Wednesday [S01 : E01] Sinhala Subtitles | නෙවමෝ(ර්) වෙත සාදරයෙන් පිළිගන්නව! [සිංහල උපසිරසි]

ඔන්න එහෙනම් මේ අරන් එන්නෙ ඔයාල ගොඩක් දෙනෙක් අපෙන් ඉල්ලපු කතා මාලාවක්. නිකුත් වුණේ 2022 නොවැම්බර් 23 වෙනිදා. මේක නෙට්ෆ්ලික්ස් තුල වාර්ථා අළුත් කරන්න සමත් වුණ කතා මාලාවක්ද වෙනවා. එනම් නෙට්ෆ්ලික්ස් එකේ දැනට සතියක් තුල වැඩිම නැරඹුම් වාර සංඛ්‍යාවක් ලබාගත්ත ටීවී සීරිස් එක වෙනවා. ඒ නැරඹුම් වාර මිලියන 341.2 ලබාගනිමින්. මීට පෙර ඒ ස්ථානය ලබාගෙන තිබුනේ ස්ට්‍රේන්ජර් තින්ග්ස් හතරවෙනි කතා සමයයි. ඒ තරම් ප්‍රේක්ශකයො අතරේ ජනප්‍රිය වුණ මේ සීරිස් එකට මේ වෙනකොට IMDb 8.5 ඉතාම ඉහල අගයකුත් කුණු තක්කාලි 70% ගන්නත් සමත් වෙලා තියෙනවා. මේ කතා මාලාවෙ ජනප්‍රියත්වෙට හේතු වුණ ලොකු සාදකයක් තමයි මෙහි වෙන්ස්ඩේගෙ චරිතය නිරූපනය කරන Jenna Ortega. ඇය ඇගේ රඟපෑම අකුරටම කරා කියන්න මේක බලන කොයිකාටත් බය නැතුව පිලිගන්න පුළුවන් වේවි.

එහෙනම් අපි කතාව පැත්තට හැරෙමු, මේ කතාව පටන් ගන්නේ මේකෙ ප්‍රධාන කතා නායිකාව වෙන වෙන්ස්ඩේව ඇය ගියපු ස්කෝලෙන් අස් කරන තැනින්. එහෙම අස් කරන්න හේතුව වෙන්නේ ඇගේ දරුණු වැඩක් නිසා. කොහොම හරි වෙන්ස්ඩේ කියන්නේ ගොඩක් මුරන්ඩු, අඳුරු චරිතයක්. ඇගේ හැසිරීම් නිසාම ඇයව ස්කෝල කීපෙකින්ම අස්කරගන්න ඇගේ දෙමාපියන්ට සිද්ධ වෙනවා. ඉතින් එයාගෙ දෙමව්පියන් තීරණේ කරනවා එයාලත් ගියපු ස්කෝලෙ වෙන නෙවර්මෝ ඇකඩමියට වෙන්ස්ඩේව දාන්න. ඒක විශේශිත අයට උගන්නන්න හදපු බෝඩින් ස්කෝලයක්. විශේශිත අය කිව්වේ වෙයාවුල්ෆ්ලා, දියකිඳුරියො, වැම්පයර්ස්ලා වගේ අමුතු අයට. ඒත් වෙන්ස්ඩේ නම් මේ ස්කෝලෙ ගැන සුළුවෙන් තකන්නේ මොකද එයා හිතනවා මේකත් අනික් ස්කෝල වගේම සාමාන්‍ය ස්කෝලයක් කියලා. ඒත් ඇත්තටම නෙවර්මෝ සාමාන්‍ය ස්කෝලයක් වෙයිද වෙන්ස්ඩේට?

එහෙනම් එච්චරයි මං කතාව ගැන කියන්න යන්නේ. පලවෙනි කොටස නිසා මේකෙ තියෙන කුතුහලේ, අභිරහස්, ප්‍රශ්න ඔයාලටම දැනගන්න ඉඩහරින්නම්. ඒ වගේම මතක් කරන්න ඕනෙ මේකට උපසිරැසි කරන්න දායක වුණ ලක්ෂාන් / මයුර / චාමිකර / සංජන යන සහෝදරවරුන්ව සහ මේ වැඩේට ගොඩක් සහයෝගය දුන්න විමා අයියවත්. එහෙනම් දෙවෙනි කොටසෙන් හමුවෙමු ජයවේවා!

 

     

Due to copyright issues, We no longer provide any torrent links.

ලබා දී ඇති උපසිරසි WEB පිටපත් සඳහා පමණක් අදාළ වේ.

 

35,482 downloadsDownload Wednesday.S01E01.zip2.1 MB

මේ ලබා දී ඇති සිංහල උපසිරැසි පිළිබද “Bimsara Yashan (ඔලිව)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2020-01-04
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.