You’re Not You (2014) | ජීවිතය තීරණය වන්නේ අසීරු අවස්ථාවන් වලදී ගන්නා තීරණ මතයි… [සිංහල උපසිරසි සමඟ]

වැඩේ භාර ගත්තට මොකද කරල ඉවර කරගන්න සති දෙක තුනක් ගියා විභාගයි අරවයි මේවයි එක්ක. පරක්කු උණා නම් සමාවෙන්න ඕනේ. වෙනද වගේම මේකත් මට හොයල දුන්නෙ සමීර චතුරංග සහෝදරය. ඉතිං එයාට ස්තූතිවන්ත වෙනව මේක මට හොයල දුන්නට. චිත්‍රපටය දිහාවට හැරුණොත්,

ඇමරිකානු ලේඛිකා Michelle Wildgen ගේ you’re not you නම් නවකතාව පාදක කරගෙන නිර්මාණය උණ මෙම සිනමා පටය IMDb දර්ශකයේ නාට්‍යමය ලෙස තමයි වර්ගීකරණය කරල තියෙන්නෙ. ඇමරිකාවේ නිෂ්පාදනය වූ මිනිත්තු 102ක් පුරා දිවෙන මෙම සින්මා පටය අධ්‍යක්ෂණය කරල තියෙන්නෙ George C. Wolfe කියන අධ්‍යක්ෂක වරයා විසින්. Insomnia (2002), Million Dollar Baby (2004), P.S. I Love You (2007) වැනි සිනමා පට වලට රංගනයෙන් දායක වූ Hilary Swank මෙන්ම The Day After Tomorrow (2004), Shameless (2011) වැනි සිනමාපට වලට රංගනයෙන් දායක වූ Emmy Rossum කියන නිළියන් මෙහි ප්‍රධාන නිළි චරිත වලට පණ පොවන අතර Last Vegas (2003), Transformers (2007), Transformers: Revenge of the Fallen (2009), Transformers: Dark of the Moon (2011) වැනි සිනමාපට වලට රංගනයෙන් දායක වූ Josh Duhamel ප්‍රධාන නළුවාගේ චරිතයට රංගනයෙන් දායක වෙනවා. 2014 නොවැම්බර් 26 වන දින ප්‍රදර්ශනයට නිකුත් උණ මෙම සිනමා පටයට IMDb දර්ශකයේ 7.3 වැනි ඉහළ අගයක්ද ලැබිල තියෙනවා.

ජීවිතයේ තරුණ සමයේ අඩක් අවසන්ව තවත් කරන්නට බොහෝ දේවල් වගේම ඉටුකරගන්නට තවත් බොහෝ බලාපොරොත්තු ඉතිරිව තිබියදී එක්වරම කිසිවක් කර කියා ගත නොහැකිව අසරණව ඔත්පල උවහොත් මොන වගේ හැඟීමක් සිතට ඇතිවෙයිද? අඩුම තරමෙ අත් දෙක වත් සොලවන්න නොහැකිව, තනිවම වැසිකිළියට වත් යාමට නොහැකිව දවසම පුටුවක ඉඳගෙන සිටිමින් ජීවිතයේ ඉතුරු හරිය ගත කරන්නට අවුරුදු 35ක් වයසැති කේට් හට සිදුවන්නේ අවාසනාවන්ත ලෙස “Amyotrophic lateral sclerosis” නම් මොළයේ නියුරෝන අඩපණවන රෝගයකට ගොදුරු වීම හේතුවෙන්. ඇයව සැමියා නිවසේ නැති විට බලාගන්නට, උපකාර කරන්නට කෙනෙකු සොයන විට බෙක් නැමැති දඩබ්බර, රොක් ගායිකාවක් වීමට සිහින දකින, ප්‍රේම සම්බන්ධතා වැඩි දුරක් ගෙනයා නොහැකි උසස් පාසැල් සිසුවියක් කේට් ගේ සහායිකාව ලෙස කේට්ගේ සැමියා වන එවන්ගේ අකමැත්තෙන් නමුත් කේට්ගේ කැමැත්ත හේතුවෙන් රැකියාව ලබාගන්නවා.

මුලදී බෙක්ට කිසිවක් කරගත නොහැකි උණත් කෙමෙන් කෙමෙන් බෙක් ඉවීමට කේට්ට උපස්ථාන කිරීමට ඉගෙනගන්නාවා වගේම කේට්ගේ මිතුරියක් බවටද පත්වනවා. මේ අතර කේට්ගේ සැමියා ඔහුගේ කාර්‍යාලයේ වෙනත් ගැහැනියක් සමඟ පවත්වන අනියම් සම්බන්ධ කමක් කේට්ට දැනගන්න ලැබෙන අතර ඇය තව තවත් දුර්වල වෙනවා. කේට් බෙක් සමඟ නිවසින් පිටව යන අතර නැවත නිවසට පැමිණෙන්නේ සැමියාට ගෙදර ඒමට තහනම් කරමිනි. ඇගේ යහළුවන් සමඟ කටයුතු කිරීමේදී ඇය අසරණ වන අතර කේට් හා බෙක් තව තවත් මිතුරන් බවට පත්වනවා. එහිදී මෙම කාන්තාවන් දෙදෙනාම මුහුණ දෙන අත්දැකීම් හා ඔවුන්ගේ අදහස් එකිනෙක ගැටෙමින් තමන්ට තමන් ගැන හොඳ අවබෝධක් ලබා ගන්නවා. මෙවැනි තත්වයක ඉන්න රෝගියෙකු මුහුණ දෙන අපහසුතා, කලකිරීම්, පසුතැවීම්, ඔවුන් විඳින පීඩා, ඔවුන්ගේ සිතුවිලි ක්‍රියා කරන ආකාරය මෙම සිනමාපටයෙන් හොඳින් නිරූපණය වනවා.

ඔන්න ඔහොමයි කතාව, තව තව දේවල් වෙනව මේ මිනිත්තු 103 තුළදි සිද්ධ වෙනව. සේරම කිව්වොත් වැඩක් නෑ නෙ. ඉතිං ඒ ටික ඔයාලට බලන්න ඉතිරි කරනවා.

එහෙනම් තවත් උපසිරැසියකින් හමුවනතුරු ඔයාලට සුබ දවසක් 😀 😀

[button link=”http://tinyw.in/oQOG” type=”icon” “center” newwindow=”yes”] 498 MB කොපිය මෙතනින් බාගන්න[/button]

[button link=”http://tinyw.in/uHAF” type=”icon” “center” newwindow=”yes”] 752 MB කොපිය මෙතනින් බාගන්න[/button]

[button link=”http://tinyw.in/jYPj” type=”icon” “center” newwindow=”yes”] 806 MB කොපිය මෙතනින් බාගන්න[/button]

[author] [author_image timthumb=’on’]http://www.baiscope.lk/wp-content/uploads/2014/11/හසන්ත-මාලිංග.jpg[/author_image] [author_info]මේ ලබා දී ඇති සිංහල උපසිරැසි පිළිබද “හසන්ත මාලිංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]