The Walking Dead [S11 : E24] Sinhala Subtitles | ජිවත් වූවන් අප වන්නෙමු. [සිංහල උපසිරසි]

මේ අරගෙන එන්නෙ වෝකින් ඩෙඩ් අවසාන කතා මාලාවේ අවසානම කතාංගය. කියන්න දීර්ඝ කතාවක් තියෙනව. කතාවෙ මෙතෙක් වුණ දේවල් මොකුත් කියන්නේ නැහැ, මෙතනින් එහාට තියෙන්නේ කලකිරීම සම්බන්ධව වචන ටිකක්. බොහොම කෙටියෙන් කියන්නම්. කැමති නම් මේක ස්කිප් කරලා කෙලින්ම සබ් එක ඩව්න්ලෝඩ් කරගෙන යන්න. 🙂

අපි මේකට උපසිරසි දෙන්න පටන් ගත්තේ 2014 අවුරුද්දේ මාර්තු මාසේ පළමුවැනිදා. නවින් ප්‍රමෝද් සහෝදරයා තමයි මුල්ම උපසිරැසිය ලබාදුන්නේ. එතනින් එහාට උපසිරසිකරුවන් ගණනාවක් මේ වැඩේට දායක වුණා. හරියටම ගණනය කලේ නැහැ, දල වශයෙන් එපි 50+ උපසිරසි අරගෙන ආවේ මම. මට කරගන්න වෙලාවක් නැති වුණ හැම වෙලාවකදීම චාමර සම්පත් සෑහෙන උදව් කළා. ඒ වගේම සචින්ත කල්හාර මල්ලිත්. කැළුම් ගුණසේකර අයියත් මතක් කරන්න ඕන විශේෂයෙන්ම. ඉතිං හරියටම වෙන් වෙන් වශයෙන් නම් නොකිව්වත් මේ වැඩේ මේ වෙනකම් කරගෙන එන්න දායක වුණ හැම උපසිරසිකරුවෙකුම ආදරයෙන් මතක් කරනවා මම. ඒ අය නිසයි මේ වගේ දීර්ඝ කතා මාලාවක් මේ තරම් දුර ආවේ.

ඒ වගේම කියන්න ඕනා මේකට ගොඩ නැගුණු ෆෑන් බේස් එක ගැන. මේක පට්ටම ටොක්සික් ෆෑන් බේස් එකක්. බොහොම කනගාටුවෙන් කියන්නේ ඇත්තටම. හරියටම එකොළොස්වෙනි සීසන් එකේ 18 සහ 19 එපි දෙක හදිසියේම ආවට පස්සේ මම චාමර සම්පත් සහෝදරයට මැසේජ් එකක් දැම්ම ඒ සබ් දෙක කරන්න වෙන්නේ නැහැ. කරලා දීපං ඉතුරු ටික මම කරලා දාන්නම් කියල. කොහොම නමුත් වැඩ වැටුණු නිසා 20 වෙනි එපිය ඒ සුමානේ දෙන්න වුණේ නැහැ. එපි 20 සහ 21 දෙකම සබ් කරල ඉවර වෙලා එක පාර ඒ එපි දෙකම දෙන්න සයිට් එකට ඇවිල්ල පොස්ට් එක හදන්න යනකොට තමයි චාමර සම්පත් සහෝදරයට දාල තිබ්බ කමෙන්ට් ටික දැක්කේ. ඒ කමෙන්ට් ටික දැකපු වෙලාවෙම කලේ හදපු සබ් ෆයිල් දෙක ඩිලීට් කරලා දාල ආයේ මේක කරන්න පුළුවන් කෙනෙක් එනකම් සබ් දෙන්නෙ නැහැ කියල ඒ පොස්ට් එකේම නෝට් එකක් දාපු එක. සිරාවටම එපා වුණා. පුළුවන් එකෙක්ට කරගන්න කියලයි අත් හැරියේ. කතාව බලල නිකම් ඉන්න පුළුවන්කම තියෙනකොට අසික්කිත හැතිකරයක් වෙනුවෙන් සබ් කරන්න මහන්සි වෙන්න ඕනකමක් මට දැනුනේ නැහැ ඒ කමෙන්ට් දැක්කම. මොකද අපි මේ සබ් දෙන්නේ ගුගල් කරලා එහෙන් මෙහෙන් අතින් හදල දහ ජරා විධියට නෙමෙයි. වාක්‍යයෙන් වාක්‍යය බලල ගලපලා නිසා. එහෙම මහන්සි වෙලා අර වගේ වචන අහන්න ඕනකමක් මට කොහෙත්ම නැහැ. 🙂

