Wu Assassins [S01 : E01] Sinhala Subtitles | පැවිදි 1000ක බලය.. [සිංහල උපසිරැසි සමඟ]

ඔන්න මේ පාර වෙනස්ම ආකාරයෙ රූපවාහිනී කතාමාලාවට උපසිරැස සපයන්නයි මේ සුදානම් වෙන්නෙ. මේ වෙනකොටත් කට්ටිය දන්නවත් ඇති මේ ගැන. 2019 වර්ෂයෙ අගෝස්තු 8 වෙනිදා තමයි මේක ආවේ. මේ වෙනකොටත් කොටස් 10 යම වගේ අන්තර්ජාලයට නිකුත් වෙලා තිබෙනවා. මොකද මේක නෙට්ෆ්ලික්ස් කතාමලාවක්. ඉතින් දන්නවනෙ එයාලා නිකුත් කරන දවසෙම වගේ සම්පුර්ණ කතාමලාවම එළියට දානව කියල. ඒ කොහොමහරි මේ වෙනකොට IMDb අගය 7.2 ක වැනි ඉහළ අගයක් සහ කුණු තක්කාලි අගය 67% අරගන්න සමත් වී තිබෙනවා. ඒවගේම තමයි රංගනයෙන් අපිට දැකගන්න ලැබෙන්නෙ ගොඩක් ක්‍රියාදාම සපිරුණු චිත්‍රපට වලදී දකින්න ලැබෙන කට්ටියක්. ඒ Iko Uwasis | Katheryn Winnick | Byron Mann | Lewis Tann වැනි කට්ටියව මේකෙදී දැකගන්න ලැබෙනවා. ඒ වගේම පරණ සටන් නළුවෙක් වන Mark Dacascos මෙහි දායකත්වය දක්වනවා. ජෝන් වික් 3 එකේ හිටපු වික්ගේ එදිරිවාදියා උනේ එයා තමයි.   එහෙනම්, අපු කතාවට පැත්තට හැරෙමුකො.

සැන් ෆ්‍රැන්සිස්කෝ නගරයෙ එක්තරා කඩයක වැඩ කරන චෙෆ් කෙනෙක්. තමන්ගෙ එදා දවසෙ වැඩ කටයුතු සිදු කරමින් පාඩුවෙ සිටින කෙනෙක්. ඔන්න ඉතිං දවසක් මෙයාගෙ අතින් වැරදිලා කෑම එකට රටකජු දානවා. ඉතිං මේ කෑම එක අරගන්න කෙනා හුගක් භයානක අපරාධ කල්ලියක කෙනෙක්. ඉතිං මේ වෙලාවේ එයාලා එක්ක පොඩි රණ්ඩුවක් ඇතිවෙනවා. හැබැයි කොහොමහරි මේක ගොඩින් බේරගන්නවා. හැබැයි ඉතිං ඒ අපරාධකාරයෝ නම් එහෙම නැහැ. කායි මෙතන ඒ රෙස්ටුරන්ට් ඒකෙ වැඩ කරාට හිත තියෙන්නෙ තමන්ගෙම කියල ෆුඩ් ට්‍රක් එකක් දාගන්නයි. ඉතිං මෙයා කොහොම හරි ඒක කරනවා. ඉතිං සතුටින් තමන්ගෙ පාඩුවේ ඉන්න කායිට තමන්ගෙ සතුටු භුක්ති විඳින්න ලැබෙන්නෙ ඉතාම ටික වෙලාවයි. මොකද මං අර කලින් කියපු අපරාධකාරයින්ගෙ කල්ලියෙ කට්ටියක් ඇවිත්. ඔහුගෙ ඒ රෝද හතරේ කඩේ විනාශ කරනවා. ඒවගේම තමයි කායිටත් පහර දෙනවා. හැබැයි ඔහු කොහොම හරි එතනින් බේරිලා පැනගන්නවා. ඔන්න ඔය යන අතරේ වාහනෙට කෙනෙක්ව හැප්පෙනවා. හැබැයි ළඟට ගිහින් බලනකොට කිසිම දෙයක් වෙලා නැහැ. ඒවගේම මේ ගැහැණු කෙනා මෙයාගෙ අතට එක්තරා පාෂාණ කෑල්ලක් ලබාදීලා කියනවා ”ඔබ හට දැන් පැවිද්දන් දහසකගෙ බලය හිමිවී තිබෙනවා” කියල. කායිට මොකුත් හිතාගන්නත් බැරිවෙනවා එවෙලේ. ඒවගේම ඇය කියනවා ඔහු ”වූ ඝාතකයෙක්” කියල. ඒ කියන්නෙ ඔහුට නපුරට එරෙහිව නැගී සිටින්න සිද්ධ වෙනවයි කියලා. ඇයි එයා එහෙම කියන්නෙ? මේක ඇත්තක්ද? නැත්තම් බොරුවක්ද? ඒක ඇත්තක් නම් මේ අහිංසක කායිට මිණිමරන්න සිද්ධ වෙයිද? ඒකත් ලෝකය බේරගන්න? තවත් නම් කියන්න යන්නෙ නැහැ. අවසානය තෙක් නරඹන්නකෝ එහෙනම්. ඒවගේම කියන්න ඕන මේක අපුරු ක්‍රියාදාම සපිරුණු රූපවාහිනී කතාමාලාවක්. මීළඟ කොටසින් හම්බවෙනකම් හැමෝටම ජය!!

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය  WEB පිටපත්  සඳහා අදාළ වේ.

10,013 downloadsDownload Wu.Assassins.S01E01.zip22 KB

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2012-12-29
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.