසා කියලා. හරි. දැන් ඉතින් මගේ වැඩේ ඉවරයි. දැන් ඔයාලට බලන්න තමයි තියෙන්නේ. මේ බැලුවට කමක් නෑ. අනිවා කමෙන්ට් එකක් දාලා යන්න ඕන. ඊලග කොටසින් හමුවෙමු. ජය වේවා!

 

 

ටොරන්ට් එක තුල සියලුම කොටස් ඇතුලත් වෙනවා. එයින් අවැසි කොටස පමණක් ඔබට බාගත කරගන්න පුළුවන්. එයට උපදෙස් සිංහලෙන්ම මෙතන තියනවා.

140 MB (1.9 GB) කොපිය මෙතනින් බාගන්න bc37ca0fc094485e9afd9b5c3d46fdd3638f722b 350 MB (4.7 GB) කොපිය මෙතනින් බාගන්න cee0d3b9c1c2d7d1106596cae8d5ff64dd51ba49 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

6,429 downloadsDownload The.Walking.Dead_.S02E06.zip92 KB

 

https://d36zzuvfojr38z.cloudfront.net/wp_content/uploads/2013/04/බුද්ධිල-යසස්.jpg මේ ලබා දී ඇති සිංහල උපසිරැසි පිළිබද “බුද්ධිල යසස්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< previous Episode                      All Episodes                        Next Episode >>