හැබැයි එහෙම අතැරලා දැම්මට පස්සේ ගුගල් එකෙන් ට්‍රාන්ස්ලේට් කරපු සබ් ඇරෙන්න හොඳ සබ් එක්ක කවුරුත්ම කලේ නැහැ. ඕක තමා ඇත්තම කතාව. සබ් කරන අය පඳුරකට පයින් ගැහුවම සීයක් දෙසීයක් විසිවෙන්නේ නැහැ. හැම කෙනාම ටීවී සිරිස්වලට සබ් දාන්න එන්නෙත් නැහැ, ඒ එන අය මේ වගේ මරාල වලට කර ගහන්න කැමතිත් නැහැ.

අන්තිමේදී කොහොමහරි මමම ආපහු දෙතුන් දෙනෙක්ව එකතු කරගෙන සබ් ටික දීල පටන් ගත්ත වැඩේ ඉවර කරනවා කියල හිතුව. හැබැයි මේ අවුරුදු ගානක් බොහොම සතුටින් වෙච්ච මහන්සිය අන්තිමේ නිමා කරන්නේ කලකිරීමෙන්.

අවසාන වශයෙන් කියන්න ඕනා මේක අපේ ජොබ් එක නෙමෙයි, අපි ආතල් එකට කරන දෙයක් මේක. උඹලත් මේවා බලන්නේ ආතල් එකට. අපේ සබ් කරන අයට වැටෙන වැඩ රාජකාරි නිසා මේවට සබ් කරන එක අතපසු වෙන්න ඉඩ තියෙනව. එහෙම වෙලාවක ඉවසපල්ලා. කරන්න බැරි නම් කරන්න පුළුවන් එකෙක්ට දෙන්න කියලා උඹලා කියන පමාවෙන් බාරදෙන්න විධියක් නැහැ. අපිට පුළුවන් නම් දිගටම සබ් දෙනවා. බැරි කමක් තියෙනව නම් නිකම් ඉන්න වෙනව.

කරන්න මේවට සබ් කරන්න මිනිස්සු පෝලිම් ගැහිලා බලාගෙන ඉන්නේ නැහැ. මේකෙන් පස්සේ ආයේ වෝකින් ඩෙඩ් යුනිවර්ස් එකේ කිසිම සිරිස් එකකට උපසිරසි ලබාදෙන්න පෞද්ගලිකව මගෙත්, ඇඩ්මින් මඩුල්ලේත් අදහසක් නැහැ. කියල අවසාන වශයෙන් බොහොම කනගාටුවෙන් ප්‍රකාශ කරන්න වෙනවා, පටන් ගත්ත දවසේ ඉඳලා සහය දක්වලා කමෙන්ට් දාපු හැමෝටම ගෞරවණිය ප්‍රණාමය පිරිනමනවා! 🙂 

 

 

 

 

Due to copyright issues, we no longer provide any torrent links.

මෙම උපසිරැසිය ඉහත WEB පිටපත් සඳහා පමණක් වලංගු වේ.

4,801 downloadsDownload The.Walking.Dead_.S11E24.Rest_.in_.Peace_.zip46 KB

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.